Skinfaxi - 01.04.2018, Blaðsíða 22

22 SKINFAXI
Ástundun venjulegra félagslegra athafna eins og að fara í sund eða
stunda aðrar íþróttir getur orðið flókin og erfið fyrir fólk sem upplifir
sig öðruvísi en aðra eða að aðrir upplifi þá sem öðruvísi.
Anna Guðrún Norðfjörð segir í MA-ritgerð sinni í félagsráðgjöf til
starfsréttinda, að transeinstaklingar séu hópur sem finnur oft fyrir félags-
legri mismunun, fordómum og útilokun í samfélaginu. Þeir verði reglu-
lega fyrir fordómum sem geta lýst sér með margs konar áreiti, allt frá
niðrandi ummælum til alvarlegs ofbeldis. Ástundun ýmissa félagslegra
athafna getur orðið erfið, til að mynda getur það orðið flókið að stun-
da sund eða aðra íþrótt vegna hræðslu við áreiti í búningsklefum.
Í ritgerð Önnu Maríu Hoffmann Guðgeirsdóttur um upplifun trans/
kynsegin barna segir að nokkrar sundlaugar og íþróttahús/líkams-
ræktarstöðvar á Íslandi séu komnar með einstaklingsklefa sem transfólk
getur notað. Fólkið fær lykil í afgreiðslunni. Höfuðborgarsvæðið er í
fararbroddi með þessa klefa. Miklar vonir eru bundnar við að slíkir
klefar komi víðs vegar um landið svo transfólk geti nýtt sér þjónustu
þessara staða eins og aðrir.
Hvar kemst ég í klefa?
Á vefsíðu Félags transeinstaklinga á Íslandi er að finna lista yfir þá staði
sem eru með aðgengi fyrir transfólk, sérstaklega þá sem eru með skipti-
klefa í sundi eða fyrir aðrar íþróttir. Þar er athygli vakin á því að viti fólk
um íþróttafélög sem leggja sig fram við að bjóða transfólk velkomið til
sín eða sundstaði sem eru með einstaklingsklefa sem transfólk getur not-
að þá er viðkomandi beðinn um að senda línu á stjorn@transisland.is.
Á listanum er að finna átta sundlaugar og líkamsræktarstöðvar þar
sem boðið er upp á einstaklingsklefa og vel tekið á móti transeinstak-
lingum. Nóg er biðja um lykil að klefanum í afgreiðslu.
Komið til móts við iðkendur
Höfuðborgarsvæðið
• Laugardalslaug
• Sundhöllin
• Árbæjarlaug
• Grafarvogslaug
• Seltjarnarneslaug
• World Class
Seltjarnarneslaug
Kópavogur Reykjanes
• Salalaug • Bláa Lónið
Lista yfir staði með einstaklingsklefa/
intersexklefa er að finna á síðu
Félags transeinstaklinga á Íslandi
(www.trans.samtok78.is).