Skinfaxi - 01.01.2019, Qupperneq 30

30 SKINFAXI
Framkvæmdastjóri Héraðssambands Snæfellss- og Hnappa-
dalssýslu segir stefnt að því að halda námskeið fyrir iðk-
endur og aðra íbúa á sambandssvæðinu tvisvar á ári.
Aðildarfélög UMFÍ þurfa ekki að greiða fyrir námskeið á
vegum Æskulýðsvettvangsins.
„Við höfum verið með alls konar námskeið fyrir aðildarfélögin,
starfsfólk skólanna og nemendur. Það er svo mikið af ókeypis
námskeiðum í boði frá UMFÍ sem við getum nýtt okkur og boðið
upp á,“ segir Laufey Helga Árnadóttir, framkvæmdastjóri
Héraðssambands Snæfellsness- og Hnappadalssýslu (HSH).

Í febrúar sl. bauð félagið skólastjórnendum í Snæfellsbæ, þjálf-
urum og fleirum, sem vinna með börnum á sambandssvæðinu,
upp á námskeiðið Verndum þau í samstarfi við UMFÍ og Æsku-
lýðsvettvanginn. Á námskeiðinu fór Ólöf Ásta Farestveit, upp-
eldis- og afbrotafræðingur, yfir tilkynningarskyldu starfsmanna
sem vinna með börnum og ungmennum, fjallaði um líkamlegt,
andlegt og kynferðislegt ofbeldi auk vanrækslu og fræddi fund-
argesti um það hvernig taka skuli á frásögnum af ofbeldi. Hún
fór líka yfir reglur í samskiptum við börn og ungmenni og ýmis
atriði sem gott er fyrir vinnuveitendur að hafa í huga.

„Þetta var mjög þarft námskeið,“ segir Laufey. „Við lærðum
margt þarflegt, þekktum ekki viðbragðsáætlun Æskulýðsvett-
vangsins áður og verkferlana sem hún hefur að geyma. Ég sat
námskeiðið sjálf og get nú leiðbeint fólki. Þarna er allt sem við
þurfum að vita.“
Gott að nýta sér námskeiðin
Laufey segir HSH hafa nýtt sér námskeiðin sem boðið er upp á í
gegnum UMFÍ. Stefnan sé að hafa tvö námskeið af mismunandi
toga fyrir þjálfara, starfsfólk og foreldra barna og ungmenna á
svæðinu á hverju ári, eitt að vori og annað á haustin.
Á meðal námskeiða sem HSH
hefur boðið upp á síðasta ár:
• Sundnámskeið fyrir börn og fullorðna í Ólafsvík og
Stykkishólmi.
• Hugarþjálfun fyrir unga íþróttamenn með íþróttasál-
fræðiráðgjafanum Hreiðari Haraldssyni. Iðkendum
í 5.–10. bekk var boðið á eitt námskeið og nem-
endum 7.–10. bekkjar á annað.
• Námskeið í Grundarfirði um einelti í samvinnu við
Æskulýðsvettvanginn.
Æskulýðsvettvangurinn (ÆV) er samstarfsvettvangur
Ungmennafélags Íslands, Bandalags íslenskra skáta,
KFUM og KFUK á Íslandi og Slysavarnafélagins Lands-
bjargar. Æskulýðsvettvangurinn hóf störf árið 2007 en
var stofnaður formlega sumarið 2012.
Frekari upplýsingar um Æskulýðsvettvanginn og
námskeiðin, sem eru í boði fyrir sambandsaðila UMFÍ,
má sjá á vefsíðunni www.aev.is.
NÁMSKEIÐ SAMEINA
AÐILDARFÉLÖGIN
„Það er mjög gagnlegt að halda námskeið sem þessi. Þau
hafa verið fyrir íbúa á öllu svæðinu, iðkendur sem aðra. Þau
vekja líka athygli á HSH og aðildarfélögum þess og leiða til
þess að fólk í aðildarfélögunum kynnist betur.“

Laufey segir að með tíðu námskeiðahaldi finni skipuleggjend-
ur hvaða tími henti einu námskeiði og hvaða tími öðru. Ef mark-
hópurinn er börn og ungmenni skilar mestum árangri að halda
námskeiðið á skólatíma. Eigi að ná til foreldra sé hentugra að
halda námskeiðin eftir vinnu eða á kvöldin.