Skinfaxi - 01.01.2021, Blaðsíða 31

S K I N FA X I 31
Sveinn Þorgeirsson hélt í apríl fjölmennan
fyrirlestur um íþróttaæfingar barna.
Hann segir að aðferðir til að þjálfa og ná
árangri hjá fullorðnum séu vel þekktar,
en varast beri að nota þær á börn.
Sveinn segir að það sé greinilegt að fólk hafi
mikinn áhuga á íþróttaþjálfun barna og ung-
menna. „Þótt það sé gaman fyrir foreldra að
horfa á börn sín standa sig vel í samanburði
við jafnaldra þeirra þá þarf að hafa í huga að
árangur á unga aldri er ekki trygging fyrir því
að starfið sé unnið með hagsmuni barnsins
til lengri tíma litið. Við þjálfun einstaklingsins
þarf ávallt að setja þarfir barnsins í fyrsta sæti,“
segir Sveinn Þorgeirsson, íþróttafræðingur
og sérfræðingur við íþróttafræðideild
Háskólans í Reykjavík.
Sveinn var með erindi í netstreymi á þriðju-
dagsfyrirlestri Háskólans í Reykjavík og Vísis
um miðjan apríl. Þar leitaðist hann við að svara
spurningunni hvort íþróttir barna séu orðnar
að keppni fullorðinna. Fyrirlesturinn vakti mikla
athygli og horfðu rúmlega 500 manns á hann
í beinni útsendingu. Fleiri hafa horft síðan þá
og eru áhorfin nú orðin fast að 3.000 talsins.
Sveinn segir það hafa komið skemmtilega
á óvart. Hann hefur haldið mörg erindi í gegn-
um tíðina, oftast í öðrum af tveimur stóru söl-
unum í Háskólanum í Reykjavík. Þeir taka 200
manns í sæti og ljóst er að Sveinn hefði fyllt
þá báða hefði erindið verið haldið á staðnum
með aðgengi áheyrenda.
„Þetta er langfjölmennasta erindið sem ég
hef verið með. Umræðuefnið dregur að og
reglulega kemur ákall um að við í íþróttahreyf-
ingunni ræðum um það hvert við, þjálfarar og
foreldrar barna, stefnum með þjálfun barna,“
segir Sveinn og bendir á að hægt sé að grípa
til ýmissa ráða til að ná skjótum sjáanlegum
árangri.
Auðvelt að grípa til skyndilausna
„Það er mjög auðvelt að falla í þá freistni að
grípa til skyndilausna því að margir vilja sjá
árangur eins fljótt og hægt er. En fjölbreytni í
þjálfun skilar þvert á móti besta árangrinum,
til lengri tíma litið. Árangurinn kemur hægt
á meðan sérhæfing og miklar æfingar í einni
íþrótt snemma skila árangri fljótt. Það er auð-
vitað mikilvægt að minna á það öðru hverju.
Það eru ekki eins spennandi skilaboð að segja
að fjölbreytni skipti máli,“ segir Sveinn og
rifjar upp að til sé uppskrift til að koma ungum
börnum í fremstu röð. Hún eigi í raun við um
alla.
„Galdurinn felst í því að æfa mjög mikið
og af miklum ákafa. Þá mun árangurinn auð-
vitað ekki láta á sér standa og börn, sem má
segja að séu byrjendur, sigla fram úr jafnöldr-
um sínum. En þá er líka mjög hætt við að iðk-
endur hætti þegar æfingarnar eru orðnar
leiðinlegar og of árangursmiðaðar. Þvert á
móti eiga krakkar rétt á því að æfingar séu
skemmtilegar og fjölbreyttar til að kveikja og
viðhalda áhuga þeirra. Það er mikilvægt að
íþróttir séu leikur á meðan við erum börn.
Sérhæfingin og áherslan á sigur í keppni má
koma síðar. Við verðum að standa við það
ef við ætlum að halda börnum í íþróttum.
Ég trúi því að það sé rétta meðalið,“ segir
Sveinn.
Krakkar eiga rétt á því að æfingar
séu fjölbreyttar og skemmtilegar
Sveinn Þorgeirsson íþróttafræðingur.