Skinfaxi - 01.01.2021, Blaðsíða 36

36 S K I N FA X I
U ngmennafélagsandinn umlykur verkefnið Allir með sem hef-
ur verið unnið að í Reykjanesbæ frá því árið 2020. Að verkefn-
inu koma Keflavík, íþrótta- og ungmennafélag, og Ungmenna-
félag Njarðvíkur. Uppskeruhátíð verkefnisins var haldin í mars sl. Þá var
þeim sem tengjast verkefninu boðið að fræðast um stöðu þess og því
sem fram undan væri. Á meðal þeirra sem mættu voru forsvarsfólk UMFÍ
og sambandsaðilanna beggja sem koma að innleiðingu Allir með í
Reykjanesbæ, styrktaraðilar verkefnisins, hugmyndasmiðir og fleiri.
Hilma Hólmfríður Sigurðardóttir, verkefnastjóri fjölmenningarmála í
Reykjanesbæ, segir að ungmennafélagin í bænum leiði starfið þar. Þau
hafi útbúið kynningarefni um það skipulagða tómstunda- og æskulýðs-
starf barna og ungmenna sem íþróttafélögin bjóða upp á, í samstarfi
við markaðsfyrirtækið Alpa Agency. Hlutverk UMFÍ felst m.a. í því að
kosta þjálfun, fræðslu og menntun þjálfara innan aðildarfélaga Umf.
Njarðvíkur og Keflavíkur, íþrótta- og ungmennafélags, í tengslum við
verkefnið, ásamt ráðgjafarfyrirtækinu KVAN. Á meðal annarra
stuðningsaðila eru embætti landlæknis og félagsmálaráðuneytið.
Hilma kynnti verkefnið og sagði að lykilhlutverk þess væru tvö. Hið
fyrra væri þátttakan og í því fælist að laða börn til þess að taka þátt í
skipulögðu íþrótta-, tómstunda- og æskulýðsstarfi. Megináhersla,
hvað það varðar, væri að stuðla að jöfnum tækifærum allra til þátttöku.
„Við leggjum sérstaka áherslu á að ná til barna af erlendum upp-
runa og til barna sem taka ekki nú þegar þátt í skipulögðu íþrótta- og
tómstundastarfi. Við trúum því að þarna skipti hin félagslega virkni
öllu máli,“ sagði Hilma og benti á að margir íbúar í Reykjanesbæ hafi
fengið fræðslu um verkefnið. Fleiri slík erindi séu á dagskrá á næstunni.
Þá sé búið að taka saman ýmiss konar tölfræðiupplýsingar um nýtingu
styrkja í barnastarfi, þátttöku barna í skipulögðu starfi og kostnað við
þátttöku þeirra.
Hitt lykilhlutverk verkefnisins væri að koma því til skila að tilheyra
umhverfi sínu, að finna að við séum hluti af hópi. Þegar að því kemur
fá allir kennarar á miðstigi stuðning í félagsfærnistyrkingu, tvær 90
mínútna vinnustofur. Ein vinnustofa hefur þegar verið haldin.
Hilma sagði margt fram undan, þar á meðal skipulagning stórrar
tómstundamessu í lok ágúst þar sem allt tómstundastarf í sveitarfélag-
inu verður kynnt.
Allir með í Reykjanesbæ
Ungmennafélagsandinn er leiðarljósið í stóru forvarnaverkefni
Hilma Hólmfríður Sigurðardóttir, verkefnastjóri fjölmenningarmála í
Reykjanesbæ.