Skinfaxi - 01.01.2021, Blaðsíða 32

32 S K I N FA X I
Gleðin er mikilvæg á öllum íþróttaæfingum.
Körfuboltaþjálfarinn og fyrirlesarinn Pálmar
Ragnarsson svarar nokkrum spurningum um það
hvernig þjálfarar geta stutt betur við iðkendur.
Hvernig geta þjálfarar glatt iðkendur sína?
Þeir geta lagt höfuðáherslu á að taka vel á móti ungmennum þegar
þau mæta á æfingar. Passa upp á að börnunum líði eins og þau séu
mikilvægur hluti af liðinu og að þau mæti og taki þátt. Þjálfarar geta
líka hjálpað ungmennum til að finna og setja sér markmið í íþróttinni
sem verður til þess að þau finna meiri tilgang í því að taka þátt og
leggja sig fram. Þeir þurfa að vinna reglulega í því að viðhalda áhuga
á íþróttinni með því að segja spennandi íþróttasögur, mæta á leiki
eldri flokka og kynna börnin fyrir flottum fyrirmyndum í íþróttinni.
Einnig er gott að fá foreldra með sér í lið og taka höndum saman til að
koma í veg fyrir brottfall.
Hvað geta þjálfarar gert til að fjölga iðkendum?
Fyrsta upplifun ungmenna af íþróttaæfingum hefur gríðarleg áhrif á
framhaldið. Hér skiptir höfuðmáli að skapa þannig umhverfi í íþrótta-
hópum að þar líði börnum vel, þau hlakki til þess að mæta aftur á æfing-
ar og séu hvött til að leggja sig fram. Við þurfum því að taka sérstaklega
vel á móti öllum iðkendum, óháð getu og öðru. Við þurfum að leggja
línurnar með andrúmsloftið gagnvart nýjum iðkendum, að öllum finnist
gaman þegar nýir iðkendur bætast í hópinn, að við hjálpum nýliðum,
Mikilvægt að vera með metnaðar-
fulla þjálfara í starfi yngri flokka
skömmum þá ekki og að hin börnin heilsi og bjóði þau velkomin.
Við verðum með sama hætti að taka líka vel á móti nýjum foreldrum,
kynna okkur fyrir þeim, láta þá fá allar nauðsynlegar upplýsingar sem
þeir gætu mögulega þurft á að halda, leiðbeina þeim með skráningu
og segja þeim stuttlega frá áherslum okkar og því að við reynum að
taka sérstaklega vel á móti nýjum iðkendum. Ef eitthvað kemur upp
á þurfa þeir að vita að þeir geta látið okkur þjálfarana vita af því. Við
getum líka spurt foreldra hvort þeir viti um fleiri börn, vini iðkenda,
sem hafi áhuga á því að prófa og látið þá vita að þau séu velkomin
með á næstu æfingu.
Hvernig geta félög / þjálfarar náð betur til iðkenda?
Með því að leggja metnað í starfið í yngri flokkunum. Að setja reynslu-
mikla/metnaðarfulla þjálfara í yngri flokkana. Að hafa aðbúnað í lagi.
Að nota ákveðin forrit sem auðvelda samskipti. Að hafa merki félags-
ins áberandi í öllu starfi. Einnig að nýta meistaraflokka til þess að vera í
góðum tengslum við yngri flokka. Að bjóða upp á skemmtilega við-
burði annað slagið. Að leggja línurnar þannig að það sé samfella í
starfi á milli þjálfara og árganga og margt fleira.
Við Íslendingar erum svo heppnir að við eigum ótrúlega marga frá-
bæra yngri flokka þjálfara í öllum íþróttum. Hér eru svo margir þjálf-
arar með ótrúlega ástríðu fyrir íþrótt sinni og því að hafa góð áhrif á
börn og ungmenni. Kerfið okkar býður líka upp á að greiða hæfum
þjálfurum fyrir störf sín sem er frábært. Í mörgum öðrum löndum
verða sjálfboðaliðar eða foreldrar að sjá um þjálfun yngri flokka og
það gefur augaleið að árangurinn verður ekki jafngóður.
Pálmar Ragnarsson