Mosfellingur - 06.04.2023, Blaðsíða 26

- Mosfellingurinn Fríða Rut Heimisdóttir26
Myndir: Ruth Örnólfsdóttir og úr einkasafni.
Í ársbyrjun 2003 stofnuðu hjónin
Fríða Rut Heimisdóttir og Vilhjálm-
ur Hreinsson fyrirtæki undir nafninu
Regalo. Þau flytja inn hár- og snyrtivörur
fyrir fagfólk og hafa verið óhrædd við að
fara ótroðnar slóðir enda með ein bestu
vörumerki á markaðnum í dag.
Fyrirtækið hefur vaxið og dafnað og
starfsemin orðið sífellt fjölbreyttari,
starfsmennirnir eru 15 talsins, þéttur
hópur fagfólks.
Fríða Rut er fædd í Reykjavík 14. janúar
1978. Foreldrar hennar eru Þuríður Bryndís
Guðmundsdóttir, ávallt kölluð Lilla, og
Heimir Guðbjörnsson skipstjóri.
Fríða Rut á tvo bræður, Ívar f. 1983 og
Elvar f. 1990
Hafði mikil áhrif á líf mitt
„Ég er uppalin í Reykjavík og gekk alla
mína skólagöngu í Breiðholtsskóla. Ég hafði
brennandi áhuga á dansi og keppti lengi í
samkvæmisdönsum, rokki og stundaði alla
tískudansa sem komu í Dansskóla Auðar
Haralds. Samhliða að vera sjálf að dansa þá
var ég aðstoðarkennari til margra ára hjá
Auði í barna- og hjónahópum og kenndi
svo sjálf hjónum til ársins 2002.
Ég skíðaði líka mikið sem krakki og hefur
það verið mín slökun og hamingja að kom-
ast í fjöllin. Mínar bestu minningar á ég
með afa mínum heitnum á skíðum. Ég var
nú ekki alltaf ánægð sem unglingur þegar
ég vildi fá að sofa út og hann var mættur
til að draga mig fram úr helgi eftir helgi til
að fara á skíði en er þakklát í dag fyrir þau
áhrif sem hann hafði á líf mitt. Eftir að afi
kvaddi þennan heim þá varð ég fyrir svo
miklu áfalli að ég hætti að skíða.
Fyrir sex árum kynntist ég góðum vinum
sem eru mikið skíðafólk, þau drifu mig af
stað aftur í fjöllin og það var ekki aftur snú-
ið, ég bætti meira að segja við fjallaskíðum,“
segir Fríða Rut og brosir.
Útskrifaðist sem hárgreiðslumeistari
„Áhugasvið mitt lá alltaf í sálfræði og
ég ætlaði mér alltaf að verða sálfræðingur
og hóf nám í þeirri grein. En svo fer lífið
stundum með mann aðrar leiðir og mér
datt í hug einn daginn að sækja um sumar-
vinnu á hárgreiðslustofu svona
til að hjálpa til. Ég gjörsamlega
féll fyrir greininni, skellti mér
í nám og útskrifaðist sem hár-
greiðslumeistari árið 2002.
Samhliða náminu þá starfaði ég í hár-
greiðsludeild Þjóðleikhússins sem var ótrú-
lega gaman enda mitt fólk stundum sagt að
það skilji ekki að ég hafi ekki orðið leikari
því ég hef svo gaman af öllum skrípaleik.
Það er svo gott að fíflast smá og hlæja sam-
hliða öllum þessum hraða og streitu sem
við búum við.“
Við vorum ekki að fara að flytja
Fríða Rut er gift Vilhjálmi Hreinssyni,
þau eiga þrjú börn. Heimi Snæ
f. 2002, Bryndísi Evu f. 2006 og
Hilmar Davíð f. 2013.
„Við vorum lokkuð hingað í
Mosfellsbæ,“ segir Fríða Rut og brosir. „Við
vorum í heimsókn hjá Lilju frænku minni
sem býr hér og hún tjáði okkur hjónunum
að hún væri búin að finna draumahúsið
handa okkur. Við vorum ekkert á þeim
buxunum að fara að flytja enda leið okkur
vel þar sem við bjuggum en hún gaf sig
ekki og hringdi í eigandann. Frænka hafði
sannarlega rétt fyrir sér því við kolféllum
fyrir húsinu og fluttum inn stuttu síðar. Hér
finnst okkur alveg hreint frábært að vera.“
Stór ákvörðun að taka
„Villi minn hefur alltaf haft brennandi
áhuga á að starfa sjálfstætt enda starfað
þannig til margra ára. Í miðju fæðingar-
orlofi fær hann þá hugdettu að kaupa litla
heildverslun í gjafavörubransanum. Þetta
var stór ákvörðun fyrir mig að taka þar sem
ég var harðákveðin í að stofna flotta hár-
greiðslustofu með vinkonu minni og þetta
þýddi að ég þyrfti að kveðja þann draum,
sem ég gerði.
Í smá geðshræringu stödd inn í sýningar-
sal með blómapottum, styttum og vösum
fórum við að skellihlæja og hugsuðum
hvað við værum eiginlega að spá. Þetta var
árið 2003 og þannig byrjaði okkar ævintýri,“
segir Fríða Rut og hlær.
Þetta hefur verið ævintýri líkast
Árið 2005 ákváðu Fríða Rut og Villi að
bæta við nýjum vörum í fyrirtækið sem
stæðu Fríðu aðeins nær eins og
hárvörum. Þau byrjuðu með breska
hárvörumerkið TIGI/Bed Head og
árið 2012 bættust við Miðjarðar-
hafshárvörurnar frá Moroccanoil
sem er frumkvöðull í hárvörum með
argan-olíu. Árið 2017 hófu þau síðan sölu á
bandaríska hárvítamíninu Sugarbear Hair
og að síðustu bættust við vistvænu hárvör-
urnar frá Maria Nila, Kérastase, Redken,
Koico, L´Oréal, Joico og Lycon. Regalo er
einnig umboðsaðili fyrir raftæki eins og
hitatæki fyrir hár.
„Við flytjum inn hár- og snyrtivörur fyrir
fagfólk, þessar vörur fóru svo vel af stað
hjá okkur að við ákváðum að selja gjafa-
vörurnar út úr fyrirtækinu og fórum á flug
að sinna hárvörunum enda vinsælar og
markaðurinn alltaf tilbúinn í eitthvað nýtt
og ferskt. Ég ferðaðist mikið til London með
íslensku fagfólki þar sem við sóttum listræn
námskeið og eins tók ég litakennarapróf í
London og Berlín sem var mjög skemmti-
legt. Síðustu ár hef ég aðallega einbeitt mér
að markaðssetningu.
Þann 2. mars síðastliðinn varð fyrirtækið
20 ára og við erum ótrúlega þakklát fyrir
þessi ár og stolt af Regalo, þetta hefur verið
ævintýri líkast skal ég segja þér,“ segir Fríða
Rut og brosir. „Hjá okkur starfar frábært
fagfólk og er samvinna og teymisvinna
okkur mikilvæg.“
Við höfum alltaf virt hvort annað
„Við hjónin erum oft spurð að því hvernig
í ósköpunum við getum unnið saman alla
daga. Það er mikil tækni og krefst sam-
vinnu og virðingar, við höfum alltaf virt
hvort annað og náum að aðskilja vinnu og
heimilislíf. Við þrætum til niðurstöðu, ekki
til vandamála sem hefur reynst okkur vel
enda frábærir vinir og samstarfsfélagar.
Við erum ótrúlega heppin bæði að eiga
góðar fjölskyldur sem hafa aðstoðað okkur
á ýmsan hátt. Móðir mín hún Lilla er al-
gjör stjarna, hún hefur gert okkur kleift að
ferðast erlendis í vinnuferðir, hún kemur til
okkar og passar börnin á meðan og hund-
inn okkar, hana Ronju.“
Tónlist í miklu uppáhaldi
Ég spyr Fríðu Rut að lokum hvað hún
geri til að hlúa að sjálfri sér? „Mér finnst
mjög gott að fara út úr bænum og slappa
af í sveitinni okkar, finna kyrrðina. Góð
hugleiðsla eða að hlusta á góða tónlist er
líka í miklu uppáhaldi og svo er alltaf gott
að hitta góðar vinkonur og eiga gott spjall,
það nærir sálina,“ segir Fríða Rut og brosir
er við kveðjumst.
Fjölskyldan: Vilhjálmur, Fríða Rut, Hilmar Davíð,
Bryndís Eva, Heimir Snær og Ronja.
MOSFELLINGURINN
Eftir Ruth Örnólfsdóttur
ruth@mosfellingur.is
Þetta krefst samvinnu og virðingar
Fríða Rut Heimisdóttir eigandi Regalo segir markaðinn alltaf tilbúinn í eitthvað nýtt og ferskt
Það er svo gott að fíflast
smá og hlæja samhliða
öllum þessum hraða og streitu
sem við búum við.
HIN HLIÐIN
Hvað drífur þig áfram?
Þrautseigja, að ná því markmiði
sem ég hef sett mér í lífinu.
Við hvaða aðstæður færðu gæsahúð?
Söng, finnst æðislegt að sitja á tónleikum
og hlusta á vel fluttan söng.
Hvernig slappar þú af?
Með hugleiðslu og hvíld í sveitinni.
Bókin á náttborðinu?
Les ekki en hlusta mjög mikið á tónlist.
Eftirminnilegasta ferðalagið? Þau eru
mörg en ætli það sé ekki ferðin mín til
Ísrael, þar varð ég fyrir djúpum áhrifum.
Uppáhaldsvefsíða? www.regalo.is
Áttu eitthvert gælunafn? Nei.
Hvað hefur haft mest áhrif á líf þitt?
Úff, þegar stórt er spurt, en ætli það séu
ekki mismunandi einstaklingar í hinni
stóru vegferð lífsins.
Fríða rut 2 ára
hjónin vilhjálmur og Fríða rut
á tröllaskaga