Mosfellingur - 11.05.2023, Qupperneq 42

Heilsumolar gaua
- Aðsendar greinar42
Guðjón
Svansson
gudjon@kettlebells.is
TónlisT og Tímabil
Tónlist er mögnuð. Tónlist getur
haft upplífgandi, hressandi, ró-
andi, hvetjandi, skapandi og margs
konar áhrif á okkur sem hlustum.
Ég er ekki alæta á tónlist, en get
hlustað á margt. Ég hef farið í
gegnum nokkur ólík tímabil þar sem
fátt komst að í einu. Það fyrsta sem
kveikti almennilega í mér var þegar
Maggi Jóns setti Ísbjarnarblús kass-
ettu í græjurnar hjá Siggu frænku á
Hvammstanga. Við vorum báðir á
leið í sveitina og sátum þarna saman
í sófanum og hlustuðum á þessa
snilld. Bubbi fylgdi mér áfram og
ég bætti Adam & the Ants, AC/DC,
Kiss og Iron Maiden og fleiri góðum
á TDK kassetturnar mínar (Spotify
þess tíma).
Svo datt ég á unglingsárum inn í
nýrómantíkina. Depeche Mode
varð þá besta hljómsveit í heimi og
Maiden og Kiss fóru upp í hillu. Dur-
an náði mér svo á efri unglingsárum,
man enn eftir því þegar það gerðist.
Ég sat unglingslega í hægindastól í
Brautarásnum þegar tónleikaferða-
lagsmyndin þeirra, Sing Blue Silver,
fór í gang í sjónvarpinu. Planið var
ekki að stökkva inn í þennan heim,
en Duran náði mér þarna alveg og
Depeche Mode fór upp í hillu með
hinum.
Það er of langt mál að telja upp öll
tímabilin sem fylgdu á eftir, en
á meðal þeirra sem komu við sögu
í þeim voru Guns N‘ Roses, Jane‘s
Addiction, Radiohead og Villi Vill.
Það skemmtilega, þegar ég er
búinn með fyrri hálfleikinn í
lífinu, er að nú eru þessi tímabil ekki
lengur aðskilin, heldur blandast
saman í eitt og ég vel þá tónlist sem
ég vil hlusta eftir því hvað ég er að
gera og í hvernig skapi ég er.
Stand and Deliver
í morgunmat,
Dans gleðinnar í
hádeginu og Mr.
Brownstone seinni
partinn. Svo lengi
sem lagið gerir
lífið betra skiptir
ekki máli hvaðan
það kemur.
Sögukvöldið í Hlégarði þann 30.
mars síðastliðinn fór fram úr okkar
björtustu vonum, sjálfur var ég þó
sannfærður um að við gætum fyllt
Hlégarð af Mosfellingum ef við
hefðum eitthvað áhugavert fram
að færa.
Saga Mosfellsveitar er stórmerki-
leg og við bæjarbúar ættum öll að
vera henni kunnug. Mikið af heimildum
eru til staðar bæði í Héraðsskjalasafninu
sem og á heimilum fólks í bænum.
Því langar mig að benda bæjarbúum
sem eiga myndir eða muni frá gamalli tíð
að hafa samband við Birnu Mjöll á Héraðs-
skjalasafninu og hún kemur því í örugga
geymslu.
Umtalsefnið þetta kvöld var
heita vatnið og ylræktin og annað
sem því tengist, þetta er aðeins
smá brot af sögunni okkar. Hægt
væri að halda mörg svona kvöld
næstu árin til að rekja hana og er
ekki ólíklegt að það verði gert.
Í Hlégarði þetta kvöld var hús-
fyllir en ríflega 200 manns mættu
til að hlýða á erindin. Það telst vera vel sótt
en samt sem áður er þetta aðeins um 1,5%
bæjarbúa.
Þegar Hlégarður var vígður 17. mars
árið 1951 voru sveitungar um 500 manns
og ber bygging hússins því gott merki hvað
menn voru stórhuga í þá daga. Talið er að á
opnunarhátíðina hafi 400-500 manns mætt.
Væri ekki draumurinn að geta verið með
viðburði í bænum sem myndi hýsa stærri
hluta bæjarbúa, kannski 10% eða um 1.400
manns?
Svæðið í kringum Hlégarð býður upp á
allskonar möguleika til stækkunar og hafa
þegar komið fram hugmyndir frá Vinum
Mosfellsbæjar þess efnis.
Ég, sem áheyrnarfulltrúi Vina Mosfells-
bæjar í menningar- og lýðræðisnefnd, vil
áfram leggja mitt af mörkum til framgangs
menningarmála í bænum okkar og vil að
við hugsum stórt þegar kemur að því að
skipuleggja framtíðina.
Kristján Erling Jónsson
Vinur Mosfellsbæjar
Verum stórhuga í menningarmálum
Í ársreikningi Mosfells-
bæjar fyrir árið 2022 má
vissulega sjá að rekstr-
arumhverfið undanfarið
hefur ekki verið hag-
stætt.
Mosfellsbær býr þó vel
að ábyrgri fjármálastjórn
undanfarinna ára þar sem
meðal annars voru teknar
góðar ákvarðanir í hag-
stæðum lántökum sem
greiddu upp önnur óhag-
stæðari lán og skuldbind-
ingar sveitarfélagsins.
Fyrir heimsfaraldurinn
lækkaði skuldahlutfall
bæjarins því hratt þrátt
fyrir stöðuga uppbyggingu í bænum og
framkvæmdir upp á 2-3 milljarða á ári í
formi nýframkvæmda og viðhaldsverk-
efna.
Í kjölfar þess tekjufalls sem fylgdi
heimsfaraldrinum var tekin meðvituð og
samhljóða ákvörðun af fyrrverandi bæj-
arstjórn, að halda áfram vinnu samkvæmt
gildandi framkvæmdaáætlun við uppbygg-
ingu innviða og endurnýjun og viðhald á
fasteignum í eigu bæjarins. Þessi sama
bæjarstjórn ákvað einnig að auka þjónustu
við íbúa eins og áætlanir gerðu ráð fyrir en
á undanförnum árum hefur meðal annars
verið lögð áhersla á lækkun skatta og ann-
arra gjalda á Mosfellinga.
Þetta voru góðar ákvarðanir í ljósi
sögunnar og líklega grundvöllur þess að
niðurstöður ánægjukannana sveitarfélaga
hafa sýnt að ánægðustu
íbúarnir búa einmitt hér
í okkar góða bæ.
Tekjur Mosfellsbæjar
ársins 2022 voru hærri
en áætlanir gerðu ráð
fyrir. Kostnaður við
framkvæmdir var í takt
við áætlanir, þrátt fyrir að
dýrar framkvæmdir við
Kvíslarskóla hafi komið
óvænt til á árinu.
Öðrum framkvæmd-
um var frestað af meiri-
hlutanum, meðal annars
framkvæmdum í upp-
byggingu að Varmá og á
nýjum leikskóla í Helgafellshverfi. Þessar
frestanir gera það að verkum að kostnaður
við framkvæmdir var innan áætlana á árinu
2022. Kostnaður við nýframkvæmdir hefur
síðan hækkað verulega og allar líkur á enn
meiri kostnaði fyrir sveitarfélagið þegar
þær loks hefjast.
Há verðbólga og mikil hækkun vaxta út-
skýrir það að útkoma síðasta árs er lakari
hjá Mosfellsbæ en áætlanir gerðu ráð fyrir
vegna aukins fjármagnskostnaðar.
Þetta er vonandi tímabundið ástand
sem Mosfellsbær ætti að þola ef rétt verður
haldið á málum hvað varðar fjármálastjórn
næstu misserin og árin.
Hærri tekjur og skattahækkanir
Tekjur bæjarins munu áfram vera hærri
en gert er ráð fyrir í áætlunum, bæði vegna
hækkunar á útsvari og á fasteignasköttum
– á íbúða- og atvinnuhúsnæði, en líklega
ekki síður vegna vanáætlaðra tekna af lóða-
úthlutunum.
Tekjuhliðin og reksturinn ættu því að
halda áfram að vera góð en í því óvissuá-
standi sem nú ríkir reynir mjög á rekstr-
arhæfni meirihlutans í að beita aðhaldi í
rekstri og mögulega breyta framkvæmdaá-
ætlunum ef verðbólga og háir vextir dragast
á langinn eins og teikn eru á lofti um. Þá
er mikilvægt að meirihlutinn sé skilvirkur
í verkum sínum, hafi þor til að taka erfiðar
ákvarðanir og nái saman um forgangsröðun
í mögulegum niðurskurði á framkvæmdum,
þjónustu og starfsmannahaldi.
Íbúum í Mosfellsbæ mun halda áfram
að fjölga en traustur rekstur undanfarinna
ára og sterk fjárhagsstaða, þrátt fyrir tíma-
bundin ytri áföll, eiga að gera bæjarfélaginu
kleift að veita íbúum Mosfellsbæjar áfram
framúrskarandi þjónustu sem stöðugt hef-
ur verið að aukast undanfarin ár og mun
vonandi gera áfram.
Bæjarfulltrúar D-lista í Mosfellsbæ munu
sem fyrr styðja góðar tillögur meirihlutans
og hvetja þau áfram til góðra verka, en mun
vissulega halda áfram að koma sínum til-
lögum og stefnumálum á framfæri svo
áfram verði best að búa í Mosó.
Ásgeir Sveinsson
Jana Katrín Knútsdóttir
Rúnar Bragi Guðlaugsson
Helga Jóhannesdóttir
Rekstrarniðurstaða ársins 2022
Þegar ekið er í Mosfellsbæ og inn hringtorgið
móts við Olís bensínstöðina blasir við ljót
sýn.
Á horni Bjarkarholts og Langatanga hafa
verið rifin hús og öllum trjágróðri rutt um
koll með stórtækum vinnuvélum. Þetta er svo
búið að láta liggja allan veturinn óhreyft og
mann langar helst að snúa sér í hina áttina til
að berja þessi ósköp ekki augum.
Þegar farið er í svona framkvæmdur er
– finnst mér – lágmarkskrafa til verktakans
að snyrtilega sé gengið frá sem fyrst. Svona
lagað er bænum okkar ekki til sóma.
Úrsúla Jünemann
Ljót aðkoma