Heima er bezt - 01.07.2006, Page 25

Hótel Laugar.
tíundabekkjar í Stórutjarnarskóla
haustið 1976. Sömu sögu var að segja
um Aðaldæli, þeir höfðu byggt skólahús
á Hafralæk og hugðust einnig heija
kennslu tíundabekkjar í heimasveit
haustið 1976. Laxdælingar sendu
áfram nemendur í Lauga en nemendum
þaðan fór fækkandi. Nemendur tíunda
bekkjar í Reykjadal voru ekki margir
og þó Laugaskóli héldi áfram kennslu
á þessu skólastigi í hreppnum, var
fyrirsjáanlegt að nemendum myndi
fækka mjög á næstu árum. Þessi mál
voru mikið rædd af kennurum skólans
og man ég að þáverandi fræðslustjóri
á Norðurlandi eystra, Valgarður
Haraldsson, var boðaður á fund um
málið. A fundinum kom fram að áhyggjur
Laugamanna voru á rökum reistar og
ástæður þróunarinnar miklu víðtækari
en virtist í fyrstu. Þjóðfélagsþróunin,
fækkun fólks í sveitum landsins, lægri
fæðingartíðni og aukinn fólksflótti á
suðvesturhorn landsins, gerðu það að
verkum að skólahald var í uppnámi víða
um land. Stórfelldar breytingar voru
fyrirsjáanlegar varðandi nemendaijölda
og námsframboð. Nauðsynlegt var
að stokka upp skólakerfíð enn einu
sinni vegna þjóðfélagsins sem var
undirorpið stöðugum breytingum.
Framtíð Laugaskóla var á þessum
tíma að verulegu leyti óráðin. Eftir á
að hyggja við þúsaldarmót, má segja
að tekist hafí að bjarga Laugaskóla
og blása nýju lífi í starfsemi skólans.
I dag býður Laugaskóli upp á nám til
stúdentsprófs í dreifbýlisumhverfi, sem
er mörgum nemandanum kærkominn
valkostur.
Hef ég lengi haft ákveðnar hugmyndir
um aukið námsframboð á Laugum, sem
myndi tengjast sérstöðu staðarins og
þörfum nemenda og atvinnulífs. Þar á
ég m.a. við íþróttaaðstöðuna á Laugum
og „íþróttaiðnaðinn“ í landinu, heita
vatnið á staðnum og jarðhitaræktun,
landvörslu- og ferðaþjónustunám.
Fleira mætti nefna sem kæmi staðnum
vel eins og sameiningu bókasafna á
staðnum og í sveitarfélaginu og byggingu
fræðslu- og menningariniðstöðvar. Slíkt
fræðasetur gæti þjónað héraðsbúum á
sviði alþýðufræðslu eins og Laugaskóla
var ætlað að gera í upphafi og verið
mikilvæg lyftistöng fyrir starfsemi
framhaldsskólans. Snorrastofa í
Reykholti er ágæt fyrirmynd að slíku
mennta- og fræðasetri.
Vonandi tekst skólanum að varðveita
sögu sína og héraðsins og sameina
nýjum áherslum í menntun og uppeldi
á tuttugustu og fyrstu öldinni. I þessu
sambandi má nefna að aðstaðan á
Laugum og landfræðileg lega staðarins
er kjörin fýrir heilsárs orlofsiðju, sem
félagasamtök og einstaklingar gætu
nýtt sér.
A hverju vori var venja að fara í
skólaferðalag með nemendum sem vom
að ljúka námi sínu við landsprófs- og
gagnfræðadeildir Laugaskóla. Vorið 1976
var búið að leggja niður landsprófið og
gagnfræðaprófið og í staðinn kominn
vísir að nýju skólakerfi, sem átti eftir
að þróast í það sem við þekkjum í dag
undir heitinu framhaldsskóli. A Laugum
voru tveir fyrstu bekkir þessa nýja
menntakerfis komnir til sögunnar 1976,
þ.e. svokallaðir fjórði og fimmti bekkur.
Nemendum fimmtabekkjar var ekki boðið
upp á neitt framhald á Laugum og urðu
þeir því að hverfa til náms við aðra skóla
Heima er bezt 313