Flug : tímarit um flugmál - 01.12.1956, Qupperneq 10

XOX-X-.vXv/
Sameiginlegt flugtak.
Myndin sýnir, hvernig þoturnar fara
allar á loft i einu. Þcer eru af gerðinni
F-100 Super Sabre.
vellir, sem notaðir eru daglega til
lendinga farþegaflugvéla í innan-
landsflugi og jafnvel fyrir milli-
landaflugvélar. Félagið byggði
flugskýli fyrir þessa flugvél sína í
Vatnsmýrinni, þar sem nú er flug-
völlur höfuðborgarinnar. Lengi vel
var það eina skýlið fyrir landflug-
vélar hér á landi, þar til það varð
að þoka fyrir framþróun mála við
ílugvöllinn, enda orðið of lítið til
að hýsa þá farkosti loftsins, sem
notaðir eru í dag.
Starfsemin lítil á stríðsárunum.
Eins og mönnum er kunnugt,
var ákaflega erfitt um allt, sem laut
að flugi hér á landi á stríðsárun-
um, enda gat félagið þá' lítið sem
ekkert starfað. Árið 1951 var svo
hafizt handa um að blása nýju lífi
í félagið, og hefur það síðan starfað
með talsverðum blóma, undir for-
sæti Jóns Eyþórssonar, þar til á
síðasta ári, að hann gat ekki, sök-
um anna, gegnt því starfi áfram,
illu heilli fyrir félagið. Fyrir stríð
voru haldnir hér flugdagar og
gekkst Svifflugfélag íslands fyrir
þeim. Vöktu þeir verðskuldaða at-
hygli manna. Eftir stríð hefur verið
haldinn einn flugdagur á vegum
Flugmálafélagsins, á Reykjavíkur-
llugvelli, við gífurlega aðsókn. Er
ætlun félagsins að efna aítur til
slíks flugdags nú á vori komanda.
Flugmálafélagið hefur boðið
hingað til lands nokkrum heims-
kunnurn mönnum til fyrirlestra-
halds. Má þar til nelna Wolfgang
Hirth, þýzkan flugvélasmið, sem
hafði flogið hingað til lands einn
síns liðs árið 1930. Árið 1954 bauð
félagið hingað til lands Eric Nel-
son, þeim, sem flaug hingað árið
1924 í hnattflugi bandaríska flot-
ans og lenti þá á Hornafirði, fyrst-
ur manna til að koma íljúgandi
til íslands. Var Nelson boðið til
Hornaíjarðar, þar sem afhjúpaður
var veglegur minnisvarði, sem fé-
lagið hafði látið gera í tilefni 30
ára afmælisins. I kirkjugarðinum
í Fossvogi var fyrir nokkrum árum
komið upp minnisvarða um þá,
sem látizt hafa af völdum flug-
slysa á íslandi, og stóð félagið að
því verki.
Þá hefur félagið undanfarin ár
gefið út tímaritið „Flug“, en út-
gáfa þess hefur verið nokkrum
erfiðleikum háð, þótt merkilegt
megi virðast, á þessu blómaskeiði
alls kyns blaða og tímarita af öll-
um gerðum og gæðum á íslandi.
Samt er það svo, að áhugi manna
á hálf-tæknilegu tímariti virðist
vera mun minni en á óteljandi
tímaritum til skemmtilesturs ein-
göngu, þó að sumum finnist nóg
til um þær „bókmenntir". Vonandi
auðnast félaginu áður en langt um
líður að gera „Flug“ þannig úr
garði, að það standist samkeppni
um hylli fólksins, án þess að fara
út í þá sálma að birta framhalds-
sögur um sakamál eða ástarsögur,
jafnvel þó slíkt fjallaði eingöngu
um fljúgandi leynilögreglumenn
eða harmleika í háloftum!
Verður þetta lítilfjörlega ágrip
af því, sem félagið hefur látið til
sín taka á liðnum árum, að nægja,
og er hér að sjálfsögðu stiklað á
stóru.
IJppbygging og framþróun
mun taka langan tíma.
Því hefur verið haldið fram, að
flug nú á dögum sé komið á slíkt
stig, að félag eins og Flugmála-
félagið eigi ekki rétt á sér lengur,
menn hafi nú orðið svo mikinn
áhuga á flugi, að óþarfi sé að
stuðla að eflingu þess. Slíkt er mik-
ill misskilningur. Flugið er ennþá
svo ungt að árum, eins og getið var
í uppliafi þessara orða, að upp-
bygging og framþróun þess á eftir
að taka langan tíma, ekki sízt hér
í okkar fámenna landi, þar sem
strjálbýlið gerir flugvélina ómiss-
andi samgöngutæki, ef menningar-
líf á að geta haldið áfram að þró-
ast hér. Verkefnin eru mörg, sem
félagið getur og mun láta til sín
taka, þótt ekki verði þau talin hér.
En því aðeins verða þau leyst, að
menn taki höndum saman og vinni
í sameiningu að því að efla flug
og flugferðir á fslandi. En slíku
verður vart betur á veg komið með
öðru móti en því, að menn sam-
einist undir merkjum Flugmála-
félags íslands. Sigfús Guðmundsson.
8 - FLUG