Heimili og skóli - 01.02.1952, Qupperneq 27

HEIMILI OG SKÓLI
21
öræfanna. Bók þessi lýsir göngum og
gangnamönnum — sjö óbreyttum al-
þýðumönnum, og ferðum þeirra inn
á þingeyskar afréttir. Bókin er skrifuð
á léttu og fallegu máli, gamansöm og
skemmtileg aflestrar. Höfundurinn
getur þess að vísu í eftirmála, að þetta
sé ekki raunveruleg lýsing á neinum
sérstökum göngum, lieldur samsafn
minninga frá bernsku- og æskuárun-
um um einn hinn dásamlegasta við-
burð í lífi allra sveitadrengja — göng-
urnar.
Bókin er prýdd nokkrum myndum
eltir Odd Björnsson.
Disa á Grœnalœk, eftir Kára
Trvggvason. Utgefandi Pálmi H.
Jónsson, Akureyri. Þetta er skemmti-
leg telpnabók og segir frá lítilli sveita-
telpu, sem elzt uþp við töfra og fegurð
sveitalífsins. Þar er alltaf eitthvað
skemmtilegt að gerast. Dýrin, blómin,
fuglarnir, öll náttúran bvður upp á
hátíð á hverjum degi. Þarna skiptast á
störf og leikir, áhyggjur og gleði.
Þarna er sveitalífinu vel lýst og er bók-
in því einkum hentug til lestrar þeim
börnum, sem alast upp í þéttbýlinu og
komast ekki í kynni við lífsbaráttu
fólksins í sveitinni. Frásögnin er hér
einnig létt og skemmtileg og full af lif-
andi myndum.
Bókin er prýdd myndum eftir Odd
Björnsson.
Ég gæti trúað, að báðár þessar bæk-
ur Kára yrðu vinsælar.
Frá bókaútgáfunni Björk i Reykja-
vík iiafa ritinu borizt 4 ágætar og
skennntilegar smábarnabækur, mjög
lientugar fyrir b(>rn, sem eru að Ityrja
að stauta.
Benni og Bára er þeirra stærst, eða
49 blaðsíður með mynd á annarri
hvorri síðu, en lesmál á hinni. Bókin
er skrifuð á léttu og einföldu máli og
skemmtilega barnaleg. Enda er hún
þýdd af Vilbergi Júlíussyni, kennara,
sem er kunnur að góðum barnabóka-
þýðingum.
Þá eru tvær minni bækur: Bláa
kannan og Grœni hatturinn. Þessar
bækur báðar eru með mörgum lit-
myndum og lesmál með stóru letri. —
Vilbergur hefur einnig þýtt þessar
bækur.
I.oks er Stubbur litli, sem kom út
árið 1947, en seldist þá strax upp, og
er nú kominn í 2. útgáfu. Þessi
skemmtilega smábarnabók er einnig
þýdd af Vilbergi Júlíussyni og er með
fjölda litmynda.
Ferðir Gullivers um ókunn lönd,
eftir Jonathan Swift. Þýtt hafa Ævar
Kvaran og Olafur Halldórsson. Bóka-
útgáfan Leiftur hefur nýlega sent frá
sér nýja útgáfu af þessari sígildu
barnabók. Og ]^ó að nú séu liðin um
226 ár frá því að bók þessi kom fyrst
út, er hún þó ein af þeim bókum, sem
ekki eldist. Hún er jafn kærkomin
börnum dagsins í dag og hún var börm
um fyrir meira en tvö hundruð árum.
Hún býr yfir ævintýralegum töfrum,
sem heilla hugi lesendanna. Hið
rnikla hugmyndaflug, sem þar kemur
fram og ævintýraleg og hrífandi at-
burðarás, hefur hrifið hugi margra
kynslóða og mun gera um ókominn
tíma. Bókin skiptist í þrjá höfuðkafla:
Ferðin til Putalands — Ferðin til Risa-
lands og Seinni ferðir Gullivers.
Bókin er 240 blaðsíður að stærð og
prýdd fjölda rnynda.