Heimili og skóli - 01.02.1962, Qupperneq 33

HEIMILI OG SKÓLI
25
í þakkarskuld við marga ágæta kenn-
ara og skólastjóra.
Annars eru þeir orðnir margir höf-
undarnir, sem skrifað hafa í Heimili
og skóla undanfarin 20 ár, og munu
þar kennarar sennilega vera efstir á
blaði þrátt fyrir allt. Einnig hafa
nokkrir uppeldis- og sálarfræðingar
sýnt ritinu þá vinsemd að senda því
greinar, þeim þökkum við kærlega.
Það má geta þess til gamans, að eftir-
taldir menn áttu greinar í 1. heftinu:
Snorri Sigfússon, skólastjóri, Jakob
Kristinsson, fræðslumálastjóri, Friðrik
J. Rafnar, vígslubiskup, Jóhann Þor-
kelsson, héraðslæknir, og Hannes J.
Magnússon. Það hefur því miður ekki
unnizt tími til að taka saman höfunda-
skrá þessa tvo áratugi, þótt það hefði
verið skemmtilegur fróðleikur.
Sami ritstjóri hefur verið við Heim-
ili og skóla öll þessi ár, og að verulegu
leyti sama útgáfustjóm, en hana skipa
nú: Hannes J. Magnússon, Eiríkur
Sigurðsson og Páll Gunnarsson. Af-
greiðslumaður nú er Guðvin Gunn-
laugsson. Ritið hefur öll þessi ár verið
prentað í Prentverki Odds Björnsson-
ar h.f. og ber þar að þakka ágæta sam-
vinnu.
Okkur er það ljóst, að við stöndum
í þakkarskuld við marga eftir öll þessi
ár, og skal þeim þakkað öllum í einu
lagi. Við þökkum Alþingi og ríkis-
stjórn fyrir fjárhagslegan stuðning,
sem hefur getað gert ritið ódýrara en
ella, við þökkum auglýsendum, sem
auglýst hafa hjá ritinu. Þá þakkar það
öllum sínum kaupendum og lesendum
fyrir tryggðina, og sumir, og þeir all-
margir, hafa keypt ritið frá upphafi.
Við sendum þeim öllum okkar beztu
kveðjur og nýársóskir. Engin afmælis-
gjöf væri ritinu kærkomnari en nýir
áskrifendur.
Gleðilegt nýtt ár.
U tgefendur.
Ný grasafræði
Fyrir sköramu er út komin ný grasafræði á
vegum Ríkisútgáfu námsbóka. Er hún ætluð
framhaldsskólum, en höfundur hennar er
hinn kunni grasafræðingur Geir Gígja. Þetta
er dálítið óvenjuleg bók í flokki námsbóka
okkar, svo vönduð og glæsileg er hún að
öllum frágangi. Fremst er fjöldi litmynda af
íslenzkum og erlendum plöntum og plöntu-
hlutum í eðlilegum litum, en auk þess er
öll bókin myndskreytt á mjög smekklegan
hátt, og hefur Bjarni Jónsson teiknað flestar
eða allar myndirnar í samráði við höfundinn.
Bókin, sem er 125 blaðsíður og skiptist í
marga höfuðkafla og undirkafla. Það gerir
hana aðgengilegri og greinilegri. Fyrsti kafl-
inn heitir Túngrösin. Þar er byrjað heima
við bæinn og talin upp hin helztu túngrös,
og lýst einkennum þeirra og byggingu. Þessi
kafli er mjög ýtarlegur. Þá kemur næst Kál-
garðurinn, og eru þá taldar helztu nytja-
plöntur. Þá koma Gróðurreitir og Gróðurhús.
Kaflinn um Holt og heeðir, í skóginum, í
mýrinni og svo hver af öðrum.
Það er ánægjulegt fyrir nemendur að hafa
slíka bók milli handanna, og fer þar saman
smekkleg myndskreyting og skipulegt efni.
Hafi höfundur, teiknararnir og síðast en ekki
sízt útgefandi, þakkir fyrir.
Hin nýja kdputeikning Heimilis og
skóla er gerð á Teiknistofu Prentverks
Odds Björnssonar h.f., af Kristjdni
Kristjánssyni.