Þingtíðindi Alþýðuflokksins - 25.11.1966, Blaðsíða 39

utan Reykjanesssvæðisins. Þar er Jón Sigurðsson for-
maður, Oskar Hallgrímsson gjaldkeri og Guðjón Bald-
vinsson ritari. Hefur nefndin undirbúið kosningar í fjöl-
mörgum verkalýðsfélögum og á Alþýðusambandsþing,
haldið tvær vel heppnaðar ráðstefnur og unnið margt
fleira á sínu sviði.
Sú miðstjórn, sem nú skilar af sér, kaus á fyrsta fundi
sínum blaðstjórn fyrir Alþýðublaðið, þá Guðmund í.
Guðmundsson, Baldur Eyþórsson og Pétur Pétursson.
Þegar Guðmundur hvarf frá, var Gylfi Þ. Gíslason kos-
inn í hans stað, en Baldur tók við formennsku nefndar-
innar. Mun hann gera grein fyrir vandamálum blaðs-
ins síðar í dag, en á þessu stigi vil ég aðeins veita þing-
fulltrúum þá aðvörun, að málefni Alþýðublaðsins eru
án nokkurs efa alvarlegasta og örlagaríkasta vanda-
málið, sem þetta flokksþing og sú miðstjórn, sem hér
verður kjörin, hafa við að glíma.
Þær breytingar hafa orðið á öllum aðstæðum, að
rekstur Alþýðublaðsins er orðinn miklu meira vandamál
en hann hefur nokkru sinni verið fyrr. Þetta er ekki
sérstakt vandamál okkar, það er þraut fyrir marga aðra
og hluti af þróun, sem er hin sama í flestum löndum
hins frjálsa heims.
Rekstur Alþýðublaðsins er orðinn óviðráðanlegt
vandamál, nema einhver undraráð komi til. —Alþýðu-
flokkurinn verður nú að gera sér grein fyrir, hvort
hann getur lifað án dagblaðs, nema til komi einhver
óvænt ráð til að halda blaðinu úti. Ég vil því biðja þing-
fulltrúa að huga vel að skýrslu formanns blaðstjóvnar,
þegar hún verður flutt í dag.
Samtímis því sem rekstur Alþýðublaðsins er að verða
37