Þingtíðindi Alþýðuflokksins - 25.11.1966, Blaðsíða 51

Jafnframt leggur þingið áherzlu á, að samin verði alls-
herjaráætlun um uppbyggingu íslenzka skólakerfisins
og framkvæmdaáætlun um skólabyggingar um land allt.
Telur þingið að með sameiningu skólahverfa megi efla
skólakerfi dreifbýlisins og búa betri starfsskilyrði um
fjölbreytni og starfskrafta. Stefnt verði að staðsetningu
nýrra framhaldsskóla úti um landið.
Þingið telur iðnfræðslulöggjöfina nýju og stofnun
Tækniskóla Islands stórmerkan áfanga í þróun íslenzkra
skólamála og leggur ríka áherzlu á, að nægilegu fé verði
veitt til uppbyggingar hins nýja iðnfræðslukerfis og til
starfrækslu Tækniskólans. En þingið bendir jafnframt
á að reynslan hefir sýnt að óbrúað bil er á milli hins al-
menna skólakerfis annarsvegar og Tækniskólans hins
vegar um undirbúning í undirstöðunámsgreinum tækni-
náms. Þingið skorar á menntamálaráðherra að hann
hlutist til um að innan gagnfræðaskólanna og iðnskól-
as verði skipulagðar bekkjardeildir, sem sérstaklega
verði við það miðaðar að brúa þetta bil.
Þi'átt fyrir eflingu Kennaraskólans og aukinn nem-
endafjölda undanfarin ár, telur þingið að þar bíði enn
verkefni, sem vinna beri að og bendir í því sambandi á
sérhæfingu kennara til kennslu afbrigðilegra barna. Um
leið og lögð er sérstök áherzla á nauðsyn þess að ríkið
setji á stofn sérstaka skóla fyrir slíka nemendur, í sam-
vinnu við bæjar- og sveitafélög. Jafnframt telur þingið
brýna nauðsyn bera til að athugað verði með hverjum
hætti megi leysa vandamál þeirra barna og unglinga,
sem illa gengur að hlíta reglum og aga hins almenna
skólakerfis, m. a. vegna erfiðra heimilisaðstæðna. Bend-
ir þingið í því sambandi á stofnun og starfrækslu skóla-
49