Reykjanes - 01.04.1947, Blaðsíða 2

REYKJANES
pósthússins hér á vellinnm, þótt
það sé i ófullkomnu bráðabirgða
húsnæði.
Eru ekki áformaðar ýmsar
hyggingar hér við flugvöllinn?
Það má segja að nauðsynlegt
sé að Iiyggja allar afgreiðslu- og
flugstjórnarbyggingar, svo og
hótel og íbúðir fyrir starfsfólk.
Flestar braggabyggingarnar, sem
eru fyrir, eru gerðar með tilliti til
hernaðar, og því óþægilega dreifð-
ar. Nú er verið að ganga frá skipu-
lagi fyrir væntanlegar hyggingar
og unnið að mælingum í því sam-
bandi.
— Hvað er margt starfsfólk a íö
flugvöllinn?
Það eru 17 á okkar vegum hér,
og auk þess vinnuflokkur, sem nú
er að byggja nýtt varðhús, auk
ýmsra annara starfa.
— Eru margir af þessu starfs-
Iiði frá Keflavík?
Allur vinnuflokkurinn er frá
Keflavík og einn af hinum föstu
starfsmönnum. Við höfum áhuga
fyrir að sem flest starfsfólk við
völlinn verði úr Keflavík, en álít-
um ekki rétt að leggja áherzlu
á aukningu þess, sem þyrfti, á
meðan útgerðin hefur þörf fyrir
alla starfskrafta byggðarlagsins.
— Vinna margir Islendingar
hjá hjá Bandaríkjamönnum?
Það eru um 95 alls, sem ýmist
eru starfsmenn eða nemendur í
flugvallarrekstri og öðrum störf-
um þar að lútandi.
— Verður ekki þörf fvrir aukið
starfslið á næstunni?
Jú, vafalaust verður það, en að
hvað miklu leyti við tökum þátt
i rekstri flugvallarins er ekki enn-
þá ákveðið, á meðan samningur-
inn við herinn er í gildi, en ein-
hvern næstu daga verður gengið
frá því, að hvað miklu Ieyti rekst-
urinn kemur í okkar hendur, og
munum við kappkosta, að sem
flestar greinar hans verði í okkar
höndum. Nú þegar er loftferða-
stjórnin og fjarskiptin undir ís-
lenzkri stjórn.
- Er löggæslan við flugvöllinn
talin í starfsliði yðar?
Nei, Sex lögregluþjónar starfa
hér, þar af 2 úr Keflavík. Þeir
eru undir stjórn tveggja fulltrúa
sýslumannsins í Hafnarfirði.
— Hvernig hefur samvinnan
við herinn verið?
Hún hefu verið með bczta
móti. Herinn hefur átt við ýmsa
örðugleika að stríða sökum mann-
fæðar. Þeir fáu menn sem hér
hafa verið síðan snemma í janúar,
hafa orðið að vinna mjög mikið,
frá 10—16 tíma á sólar-
hring, til þess að geta staðið við
gerðan samning um að fara héðan,
þessvegna höfum við reynt að
trufla þá sem minnst við störf
þeirra.
Hvernig gengur samvinnan
við A.O.A.?
Þessi deild A.O.A., sem hér
starfar heitir Iceland Airport
Corporation. Til þessa tíma hefur
öll samvinna við þá gengið mjög
vel, enda eru báðir aðilar fúsir til
skilnings og leiðrét'tinga, ef ein-
hver mistök koma fyrir, sem við
vonum að verði sem fæst. En
eins og gefur að skilja, þá geta oft
ýms örðug atvik komið fyrir í
jafn umfangsmiklum störfum og
rekstur þessa flugvallar er.
Hvað gctið þér sagt um
sjálfan flugvöllinn?
Flugvöllurinn sjálfur er fyrsta
flokks að gerð og styrkleika, og
ennþá eru ekki framleiddar svo
þungar flugvélar að þær geti ekki
lent hér. Aðflugskilyrði er öll hin
ákjósanlegustu. Á flugvellinum er
starfrækt nýjasta gerð blindlend-
ingartækjum (G.C.A.—S.C.S. 51),
auk þeirra er einnig stefnuviti,
(Radio Range) af nýjustu gerð.
Ljósaútbúnaður hefur verið end-
urnýjaður að nokkru og komið
fyrir nýjusíu gerð flugbrautaljósa.
Þau sjást úr meiri fjarlægð en
nokkur önnur ljós, og einnig í
þoku og dimmviðri. Þótt ekki
sjáist frá flugvélinni nein ljós í
Keflavík, þá sjást flugbrautaljós-
in mjög vel.
Hvað álítið þér að hér þurfi
að vera stórt hótel?
Það þarf að byggja hér hótel,
sem rúmar um 200 til 300 manns,
búið öllum þægindum, því flestir
flugfarþegar eru fólk sem ætlast
íil þæginda og á þeim að venjast
við alla flugvelli. Einnig er að-
búnaður ferðamanna góð auglýs-
ing fyrir menningarástand þjóð-
arinnar.
- Hvað hafið þér að segja um
fánann á spítunni?
Forsaga þess máls er nokkuð
löng, og engum einum um að
kenna. Að þetta skyldi koma fyrir,
var mjög óheppilegt og leiðinlegt,
enda verður séð um að slíkt end-
urtaki sig ekki. (Það cr gott!)
Er ckki eitthvað sérstakt,
sem þér vilduð segja að lokum?
Eg er sannfærður um að Kefla-
víkurflugvöllur á eftir að verða
mikil lyftistöng fyrir Keflavík og
nágrenni, en að vísu er það mikið
komið undir Suðurnesjamönnum
sjálfum. Við viljum kappkosta
að hafa sem bezta og nánasta sam-
vinnu við nábúa okkar hér í kring,
og vona eg að það takist með góð-
um vilja beggja.
Eg þakka flugvallarstjóra fyrir
Jjægilegar móttökur og greinagóð
svör. I samræðum okkar hæði á
undan og eftir það viðtal, sem hér
er hirt, komst eg að því, að þar
er margháttaðan og' skemmíileg-
an fróðleik að fá, og mun eg ó-
spart nota vinsamlegt boð flug-
vallarstjóra og fulltrúa hans, um
að flytja lesendum blaðsins ýmsan
fróðleik um flugmál almennt og
einnig meira um framkvæmdir og
starfrækslu á Keflavíkurflugvell-
inum, því sannarlega eigum við
að fylgjast með því sem þar er
að gerast af meiri áhuga, en við
höfum gert hingað til.
Helgi S.
Aineríska setuliðið
er nú i þann veginn að hverfa
héðan, en eins og kunnugt er, tek-
ur American Overseas Airlines við
rekstri Keflavíkurflugvallarins. I
fyrra mánuði flutti selulioið nolck-
ur hundruð tonn af flugvéla-
sprengjum á haf út og sökkti
þeim þar. Sprengjunum var sökkt
á 500 faðma dýpi suðvestur af
Reykjanesi. Ölíklegt er talið, að
sprengjur þessar geti komið til
að valda nokkru tjóni, þar eð
botnvörpuveiðar eru ekki stund-
aðar á þessu dýpi ennþá a. m. k.
„Flagship Keflavík“
Ef það gæti glatt einhverja hér
í Keflavík þá getur blaðið fært þá
frétt, að A.O.Á. hef'ur skýrt eina
af Skymasterflugvélum sínum
„Flagship Keflavík". Er því þar
með ástæðulaust að öfunda Reyk-
víkinga lengur af „Flagship
Reykjavík“, en á slíku hefur lítils-
háttar borið hér í Keflavík.