Breiðholtsblaðið - 01.03.2023, Side 5

líta á þessi mál sem eitthvað sem
hægt sé að leysa. “Við í Reykjavík
höfum verið að fjárfesta í þekkingu
á þessum hóp og aðstæðum fólks
sem býr við þessar erfiðu aðstæður.
Almenningur og ríkisvaldið er
langt á eftir okkur.” Heiða bendir
á að sterkir hagsmunaaðilar styðji
við þessi mál. Hún nefnir Rauða
krossinn og Rótina sem dæmi og
segir ákveðna fræðimenn farna
að grúska í þessu sem sé mjög
jákvætt. “Fyrir okkur er þetta nýtt
viðfangsefni miðað við borgir
erlendis sem við berum okkur
saman við. Við horfðum lengi
fram hjá þessu.” Heiða bendir á að
gripið hafi verið til neyðarskýlanna
í bráðri neyð þar sem engin
þjónusta hafi verið fyrir hendi. Þau
séu aðeins hugsuð til bráðabirgða
og nú sé unnið að því að finna
framtíðarlausn þannig að engin
þurfi að notfæra sér slíkt húsnæði.
“Við viljum ekki að fólk þurfi að nýta
þessa þjónusta vegna þess að hún
dregur á engan hátt úr þeim skaða
sem neysla vímuefna hefur leitt
af sér fyrir fólk. Neyðarskýlin eru
aðeins skammtíma úrræði.”
Eitt áfall getur leitt
til heimilisleysis
Heiða segir nauðsynlegt að hafa
í huga að munurinn á fólki og því
fólki sem er án heimilis þurfti ekki
að vera meiri en eitt áfall sem fólk
hefur ekki geta höndlað og leiðst út
í það líf sem það fór að lifa. Ástand
sem fólk er að takast á við. Ef til
vill vegna einhvers sjúkdóms sem
aðrir hafa verið svo heppnir að fá
ekki. Oft þurfi ekki mikið til að og
því miður geti hent ólíklegasta fólk
að verða heimilislaust. Heiða segir
að lengi hafa ekki verið samþykkt
í samfélaginu að fólk hafi tök á
neyslu sinni. Vín sé samfélagsleg
neysluvara svo lengi sem fólk hefur
stjórn á neyslu þess. Að vínið taki
ekki stjórnina yfir og fari að ráða
för. Ef fólk missti tök á neyslunni
mátti bara að snúa við því baki.
“Þetta er hugsunarháttur fyrri
tíðar sem er á undanhaldi. Það
getur líka verið erfitt fyrir fólk sem
vill og er að reyna að taka á sínum
málum að vera ekki í tengslum
við þá sem því þykir vænt um. Við
fjölskyldur sínar eða vini. Kannski
búið að brenna allar brýr að baki
sér. Þetta getur verið hluti vandans.
Því skiptir máli að standa með
fólki í svona aðstæðum. Ég hef hitt
mæður úr öðrum sveitarfélögum
sem hafa sagt mér hversu erfitt sé
að að horfa á eftir barninu sínu á
götuna í Reykjavík og þurfa síðan að
koma úr öðru sveitarfélagi til þess að
leita eftir aðstoð.”
Betra að fólk geti
fengið þjónustu í
nærumhverfi sínu
Heiða segir mismunandi þjónustu
í boði eftir sveitarfélögum og engin
launung á því að fólk með vanda
af þessu tagi leitar inn í Reykjavík.
Hún segir að betra væri að þessi
málaflokkur væri meira lands
verkandi þannig að fólk geti fengið
meiri þjónustu í sínu nærumhverfi
og geti verið nálægt þeim sem því
þykir vænt um og verið í umhverfi
sem það þekkir. Einnig geti verið
gott að dreifa fólki sem á í erfiðum
félagslegum vanda í stað þess að
hópa því of mikið saman eins og
hefur verið gert. Nauðsynlegt sé
fyrir fólk og ekkert síður fólk sem
er í viðkvæmri stöðu að hitta og
umgangast breytilega hópa.
Eigum ekki að flokka fólk
“Ég hef verið að leggja áherslu
á í mínu starfi að velferðarmálum
að við gerum minna að því að
flokka fólk. Við verðum að vera
umburðarlyndari gagnvart því að
við erum allskonar og alls staðar
í samfélaginu. Eldra fólk á ekki
endilega bara að hitta annað eldra
fólk. Eins er með yngra fólkið. Fólk
þarf að hafa tækifæri til að blandast
saman. Hluti af þessu er að við
höfum verið að opna húsnæði sem
einkum hefur verið fyrir félagsstarf
eldri borgara fyrir yngra fólki.
Markmiðið er að fólk nái að blandast
betur saman og geti miðlað hvort
öðru af áhugamálum og reynslu. Ég
veit að yngra fólk sem sumt er ekki
á vinnumarkaði meðal annars af því
að það er með ung börn er farið að
notfæra sér þessa aðstöðu. Ég get
nefnt Aflagrandann sem dæmi,
einnig Gerðuberg í Breiðholti og
Vitatorg við Vitastíg. Þar er komin
leikaðstaða fyrir börn. Þar hittist fólk
af mismunandi kynslóðum, kynnist,
fordómar minnka og allt verður
skemmtilegra.” Heiða rifjar upp árin
sem hún var í fæðingarorlofi. Kveðst
þá hafa sótt Sólheimabókasafnið
reglulega, Þar hafi fólk af flestum
kynslóðum komið. “Þarna sá
ég hvað fólk hefur gott af því að
hittast yfir kaffibolla og tala saman
á milli kynslóða.”
Stendur upp á okkur að
tala meira saman
Karp í borgarstjórninni ber á
góma. Telur Heiða of miklum tíma
eytt í að karpa um hluti í stað þess
að leita að lausnum. Hún hugsar sig
um. “Reykjavík er stórkostleg borg.
Borgarbúar eru eðlilega allskonar
fólk og kjósa sér fulltrúa með
mismunandi viðhorf. Ég er stolt af
að starfa á þessum vettvangi. Mér
finnst hins vegar standa upp á okkur
og tala meira saman og reyna að
ræða okkur niður á niðurstöður. Það
verða aldrei alli sáttir með allt. En
við mættum reyna meira að stuðla
að sátt og samstöðu. Ég er ekki í
stjórnmálum bara til þess að vera
á móti einhverjum. Heldur til þess
að koma ákveðnum viðhorfum
á framfæri. Ég er alin upp við það
viðhorf að enginn sé merkilegri en
annar og allir jafnir. Þetta var mjög
sterkt í mínu uppeldi og hefur ekkert
breyst. Ég el börnin mín upp með
þessu sjónarmiði,” segir Heiða Björg
Hilmisdóttir borgarfulltrúi.
5BreiðholtsblaðiðMARS 2023
Neyðarskýlin eru aðeins skammtíma úrræði.
Fundur um velferðarmál sem haldin var í Gerðubergi fyrir skömmu.
Heiða Björg Hilmisdóttir stýrði fundi.
Fella- og Hólakirkja fagnar 35 ára vígsluafmæli um þessar mundir,
en kirkjan var vígð á Pálmasunnudegi árið 1988.
Pálmasunnudagur – 2. apríl kl. 20
Kór Fella-og Hólakirkju flytur Gloríu eftir Vivaldi undir stjórn Arnhildar Valgarðsdóttur,
organista. Kristín Ragnhildur Sigurðardóttir, Inga Jónína Backman, Xu Wen,
Laufey Egilsdóttir og Garðar Eggertsson syngja einsöng.
Matthías Stefánsson leikur á fiðlu, Jón Hafsteinn Guðmundsson á trompet
og Guðný Einarsdóttir á píanó.
Að tónleikunum loknum verður boðið upp á léttar veitingar í safnaðarheimili kirkjunnar.

Enginn aðgangseyrir – allir velkomnir.
Föstudagurinn langi – 7. apríl kl. 14
Stabat Mater Dolorosa (María stóð við krossinn)
Kristín Ragnhildur Sigurðardóttir og Svava Kristín Ingólfsdóttir flytja verkið ásamt
félögum úr kirkjukór Fella-og Hólakirkju. Arnhildur Valgarðsdóttir leikur á píanó
og Matthías Stefánsson á fiðlu. Sr. Jón Ómar Gunnarsson leiðir stundina.
Enginn aðgangseyrir – allir velkomnir.
Fella- og Hólakirkja