Vesturbæjarblaðið - maj 2023, Side 2

2 Vesturbæjarblaðið
Útgefandi: Borgarblöð ehf.
Eiðistorgi 13-15 • 172 Seltjarnarnes • Pósthólf 171
Rit stjóri: Þórður Ingimarsson • Sími: 893 5904
Netfang: thordingimars@gmail.com
Auglýsingasími: 511 1188 • 552 1953 • 895 8298
Heimasíða: borgarblod.is
Net fang: borgarblod@simnet.is
Framkvæmda- og aug lýs inga stjóri: Krist ján Jó hanns son
Um brot: Valur Kristjánsson
Prentun: Landsprent ehf.
Dreif ing: Póstdreifing ehf.
5. tbl. 26. árgangur
Vesturbæjarblaðinu er dreift í hvert hús í póstnúmerum 107, 102 og 101.
Tímamót eru að verða í bráðlega 125 ára sögu Knattspyrnu­
félags Reykjavíkur KR. Margt hefur drifið á daga félagsins þann
tíma. Sagan greinir frá bæði skini og skúrum. Gullaldartímabilum
sem öðrum þar sem árangri var síður fagnað.
Framkvæmdir hafa öðru hvort sett svip á félagið. Árið 1942
skipaði stjórn KR nefnd til að koma fram með tillögur að
framtíðarskipulagi á reitnum í Kaplaskjóli. Þann 7. febrúar 1953 var
glæsilegur íþróttasalur KR við Kaplaskjólsveg tekinn í notkun. Var
það bogamyndaða byggingin sem setti sterkan svip á svæðið um
árabil og stóð fram á tíunda tug síðustu aldar.
Árið 1965 var hafinn undirbúningur að byggingu nýs salar
í framhaldi af upphaflega íþróttahúsinu og húsið sem var
tekið í notkun 1971. Jafnhliða því húsi var lokið við allgóð búnings­
herbergi sem tilheyrðu salnum.
Stærsta viðbótin við húsakost KR á svæðinu við Kapla skjólsveg
til þessa var bygging stóra íþróttahússins, sem daglega gengur
undir nafninu A­salur. Sú bygging var tekin í notkun árið 1999.
Var hún mikil lyftistöng fyrir starf félagsins. Með henni var hægt
að auka mikið við framboð á tímum í íþróttasölum þótt það hafi
hvergi dugað til.
Síðan hefur fátt gerst er varðar bætta aðstöðu þar til nú að efna á
til mestu framkvæmda í sögu félagsins. Síðar á þessu ári munu
hefjast stórfelldar framkvæmdir sem hafa verið í undirbúningi
í nokkur ár og beðið hefur verið með óþreyju. Tilkoma þeirra
mannvirkja sem eiga að rísa munu marka tímamót í sögu félagsins.
Með þeim verður fjölbreytt og öflugt íþrótta­ og tómstundalíf tryggt
til frambúðar.
Tímamót
MAÍ 2023
ALHLIÐA MÚR- OG STEYPUVIÐGERÐIR
www.husavidgerdir.is/hafa-samband
info@husavidgerdir.is - Sími 565-7070
Finndu okkur á
Fegrun og lenging líftíma
steyptra mannvirkja er
okkar áhugamál. Við
höfum náð góðum árangri
í margs konar múr- og
steypuviðgerðum,
múrfiltun, steiningu og
múrklæðningum. Hafðu samband
Við skoðum og gerum tilboð!
Starfshópur á vegum innviða ráðherra telur að
áform Reykjavíkurborgar um íbúðabyggð í Skerja­
firði hafi ekki það slæm áhrif á aðstæður fyrir flug að
uppbyggingar áformin verði stöðvuð.
Reykjavíkurborg hefur tekið ákvörðun um að hafist
verði handa við jarðvegsframkvæmdir og þar með
undirbúning uppbyggingar í Nýja Skerjafirði. Reykja­
víkurborg muni í samvinnu við Isavia yfirfara ákvæði
í deiliskipulagi sem lúta að því að takmarka áhrif
vinds við uppbyggingu og útfærslu byggðar og land­
mótunar á svæðinu, í samræmi við ábendingar starf­
shópsins. Deiliskipulagið sem samþykkt var 2021 gerir
ráð fyrir að í hinu nýja hverfi verði blönduð byggð
með um 690 íbúðum, sem er einungis fyrsti áfangi
fyrirhugaðrar uppbyggingar.
Deilur hafa verið á milli innviðaráðuneytisins og
Reykja víkurborgar um hina nýju Skerjafjarðarbyggð. Fyrir
um ári lét Sigurður Ingi Jóhannsson innviðaráðherra þá
skoðun í ljósi að Reykjavíkurborg myndi ekki fá að hefja
uppbyggingu hverfisins fyrr en búið væri að finna starf­
semi Reykjavíkurflugvallar nýjan stað. Starfshópur hefur
síðan kannað fyrirliggjandi gögn og að því loknu hefur
niðurstaðan orðið sú að hverfið mun rísa. Í lokaorðum
skýrslu starfshópsins kemur fram að það sé og verði
ákvörðunaratriði stjórnvalda, rekstraraðila og notenda
flugvallarins hvort og þá hvaða skerðing nothæfis sé
ásættanleg fyrir flugið á Reykjavíkurflugvelli.
Skerjafjarðarbyggð
mun rísa
Fyrsta skóflustungan að nýjum laufskála sem rísa
á í suðurgarði Grundar við Hringbraut var tekin 2
maí sl. Um er að ræða 100 fermetra kaffihús þar sem
heimilismenn og aðrir gestir geta komið og keypt sér
veitingar í notalegu umhverfi.
Hægt verður að opna kaffihúsið út á sólríkum dögum
og njóta veðurblíðu á útikaffihúsi. Þá verður einnig
útbúin leikaðstaða fyrir börn. Laufskálinn mun létta
yfirbragð þessa fallega og reisulega húss sem Grund
er og veita Vesturbæingum gleði en meiningin er
að íbúar í hverfinu geti einnig nýtt sér þjónustu
kaffihússins. Áformað er að taka kaffihúsið í notkun í
kringum næstu áramót.
Skóflustunguna tóku frá vinstri Guðrún B. Gísladóttir fyrrverandi forstjóri Grundar til 25 ára, Sigmundur I.
Júlíusson heimilismaður á Grund og Gísli Páll Pálsson stjórnarformaður Grundar.
Stungið fyrir laufskála
við Grund
Reykjavíkurflugvöllur. Byggingarland í Skerjafirði er til vinstri á myndinni.