Ægir - 01.06.2023, Side 30
30
Fiskistofa úthlutaði við upphaf nýs fiskveiðiárs, sem hófst
þann 1. september, aflaheimildum á grunni reglugerðar um
veiðar í atvinnuskyni. Á næstu síðum birtast að vanda
tölulegar upplýsingar um úthlutun ársins en sem fyrr er
grunnur hennar veiðiráðgjöf Hafrannsóknastofnunar frá í
vor. Framsetning talna er nú með breyttum hætti í sam-
ræmi við breytingar á miðlun talnaupplýsinga frá Fiski-
stofu. Í heild nemur úthlutað aflamark ársins 336.600 þorsk-
ígildistonnum og er það aukning milli fiskveiðiára um 4,9%.
Heildarúthlutun í aflamarki þorsks er á fiskveiðiárinu tæp-
lega 209.200 tonn, óslægt. Hlutfallslega mesta aukningin
aflaheimilda er í ýsu, sumgotssíld, gullkarfa og keilu. Fyrir
utan að ekki eru gefnar út aflaheimildir í djúpkarfa er
mesti samdrátturinn í grálúðu, þykkvalúru og hlýra.
Samkvæmt reglugerð er leyfilegur heildarafli 525.801 tonn en
frá þeirri tölu dragast 5,3% til línuívilnunar, byggðakvóta,
strandveiða og annarra sértækra ráðstafana. Í 5,3% pottinn,
sem stundum er svo nefndur, fóru 28.397 tonn. Eftir standa því
507.404 tonn sem Fiskistofa úthlutaði.
Í upphafi fiskveiðiársins fá úthlutun 125 skip með aflamark,
195 krókaaflamarksbátar og 42 smábátar með aflamark. Þá fær
31 bátur úthlut skel- og rækjubóta og 70 bátar fá úthlutun
byggðakvóta.
Þeir stóru verða enn stærri
Brim hf. er sem fyrr það fyrirtæki sem fær úthlutað mestum
aflaheimildum í upphafi fiskveiðiárs, eða rösklega 35.100 þorsk-
ígildistonnum. Úthlutunin er sem nemur 10,44% af öllum úthlut-
uðum aflaheimildum en hlutfallið hjá Brimi hf. var á síðasta
fiskveiðiári 10,25%. Veigamikil breyting hefur orðið á lista
þeirra fyrirtækja sem mestu fá úthlutað þar sem nú er Ísfélagið
hf. komið í annað sætið í kjölfar sameiningar þess við Ramma
hf. sem að sama skapi hefur horfið af þessum lista. Ísfélagið hf.
fær úthlutað 25.500 þorskígildistonnum eða sem svarar 7% af
heildarúthlutuninni. Í þriðja sæti er Samherji Ísland ehf. með
23.300 þorskígildistonn sem svarar til 6,93% heildarúthlutunar
ársins. Fyrirtækið var með 6,78% af heildar úthlutuninni á síð-
asta fiskveiðiári. Líkt og í fyrra er FISK Seafood næst í röðinni á
þessum lista með rösklega 20.600 tonn eða 6,14% af heildarút-
hlutuninni.
Þegar listi þeirra 10 fyrirtækja sem mestu fá úthlutað er bor-
inn saman við sama lista í fyrra sést að Ísfélagið hf. er nú kom-
ið í stað Ramma hf. Sömuleiðis hefur er nú Útgerðarfélag
Reykjavíkur vikið í 10. sæti hans fyrir Nesfiski hf.
Fyrirtækin tíu ráða nú yfir 56,48% af úthlutuðum aflaheimil-
um og hafa bætt við sig 4,33 prósentustigum frá upphafsúthlut-
un síðasta fiskveiðiárs.
Samanburður fiskveiðiára
Úthlutun Úthlutun
fiskveiðiárið fiskveiðiárið Breyting
2022/2023 2023/2024 í %
Þorskur 195.495 198.107 1,3
Ýsa 57.359 70.751 23,3
Ufsi 67.374 62.898 -6,6
Steinbítur 7.677 7.902 2,9
Gullkarfi 21.416 34.530 61,2
Keila 3.489 4.317 23,3
Langa 4.809 5.648 17,5
Djúpkarfi 6.000 0 -100
Litli karfi 554 539 -2,7
Grálúða 14.266 12.749 -10,6
Sandkoli 285 342 20
Skrápflúra 0 0 0
Skarkoli 7.257 7.415 2,2
Langlúra 1.165 1.398 20,2
Þykkvalúra/sólkoli 1.077 920 -14,6
Skötuselur 244 178 -27
Humar 0 0 0
Íslensk sumargotssíld 62.687 82.989 32,4
Blálanga 245 245 0
Hlýri 316 280 -11,4
Gulllax 10.909 11.440 4,9
Úthafsrækja 4.756 4.756 0
Góður afli kominn á land. Mynd: Þorgeir Baldursson
Kvótinn 2023/2024 AFLAHEIMILDIR
NÝS FISKVEIÐIÁRS