Fréttir - Eyjafréttir - 06.01.2023, Blaðsíða 11

6. janúar 2023 | | 11
„Það er metnaðarfullt skref hjá
núverandi stjórn Eyjasýnar og
ritstjóra Eyjafrétta að endurverkja
fréttapíramídann. Það skiptir mála
að athygli sé vakin á því sem vel
er gert. Þau verkefni og þeir sem
hafa hlotið viðkenningu hér í dag
eru virkilega vel að því komnir,“
sagði Íris Róbertsdóttir, bæjarstjóri
við afhendingu Fréttapíramídanna.
„Vönduð, fagleg og gagnrýnin
fréttamennska, þar sem öll sjónar-
mið heyrast, er mikilvæg samfé-
lagi eins og Vestmannaeyjum. Því
er mikilvægt að í fréttamennsku,
eins og í pólitíkinni, séu þeir sem
þar starfa alltaf að endurskoða
og meta frammistöðu sína hverju
sinni. Og er það nauðsynlegt fyrir
hérðasfréttamiðla sem ætla dafna
í síbreytilegu umhverfi,“ sagði Íris
einnig.
Takk Páll
„Mér finnst afskaplega vel til
fundið að Pál Zóphaníasson sé
Eyjamaður ársins árið 2022 og
hann heiðraður í upphafi árs 2023
þar sem á því ári eru 50 liðin frá
Heimaeyjargosinu. Hann fékk
eldskírn sem tækninfræðingur
í gosinu og á stóran þátt í því
hversu ótrúlega vel hlutirnir gengu
á þessum tíma. Palli hefur alltaf
verið hluti af gostengdunum
minningum í mínum huga, hann
og Magnús bæjarstjóri. En Palli
Zóf, eins og flestir þekkja hann,
hefur haft nokkra hatta eins og
kom fram hér áðan. Takk fyrir
allt þitt Páll- og til hamingju með
viðurkenninguna.“
Biggi Gauja engum líkur
Íris sagði Guðjón Magnússon eða
Biggi Gauja- engum líkur. „Í mín-
um huga er Biggi Gauja samofinn
þrettándanum og þjóðhátíðinni.
Tveimur af þeim fjórum stóru
viðburðum ársins hér í Eyjum sem
okkar ástkæra ÍBV íþróttafélaga
sendur fyrir. Mér finnst mikilvægt
að það komi fram, fyrir okkur
Týrarana, að það voru Týrarar
sem tóku þrettándann upp á sína
arma og gerðu hann að þeirri
einstöku upplifun sem hann er í
dag. Sjálfboðaliðar eins og Biggi
gera það að verkum það þetta var
hægt.“
„Til að samfélag eins og okkar
verið sterkt og blómstri þarf, frum-
kvöðla, athafnafólk, sjálfboðaliða
og síðast en ekki síst Eyjahjarta.
Það hafa bæði Palli Zóf og Biggi
Gauja og hafa sýnt það með sínu
framlagi,“ sagði Íris einnig.
Neistinn kveiktur
„Vestmannaeyjabær er íþrótta-
bær, og hefur verið lengi, og nú
höfum við skapað okkur nafn
sem menntabær. Það tekst með
samstilltu átaki og flaggskipið er
Kveikjum neistann verkefnið,“
sagði Íris um framtak ársins,
Kveikjum neistann.
„Þetta fór formlega af stað í 1.
bekk haustið 2021 með áherslu-
breytingum í námi nemendanna og
kennslu í samræmi við markmið
verkefnisins. Kveikjum neistann-
rannsóknar- og þróunarverkefni
í GRV er eitt af stóru þróunar-
verkefnum á Íslandi, en það þarf
ýmislegt að ganga upp til þess að
hægt sé að taka þá í verkefni sem
þessu,“ sagði Íris og nefndi mikil-
vægi samstarfs allra aðila.
„Við viljum halda áfram og
þessari braut og vil ég óska öllum
þeim sem koma að verkefninu til
hamingju með þau skerf sem verið
er að stíga í því að bæta skólakerf-
ið okkar og fjárfesta í framtíðinni
sem eru börnin okkar.
Nú er að halda áfram á þessari
braut að hugsa til framtíðar og
gera samfélagið okkar enn betra.
Við viljum vera í fremstu röð
og höfum alla burði til þess sem
samfélag. Þið öll sem hljótið
viðkenningu hér í dag hafið
sannarlega lagt ykkar að mörkum
til þess- takk fyrir það,“ sagði Íris
að endingu.
„Gleðilegt nýtt ár og takk fyrir
að gefa ykkur tíma fyrir að koma
á þennan árlega viðburð sem
hefur verð haldinn í um þrjátíu ár.
Ástríða fyrir samfélaginu í Vest-
mannaeyjum er einkennandi fyrir
þá sem hljóta fréttapíramídan.
Viðburð sem er mikilvægari en ég
gerði mér grein fyrir fyrst þegar
ég mætti á hann fyrir nokkrum
árum. Það er gott að staldra við
reglulega, líta yfir farinn veg,
heiðra þá sem hafa lagt líf og
sál til samfélagsins og eru okkur
hinum hvatning til dáða,“ sagði
Trausti Hjaltason, stjórnarfor-
maður Eyjasýnar við afhendingu
Fréttapýramídanna.
Ný stjórn og nýtt starfsfólk
Í júní var skipuð alveg ný stjórn
Eyjasýnar. Gígja Óskarsdóttir og
Kári Bjarnason komu inn í stjórn-
ina með mér og tóku við keflinu
af Margréti Rós, Hjalta Pálssyni
og Kristni Pálssyni, þeirra óeigin-
gjörnu vinnu verður seint þakkað
að fullu.
Við Gígja með Ómar og Kára
okkur til halds og trausts fórum
full tilhlökkunar af stað í verðugt
verkefni, hafa þessir mánuðir
verið mjög lærdómsríkir og
skemmtilegir. Okkar fyrsta verk
var að ráða Eygló Egilsdóttur inn
í hálft starf, Eygló kom inn með
trukki og dýfu í byrjun sumars og
hélt vel utanum vefinn okkar og
skrifaði fjöldan allan af greinum
í blaðið. Eygló rekur fyrirtæki í
Reykjavík og stóð til að hún flytti
til Eyja í lok sumars, en það gekk
ekki eftir og þurfti hún því að
hætta í haust, kann ég Eygló mikl-
ar þakkir fyrir hennar starf og var
skemmtilegt að vinna með henni.
Eyjafréttir með reynslumesta
blaðamann Íslands
Rétt áður en Eygló og ný stjórn
kom inn, höfðu eigendur landað
einum öflugasta og reynslumesta
blaðamanni norðan Alpafjalla.
Ómar Garðarsson fyrverandi
lögreglumaður, sjómaður og
blaðamaður til tugi ára kom og
skólaði okkur unglömbin til.
Ómar sem alltaf er að hugsa
um næsta blað, er líklega einn
reynslumesti blaðamaður Íslands
sem starfar í dag. Það er afskap-
lega þægilegt að vita af Ómari
sem ritstjóra blaðsins, greinarnar
hreinlega reitast af honum. Í haust
var ég svo lánsamur að fá að fara
með honum á Sjávarútvegssýn-
inguna að kynna blaðið, þar fékk
blaðið frábærar viðtökur og voru
menn gapandi yfir því að við
gæfum út svona flott blað í Eyjum
tvisvar í mánuði. Við höfum frá
svo mörgu skemmtilegu og áhuga-
verðu að segja í Eyjum.
Eyjafréttir fjalla um
samfélagið af dýpt
Reksturinn er brothættur og það
má ekki mikið útaf bregða til að
tæplega hálfrar áratuga starf-
semi leggist af. Það er ekki síst
áskrifendum okkar, starfsmönnum
og fyrirtækjum hér í bæ að þakka
að miðillinn starfi áfram. Sjálfum
þykir mér vænt um Eyjafréttir og
finnst mér miðillinn vera hluti
af samfélaginu okkar, mikilvæg
heimild fyrir söguna og góður
rýnir sem fjallar af dýpt um málin
og er ávallt á vaktinni.
Þess ber að geta að starfsmenn
og stjórn hafa fundið mjög góðan
stuðning frá eigendum, sem hefur
verið mikilvægt sérstaklega þegar
á reynir. Hluthafarnir eru 19
sem hafa staðið þétt við bakið á
rekstrinum, flestir til tugi ára. Ísfé-
lagið og Vinnslustöðin eru stærstu
eigendurnir og hafa reynst okkur
afskaplega vel.
Að lokum langar mig að nefna
Vestmannaeyjabæ sem hafa
undanfarin ár verið okkur til halds
og trausts á þessum viðburði.
Vestmannaeyjabær kemur líka
tilkynningum og auglýsingum til
skila í gegnum miðla okkar sem
er okkur mikilvægt. En nú er ég
búinn að rausa alltof mikið og
komin tími á súpu sem kemur frá
Einsa kalda en er í boði Vest-
mannaeyjabæjar,“ sagði Trausti að
endingu.
Íris bæjarstjóri Viljum vera í fremstu röð:
Þið hafið lagt ykkar að mörkum
Trausti Hjaltason Formaður stjórnar Eyjasýnar
Eyjafréttir eru samfélaginu mikilvægar
FRÉTTAPÝRAMÍDINN2022