Fréttir - Eyjafréttir - 15.06.2023, Blaðsíða 4
4 | | 15. júní 2023
SA smíðar ehf. eru að byggja
glæsilegt tvílyft fjórbýlishús sem
risið er að Áshamri 79 til 81.
Hús fasteignasala sér um sölu
á íbúðunum og verður opið hús
föstudaginn 16. júní klukkan
17:00 og laugardaginn 17. júní
klukkan 14:00.
Halldóra Ágústsdóttir, fasteigna-
sali segir íbúðirnar spennandi
valkost og bjóða upp á mikla
möguleika. Efri íbúðirnar eru með
svölum í norður og suður, bæði
úr eldhúsi og stofu. Í eldhúsi og
stofu er hátt til lofts og einstakt
útsýni. Íbúðirnar á neðri hæð eru
með palli í suður og eru mjög vel
skipulagðar og rúmgóðar. Húsið
er nánast viðhaldsfrítt og stutt er í
mikilvæga þjónustu eins og skóla,
íþróttamiðstöð, golfvöllinn og
frábæra útivistarparadís.
Feðgarnir Svanur Örn Tómasson
húsasmiður og Aron Ingi Svans-
son hafa starfað saman meira og
minna frá 2006 en Svanur byrjaði
í byggingageiranum 1990. Þeir
hafa haslað sér völl í Vestmanna-
eyjum. Þeir byggðu raðhúsin við
Áshamar 95 til 103 árið 2021 og
Svanur kom einnig að byggingu á
raðhúsalengju í Foldahrauni. „Þeir
leggja mikið upp úr því að skila á
réttum tíma og hafa staðið vel við
tímaáætlanir sem skiptir helmiklu
máli, segir Halldóra. „Húsið sem
við ætlum að sýna á föstudaginn er
fyrsta húsið af fjórum sem áætlað
er að byggja við Áshamar 79 til 93.
Allar íbúðir eru með sér inngangi,
sér rafmagnstöflu og hita.“
Halldóra er mjög spennt fyrir
opnu húsi um helgina. „Íbúðirnar
eru glæsilegar og margir eigin-
leikar sem skipta máli, eins og
staðsetning, útsýni og hönnun
íbúðanna, þær eru einstak-
lega rúmgóðar, bjartar og vel
skipulagðar, allar með sérinn-
gangi.. Verðið er líka mjög gott
en fermetraverð er um 550.000,-
krónur sem er mjög gott á nýrri,
fullbúinni eign í Vestmannaeyj-
um. Eignirnar á neðri hæð eru
118 fm2 (þriggja herbergja) og
seljast á 65.000.000 en eignir á
efri hæð eru 132 fm2 (fjögurra
herbergja) og seljast á 73.000.000,
önnur eignin á efri hæð og báðar
eignirnar á neðri hæð eru seldar,
en í framhaldinu verður farið af
stað með byggingu á næsta húsi,
svo það er um að gera að koma og
skoða. Tveir bílskúrar (30fm) eru
svo í húsinu sem geta fylgt hvaða
eign sem er, en þeir eru báðir
seldir. Þeir seljast á 8.000.000.
Íbúðunum er skilað fullbúnum
að innan og utan án gólfefna, en
flísar eru þó á votrýmum, baði og
þvottahúsi.“
Aðspurð segir Dóra að vel
hafi gengið síðan hún opnaði
fasteignasöluna og vill þakka
fyrir góðar viðtökur. Afhending
eignanna eru um sumarlok, eða
september til október og eins og
áður kom fram hafa þeir feðgar
staðið mjög vel við afhendingu
fyrri eigna hér í Eyjum. Verktaki
og fasteignasali verða á staðnum
í opna húsinu en einnig er í boði
að panta einkaskoðun hjá mér
á í síma 8611105 eða í tölvu-
pósti á dora@husfasteign.is en
frekari upplýsingar er að finna á
heimasíðunni eyjaeignir.is,“ sagði
Halldóra að lokum.
Hús fasteignasala Kynna fjórbýlishús í byggingu:
Opið hús um helgina
Halldóra Ágústsdóttir, fasteignasali. Áshamar 79-81.
Snókerklúbbur Vestmannaeyja
hóf starfsemi í vor en þar er boðið
upp á aðstöðu fyrir snóker- og
pílukastiðkun í Vestmannaeyjum.
Klúbburinn er staðsettur í kjall-
aranum í Betel en gengið er inn
frá Kirkjuvegi. Meðal þeirra sem
að þessu standa er Þórarinn Björn
Steinsson en ásamt honum eru í
stjórn Júlíus Ingason, Rúnar Gauti
Gunnarsson, Árni Þór Gunnarsson
og Friðrik Egilsson.
Við ræddum við Þórarinn um
þetta skemmtilega uppátæki þeirra
félaga.
„Þetta byrjaði með því að
nokkrir úr hópnum voru að spjalla
saman um að það vantaði svona
aðstöðu þar sem hægt væri að
spila snóker. Svona stað sem að
væri opinn fyrir alla. Það er nú
bara þannig að það eru ekkert allir
gjaldgengir í þá klúbba sem eru
með snókerborð hérna í Eyjum og
það var eitthvað sem vantaði. Stað
sem er opinn fyrir alla áhugamenn
um snóker og pílukast.“ Aðstaðan
hjá félaginu er góð en þar má
finna tvö snókerborð ásamt fylgi-
hlutum. „Einnig erum við með
fimm píluspjöld og stefnum á að
bæta við fleirum.“
Hvernig hafa viðtökurnar
verið á þessu uppátæki þeirra?
„Viðtökurnar hafa verið mjög
góðar. Við höfum þegar haldið eitt
pílumót ásamt því að spilaðir hafa
verið snókerleikir í bikarmótaröð
hjá okkur. Þess fyrir utan höfum
við tekið á móti nokkrum hópum
sem hafa skemmt sér konunglega
í pílu og snóker.“
Allir velkomnir
Þórarinn segir alla velkomna í
hópinn. „Við erum bara nýlega
búnir að opna fyrir skráningu í
klúbbinn en það eru þó nokkrir
búnir að skrá sig. Það er hægt að
hafa samband með því að senda
tölvupóst á snookervm@gmail.
com. Við erum að rukka mjög
hóflegt árgjald en þá fá félags-
menn aðgang að salnum.“ Hann
segir engar kröfur gerðar um getu
eða reynslu til að vera með. „Það
er algjör óþarfi enda viljum við fá
alla með okkur í þetta algjörlega
óháð kyni, aldri eða getu. Þetta er
aðstaða sem er ætluð til þess að
fólk geti æft sig og náð tökum á
þessu sporti, hvort sem það er píla
eða snóker.“
Þórarinn segir eitt og annað
framundan hjá félaginu. „Það
verður nú eitthvað rólegt í sumar
en með haustinu munum við fara
á fullt með allskonar mót bæði
í snóker og pílu. Stefnan er að
ganga í Pílufélag Íslands og þá
verður hægt að taka þátt í mótum
á þeirra vegum sem gefur svo
keppnisrétt á stærri mótum upp
á landi. Einnig er á áætlun hjá
okkur að vera með námskeið í
bæði pílu og snóker þar sem við
munum fá flotta þjálfara til liðs
við okkur.“
Hann hafði þetta að segja að lok-
um. „Við tökum öllum fagnandi,
óháð aldri eða kyni. Klúbburinn er
opinn öllum og fólki er velkomið
að hafa samband við okkur ef
það vill skoða aðstæður eða hefur
einhverjar spurningar.“
Snókerklúbburinn býður líka upp á pílukast
SINDRI ÓLAFSSON
sindri@eyjafrett ir. is