Fréttir - Eyjafréttir - 15.06.2023, Blaðsíða 12
12 | | 15. júní 2023
„Í dag fögnum við lokum 10 ára
skólagöngu þessa hóps sem situr
í salnum með fjölskyldum og
vinum. Komin til að kveðja þau
og um leið að þakka þeim fyrir
samveruna á liðnum árum og óska
þeim alls hins besta í framtíðinni.
Að klára grunnskóla er eitt af
tímamótum í lífi hvers og eins en
dagurinn er ekki endalok einhvers
– heldur miklu fremur tákn um
nýja byrjun, þar sem tækifæri
gefast til að takast á við ný og
verðug verkefni,“ sagði Anna
Rós Hallgrímsdóttir, skólastjóri
Grunnskóla Vestmannaeyja þegar
skólanum var slitið í Höllinni
fimmtudaginn 1. júní sl. Alls
voru 50 nemendur úr tíunda bekk
útskrifaðir.
Anna Rós var ánægð með
hópinn, sagði þau einstaklega vel
heppnuð og foreldrana frábæra.
„Þessi tíu ár í GRV hafa verið
virkilega skemmtileg en oft líka
ansi krefjandi. Þið hafið þroskast
mikið og eigið það sameiginlegt
að vera skemmtileg, kröftug,
vinnusöm, hugmyndarík og góðar
manneskjur. Innan hópsins er
einnig mikill fjölbreytileiki, öflugt
íþróttafólk, listafólk, spekingar,
nemendur sem hafa staðið sig vel
í námi og svo mætti lengi telja.
Hér er ungt fólk sem ég er viss
um að við eigum eftir að sjá mikið
af í framtíðinni.“
Stolt af sínu fólki
Anna Rós sagðist stolt af út-
skriftarnemum, þeir hefðu lagt sig
fram í vetur og skilað eins góðu
verki og þeim var mögulegt. Hóp-
inn sagði hún öflugan, geri kröfur
á sig og aðra. Eftir þrjú skrýtin ár
í Covid hafi síðasta árið verið án
allra takmarkana. „En þið eins og
aðrir nemendur skólans tókust á
við þetta verkefni með ótrúlegri
jákvæðni og dugnaði, sem sýnir
vel hvað í ykkur býr.“
Anna Rós sagði þetta vonandi
eitt lítið skref á skólagöngunni.
Nú væri komið að nemendum að
taka eigin ákvarðanir um stefnu
eða leið í lífinu.
„Það er mikilvægt að muna
það kæru nemendur að það eru
þið sem berið ábyrgð á ykkar
eigin velferð, þið getið ekki verið
stikkfrí og haldið að einhver
annar leysi allt og bjargi öllu og
að það sé öllum öðrum að kenna
ef eitthvað fer úrskeiðis.
Það er í lagi að gera mistök, það
er í lagi að vera mannlegur og vita
kannski ekki hvað maður vill í
lífinu en mikilvægast er að hlusta
GRV Fimmtíu útskrifuðust úr tíunda bekk:
Verið trú sjálfum ykkur
Eltið eigin drauma og verið þið sjálf, sagði Anna Rós skólastjóri
10. ÓS
Frá vinstri - Efsta
röð: Ómar Smári,
Alexander Örn og
Filip. Miðröð: Kristján
Þorgeir, Daníel Emil,
Andri, Ólafur Már,
Kristján Logi, Tómas
Runi og Alexandra
Ósk. Fremsta röð:
Lóa kennari, Emilíana
Erla, Anna Sif, Eva,
Bernódía Sif, Sara
Margrét, Sarah Elia,
Hrafnhildur og Erna
Sólveig.
10. HJ
Frá vinstri - Efsta röð:
Valur Elí og Andri.
Miðröð: Emilía Rós,
Ásdís Halla, Leó Snær,
Elís Þór, Jón Gunnar,
Magnús Gunnar og
Haukur Leó. Fremsta
röð: Selma Rós, Birna
María, Birna Dís, Ásta
Hrönn, Kacper, Teitur
og Hildur kennari.
10. LS
Frá vinstri - Aftari
röð: Damían, Hákon
Tristan, Benóný Þór,
Patrekur Þór, Guð-
mundur, Guðjón Emil
og Sigurður Helgi.
Fremri röð: Inga
Hanna stuðningsfull-
trúi, Lára kennari,
Anna, Rebekka Sól,
Hrafnhildur Sara,
Rebekka Rut, Anna
Sif, Wanessa Julia og
Sigurjón.
Samantekt: ÓMAR GARÐARSSON