Úrval - 01.12.1975, Qupperneq 40

38
Gætið ykkur
r
a
löngu
treflunum
Langir treflar hafa gefið góða raun
gegn hálsbólgu, en á hinn bóginn hafa
þeir stóraukið slysahættu.
5 ára drengur í Danmörku hengd-
ist í langa treflinum sínum, þegar
hann stökk niður af skúrþaki, en
trefillinn kræktist í nagla á leiðinni,
í Svíþjóð hengdust þrjú börn, eitt
árið, í treflunum sínum. Vandamálið
þekkist líka vestan hafs. Læknir
nokkur í Boston hafði afskipti af tíu
slysatilfellum, eitt árið, þar sem trefl-
um var um að kenna, þeir höfðu
festst í lyftu, reiðhjólakeðjum, bíl-
hurðum, strætisvögnum eða hreyfi-
stigum.
Tískan má ekki ráða klæðnaði barn-
anna — það verður að nota hentug,
hættulaus föt.
Annað hættulegt dæmi má nefna
anorakkana. Hugsið ykkur hve varnar-
laust barnið er í umferðinni með hett-
una fast bundna á höfðinu. Bæði út-
sýn og heyrn er stórlega skert. Svo
maður tali nú ekki um úlpuhetturnar
með loðkantinum, sem nær Iangt fram-
yfir andlitið, líkast til þess að vetrar-
veðrin blási ekki framan í viðkom-
andi. Útsýnið út úr þessum hettum
er líkast því að horfa í gegnum rör
og öryggið eftir því.
Pað er hægt að komast hjá vmsum
slysum með því að forðast „hættuleg-
an fatnað“. Pað er nógu slæmt skamm-
degið þótt við leggjum ekki hættunni
lið.