Goðasteinn - 01.09.1964, Side 60

Þórður Tómasson:
Skyggnzt um bekki í byiðasafni - V.
Safnsaga
Byggðasafnið í Skógum er sameign Rangárvallasýslu og Vestur-
Skaftafellssýslu - í tveimur sjálfstæðum deildum þó að skrásetn-
ingu. Skógaskóli hefur fóstrað það og annazt, jafnvel má segja, að
það eigi honum líf að launa. Saga þess byrjaði á sýslufundi Rang-
æinga 1945. Þar átti sr. Jón M. Guðjónsson í Holti frumkvæði að
því, að byggðasafni sýslunnar yrði komið upp. Byggðasafnsnefnd
var þá kosin. Skipuðu hana, auk sr. Jóns, Guðmundur Erlendsson
hreppstjóri á Núpi og Þórður Tómasson í Vallnatúni. Árið 1946
var ísak Eiríksson frá Ási kosinn í hana í stað sr. Jóns, sem þá
varð prestur á Akranesi.
Árið 1952 kusu Vestur-Skaftfellingar í byggðasafnsnefnd þá Jón
Þorsteinsson sýslumannsfulitrúa í Norður-Vík og Óskar Jónsson
bókara í Vík. Sveinn Einarsson á Reyni varð eftirmaður Óskars
í henni. Sýslumenn Rangæinga og Skaftfellinga, þeir Björn Fr.
Björnsson og Jón Kjartansson, veittu þessu máli brautargengi frá
byrjun. Sama er að segja um sýslunefndarmenn.
Söfnun muna í byggðasafnið gekk framar vonum. ísak Eiríksson
annaðist hana um vestanverða Rangárvallasýslu. Þórður Tómasson
safnaði um austurhlutann og Vestur-Skaftafellssýslu. Safnmunum
var komið fyrir í kjallaraherbergi í Skógaskóla 1. des. 1949. Er
það einn merkasti atburður í sögu safnsins. Magnús Gíslason
skólastjóri fagnaði komu þess og greiddi götu þess margvíslega
næstu árin. Brátt varð þetta húsnæði ofskipað munum. Tvö sumur,
1952-54, var safninu komið fyrir í kennslustofum Skógaskóla. Önn-
uðust Magnús skólastjóri, samkennarar hans og fleiri þá vörzlu
58
Goðasteinn