Sjómannablaðið Víkingur - 01.09.2023, Qupperneq 19

rennur atburðarásin út í eitt
og erfitt getur verið að muna
einstaka atburði skýrt. Hver
og einn barðist þarna fyrir lífi
sínu og ein smávægileg mis-
tök gátu kostað missi þess.
Svavar var staddur fremst á
þilfari þegar skipið renndi
upp á flúðina og tókst með
harðfylgi að handlanga sig
eftir vír sem gekk í gegnum
allar dekkstyttur skipsins.
Þarna var um hreina loftfim-
leika að ræða því að í hvert
sinn sem skipið skall niður á
stjórnborðssíðuna þá hékk
hann á vírnum án nokkurrar
fótfestu. Var í raun sem
þvottur á snúru og ekkert
annað undir en ólgandi hafið
og vís dauðinn.
Gúmmíbjargbát komu menn
fyrir borð en hann laskaðist í
meðförum og blés sig ekki
upp nema að hluta. Fimm mannanna
komust fljótt í bátinn sem lá djúpt í, loft-
lítill og hálffullur af sjó. Síðastir um borð
í bátinn voru annar vélstjóri og Svavar
sem hangið hafði á blautum kýrhúðum
sem yfir lunninguna voru breiddar net-
unum til varnar í lagningu. Í barningi við
að ná taki á húðunum sannaðist hið forn-
kveðna að ekki dygðu vettlingatökin. Það
var ekki fyrr en vettlingarnir voru komn-
ir ofan í bússurnar að berhentur náði
Svavar taki á húðunum.
Sjö menn komust um borð í björgunar-
bátinn en þegar hann var laus frá skipinu
tók það enn eina stjórnborðsveltuna og
lagðist afturmastrið ofan á bátinn og
þrykkti honum með mönnunum í niður.
Engan sakaði þó um borð og losnaði bát-
urinn þegar næsta alda reið undir skipið
og rétti það við. Engar árar voru um borð
í björgunarbátnum og urðu skipbrots-
menn að nota hendurnar til að krafla sig
frá skipinu og út úr brimgarðinum
Neyðarblysum skutu þeir á loft og eftir
um klukkustundar veru í björgunarbátn-
um voru þeir teknir um borð í björgunar-
skipið Sæbjörgu sem þá var komið á stað-
inn.
Það er aftur á móti af þeim fjórum að
segja sem eftir voru um borð að Ingólfi
Reynalds vélstjóra tókst það ótrúlega að
synda í land með taug sem hinir gátu
handlangað sig eftir í upp í fjöru. Úr fjöru
náðu mennirnir þreyttir og illa haldnir í
Reykjanesvita
ENN ER HUGURINN VIÐ SJÓINN
Strandið hafði lítil áhrif á Svavar sem fór
í róður á Hrafni Sveinbjarnarsyni á öðr-
um degi eftir strandið. Þaðan lá leið hans
um borð í Vörð TH-4 þar sem einn háset-
inn þar hafði farið á jarðarför bróður síns
sem lést í blóma lífsins í hörmulegu flug-
slysi á Öxnadalsheiði 29. mars 1958.
Hlaupið hefur verið yfir æviferil Svavars í
þeim tilgangi að varpa ljósi á líf manna
sem gerðu sjómennskuna að ævistarfi um
miðja síðustu öld. Allir eiga þeir það
sammerkt að hafa tiplað á hengibrún þess
sem líkamlegu atgervi er mögulegt. Þar er
Svavar engin undantekning en sker sig ef
til vill úr vegna þess hversu oft hann hef-
ur með góðum árangri dansað á línu
þeirri sem liggur á milli lífs og dauða.
Lengst af bjó Svavar á Grenivík en er nú
fluttur til Akureyrar. Sex börn skilur
hann eftir á jörðu hér með aðstoð þriggja
kvenna. Þótt líkamlegt atgefi Svavar heyri
nú sögunni til þá er hugur hans er enn
við sjóinn. Utandyra er hann að finna við
höfnina í Sandgerðisbót eða á Greni-
víkurbryggju.
Á Von TH lenti Svavar í miklum sjávarháska snemma vors 1958 þegar báturinn strandaði út af Reykjanesi.
HÖNNUN
&PRENTUN
Á HINU OG ÞESSU
900 Vestmannaeyjar // Vestmannabraut 38
leturstofan@leturstofan.is // s. 481 1161
Setjum upp og seljum auglýsingar í blöð fyrir
hina ýmsu einstaklinga og félagasamtök t.a.m.
• Afsláttarbók LEB • LEB blaðið
• Sjómannadagsblað Vestmannaeyja
• Þjóðhátíðarblað Vestmannaeyja
• Sjómannablaðið Víkingur
• Heima er bezt • VM blaðið
• Blað Rafiðnaðarsambandsins
• Tímaritið Úti • Vikublaðið Tígull
/leturstofan /leturstofan