Sjómannablaðið Víkingur - 01.09.2023, Qupperneq 33

Sá eini sem var nokkurn veginn með réttu
ráði var Daninn Taning Madsen, roskinn
háseti, sem búsettur er í Grimsby. Hann
segist munu bera það við sjópróf, að skip-
stjórinn, David Venney, hafi ekki verið alls
gáður og langt frá því.
FLUTTIR TIL ÍSAFJARÐAR
Skipbrotsmenn voru fluttir að Heimabæ í
Arnardal, til Marvins bónda Kjarvals. Þar
hafa þau hjónin og heimafólk allt reynt að
hlynna að þeim eftir föngum, fært þá í
þurran fatnað og veitt þeim beina. Skip-
brotsmenn hafa svo verið fluttir til Ísa-
fjarðar og komið fyrir á gistiheimili Hjálp-
ræðishersins. Sá naflaslitni var fluttur í
sjúkrahús. Skipbrotsmenn voru allir farnir
frá Heimabæ um kl. 23.30.
MUNU FREISTA AÐ
NÁ SKIPSTJÓRANUM
Slysavarnadeildin og skátasveitin eru enn
á strandstaðnum. En mjög hratt fellur og
hafa þeir orðið að flytja tæki sín ofar í fjör-
una. Einhverjir þeirra munu halda kyrru
fyrir á strandstað í nótt og freista þess að
ná skipstjóranum.
Allir björgunarmenn eru orðnir blautir og
illa til reika, enda hafa þeir staðið í fjör-
unni í misjöfnu veðri. Einhverjir munu
sennilega fara til Ísafjarðar til að fá þurran
fatnað og trúlega skiptast á að vera á
strandstaðnum í nótt.
Skafrenningur hefur verið í hlíðinni hér og
vegurinn út í Arnardal frá Ísafirði er þung-
fær og hafa ýtur enn þurft að ryðja hann.
Brezku togararnir og vélbáturinn Þórveig
fóru fyrr í kvöld aftur inn til hafnar á Ísa-
firði.
Margir bílar fóru á strandstaðinn og Iýstu
hann upp.
Allir hafa lagt sig fram við björgunarstarfið
og sömuleiðis heimafólkið að Heimabæ,
enda voru skipbrotsmenn mjög þakklátir
fyrir hjálpina.“
Morgunblaðið 23. desember 1966
Morgunblaðið birti þetta kort með frásögn
Högna Torfasonar og merkti með krossi strandstað
togarans.
Í töflunni koma fram helstu upplýsingar um síðustu 11 síðutogarana í eigu Íslendinga. Ef meðaltölin eru
skoðuð kemur fram að þessi skip voru að meðaltali bara ögn stærri en nýsköpunartogararnir, að frá töldu
afli aðalvélanna sem var um 50% meira.
Í töflunni kemur fram frá hvaða löndum við keyptum síðutogarana okkar, alls 135, á árabilinu 1906-1971
eða á um 67 árum. Flestir komu frá Englandi eða 77. Síðan kemur Skotland með 28 skip.
Í töflunni kemur fram á hvaða árabilum skipin koma til landsins, hve langt hvert þeirra er ásamt fjölda
skipa í hverju þeirra og hvernig þau skiptast eftir umdæmum bæði í fjölda og %. Í síðustu línunni eru
tímabilin þrjú tekin saman. Þar koma yfirburðir Reykjavíkur glöggt í ljós með 85 skip eða 63% af heildar-
fjölda þeirra.