Fjarðarfréttir - 04.07.2024, Side 2

2 www.fjardarfrettir.is FJARÐARFRÉTTIR | FIMMTUDAGUR 4. JÚLÍ 2024
Það hefur verið heilmikið að
rífast yfir þessa dagana.
Metnaðarfull áform Carbfix um
að dæla niður koldíoxíði niður í
hraunið skammt frá byggð í
Hafnarfirði er þar líklega efst á
blaði en einnig eru skiptar
skoðanir um áform um virkjanir í
Krýsuvík þó það fái ekki eins mikla umræðu,
líklega vegna fjarlægðar. Svo má ekki gleyma
hörðum mótmælum íbúa í Áslandi 3 sem vilja ekki
litla grenndarstöð í hverfið sitt. Reyndar hefur
íbúum í hverfinu orðið nokkuð ágengt í mótmælum,
náðu að hindra að Ásvallabrautin yrði lögð skv.
skipulagi, en þá hefðu deilurnar um grenndarstöðina
reyndar aldrei orðið til, og svo náðu þeir að loka á
íbúa í Skógarási með mótmælum, en Skógarásinn
átti reyndar alltaf að tilheyra Áslandi 3.
En af hverju þessar deilur? Voru málefnin ekki
kynnt og kallað eftir athugasemdum? Jú, reyndar en
samt kemur fólk af fjöllum og sumir höfðu aldrei
heyrt af Coda Terminal verkefninu fyrr en núna
síðustu daga þrátt fyrir gríðarlega umræðu og
kynningu.
Oft má kenna lélegri kynningu um, t.d. þegar
fundir eru aðeins auglýstir í Mogganum og á
Facebook tveimur tímum fyrir fund. Oft er í raun
búið að ákveða hvað á að gera þegar mál eru kynnt
og þá er alveg sama hvað íbúar segja, oftast er ekki
tekið mark á athugasemdum þeirra.
En það má líka kenna áhugaleysi íbúa um þegar
málefni er í umræðu. Það er eins og fólk vakni fyrst
þegar farið er að safna undirskriftum til að mótmæla
og enginn vill neitt í sínu hverfi sem truflað geti
tilveruna.
En einhvers staðar er sannleikurinn þarna á milli
og ábyrgðin er sveitarfélagsins að gera aðgengi að
upplýsingum gott og þannig að almenningur þurfi
ekki að lúslesa langar skýrslur til að fá yfirsýn yfir
áætlanir. Njótum sumarsins!
Guðni Gíslason ritstjóri.
leiðarinn
Útgefandi: Hönnunarhúsið ehf. kt. 450106-1350
Ritstjóri og ábyrgðarmaður: Guðni Gíslason
Ritstjórn og auglýsingar: 896 4613
fjardarfrettir@fjardarfrettir.is
Prentun: Ísafoldarprentsmiðja • Dreifing: Póstdreifing
ISSN 2298-8858 Vefútgáfa: ISSN 2298-8866
www.fjardarfrettir.is
www.facebook.com/fjardarfrettir.is
Hönnunarhúsið ehf., Bæjarhrauni 2, 220 Hafnarfirði
HÓLSHRAUNI 2 | 555 3325
millihrauna.is | facebook.com/MilliHrauna
MILLI HRAUNA
HEIMILISMATUR Í HÁDEGINU
OPIÐ VIRKA DAGA
KL. 11-13:30
Sæktu fyrir snjallsíma!
fyrir iPhone og Android
GJÖF TIL ÞÍN
APPIÐ
Fiðurfé og fleiri furðuverur var yfirskrift fjöl­
skyldutónleika í Hafnarborg sl. föstudag.
Voru tónleikarnir hluti af Sönghátíð í Hafnarborg
þar sem 6­12 ára börn sem höfðu verið alla vikuna á
söngsmiðju og mynd listarnámskeiði sýndu hvað í
þeim bjó.
Hallveig Rúnarsdóttir, sópransöngkona og Jón
Svavar Jósefsson, barítónsöngvari sungu ýmis
barnalög og gamanvísur með miklum leikrænum
tilburðum. Lék Hrönn Þráinsdóttir með þeim á píanó.
Fóru þau Hallveig og Jón Svavar í hin ýmsu gervi
og börnin létu sitt ekki eftir liggja og settu á sig grímur
sem þau höfðu sjálf gert.
Fiðurfé og fleiri furðuverur
á sönghátíð í Hafnarborg
Þarna léku tveir afburða söngvarar á alls oddi og
brugðu sér í ýmis gervi.
Krakkarnir höfðu meðal annars útbúið kisugrímur
og auðvitað var sungið um kisu.
Lj
ós
m
.:
G
uð
ni
G
ís
la
so
n
Lj
ós
m
.:
G
uð
ni
G
ís
la
so
n
Lj
ós
m
.:
G
uð
ni
G
ís
la
so
n