Bergmál - 01.08.1955, Page 23

Bergmál
1 9 5 5 ------------------------
lega. „Ég myndi blygðast mín
fyrir að standa í þínum sporum.
En, því miður verður ekkert við
þessu gert. Taktu þessa helvítis
ávísun og éttu hana.“
Granger og Ransom horfðu
báðir jafn undrandi á Bunn, er
hann reif ávísunina í smátætlur
og fleygði þeim í andlit svikar-
ans. Því næst stikaði hann út úr
skrifstofunni og Slim fast á
hæla honum.
Þegar þeir komu út á götuna,
sagði Slim all-gramur. „Þú varst
mér þarfur, Bunn, eða hitt þó
heldur.“
Gamli maðurinn klappaði
hughreystandi á herðar hans.
„Það er von að þú sért reiður,
Slim,“ sagði hann. „í dag, eða
kannske á morgun, leggur Ben
aftur inn á reikning sinn í bank-
anum. Hann má til að gera það,
vegna víðtækra viðskipta sinna.
Og þá ferð þú og framvísar þinni
ávísun, sem þú færð greidda
orðalaust.“
Hann dró samanbrotna ávísun
upp úr vestisvasa sínum.
„Ég þorði ekki að trúa þér
fyrir leyndarmálinu. Var ekki
viss um hve góður leikari þú
værir. En ef að Ben hefði litið
svolítið nánar á ávísunina, sem
ég reif í tætlur, þá má vera að
hann hefði getað séð, að það
var aðeins sæmileg eftirlíking,“
sagði hann. „Ég sat yfir því
langt fram á kvöld í gærkvöldi
að afrita hana. Farðu nú og
kauptu búgarðinn og segðu
Mary Lou.“ ★
Frú ein hugðist halda veizlu og
meðal annars sendi hún boðskort ung-
um lækni, sem nýskeð hafði sezt að í
þorpinu. Hún fékk skriflegt svar frá
lækninum, en skriftin var þannig að
hvorki frúin né maður hennar gátu
lesið eitt einasta orð.
„Ég má til að fá að vita hvort lækn-
irinn ætlar að koma til okkar eða
ekki,“ sagði frúin við mann sinn.
„Farðu þá út í apótekið og biddu
lyfsalann að lesa þetta fyrir okkur.
Hann getur lesið skrift læknanna,"
svaraði maðurinn.
Þegar frúin kom í apótekið tók lyf-
salinn við miðanum og leit á hann,
síðan hvarf hann inn í bakherbergi og
kom að vörmu spori aftur með dá-
lítið glas, sem innihélt rauðleitan
vökva.
„Gjörið þér svo vel, frú. Þetta verða
25 krónur.“
★
Það er mesti misskilningur að
konur vilji láta meðhöndla sig sem
engla. Þær vilja einmitt láta með-
höndla sig eins og manneskjur.
(Corbett-Smith).
★
21