Goðasteinn - 01.09.2008, Qupperneq 30

Goðasteinn 2008
Guðríður Eva Þórarinsdóttir frá
Reykjadal
Sunnlendingurinn
Fjalla-Eyvindur
Fjalla-Eyvindur er án efa einn frægasti og ógæfusamasti Sunnlendingur sem sögur
fara af. Það sem helst gerir hann jafn merkilegan og raun ber vitni er að hann lifði
í útlegð og sem sauðaþjófúr í nærri 40 ár.
Heimildir um líf Fjalla-Eyvindar eru frekar á huldu vegna þess að rúmlega
hundrað ár liðu frá því að hann flúði Hrunamannahrepp, heimabyggð sína, og þar
til byrjað var að skrifa um hann. Heimildir eru líka misáreiðanlegar þar sem flestar
eru sprottnar af munnmælasögum sem borist hafa milli manna og mótast af því.
Einnig af þeirri staðreynd að Eyvindur var ávallt á flótta og utan við samfélag
annama manna og er ekki alltaf vitað með vissu hvar hann dvaldi eða aðhafðist.
Það var ætlun Eyvindar að vera í felum og vegna þess að honum tókst það svo vel
í öll þessi ár er erfítt að segja nákvæmlega til um hvað hann gerði á meðan.
Síðari tíma frægð Eyvindar má helst sjá á verki Matthíasar Jochumssonar um
Utilegumennina sem síðar hlaut nafnið Skugga-Sveinn. Vel má sjá að Matthías
hefur haft Fjalla-Eyvind í huga við ritun þess. Jóhann Sigurjónsson samdi einnig
leikritið Fja/la-Eyvind sem jók enn á frægð hans.
Fjalla-Eyvindur er úr Hrunamannhreppi og er ætlunin með þessum skrifum að
skoða tengsl hans við hreppinn og nágrenni hans þó aðeins verði farið út fyrir
heimahagana. Gaman verður að skoða og sjá hvaða áhrif Fjalla-Eyvindur hafði á
Hreppamenn og hefur jafnvel enn. Hefur það einhverja sérstaka merkingu fyrir
okkur Hreppamenn að svo sérstakur maður skuli vera úr hreppnum okkar og vera
jafnvel forfaðir eða frændi margra sem þar búa?
28