Goðasteinn - 01.09.2008, Page 34

Goðasteinn 2008
Síðan fór hann að Traðarholti í Flóa en ekki er vitað fyrir víst hvaða stöðu hann
hafði á bænum, hvort hann var húsráðandi eða einungis til heimilis og stundaði
smíðar. Þóra hét heimasætan og þegar hún varð ólétt eftir Eyvind kröfðust
foreldrar hennar þess að hann giftist henni. Það var ekki á stefnuskrá Eyvindar og
stuttu eftir að Þóra fæddi dóttur sína hvarf Eyvindur frá Traðarholti með hross sín
og eignir og kom aldrei þangað aftur. Þetta fínnst mér sýna vel hve heitt Eyvindur
elskaði í raun Guðrúnu æskuást sína. Hann gat ekki enn hugsað sér að giftast
annarri konu þó svo hann ætti með henni bam. Það verður því að teljast
mannvonska og grimmd að stía þeim svona í sundur, sérstaklega þar sem Guðrún
varð ólétt eftir Eyvind og það var ósk þeirra beggja að fá að vera saman.
Um svipað leyti og Eyvindur hvarf frá Traðarholti spruttu upp þær sögur að
hann hefði verið stelandi þar í kring. Líklegast er samt að þær sögur hafi verið
uppspunnar af heimafólki svo að auveldara yrði að fá sýslumann til að draga hann
nauðugan heim, heldur en vegna bams sem hann vildi engin afskipti hafa af. Þetta
þykir sérstaklega grunsamlegt þar sem aldrei var gefið upp hverju Eyvindur átti að
hafa stolið og í rauninni barst aldrei almennileg kæra á hendur honum. Ekki er
samt hægt að sanna með vissu hvað varð til þess að Eyvindur flúði Traðarholt í
júlímánuði árið 1745. En eitt er víst að hann átti ekki að fá að sleppa við að axla
ábyrgð á baminu sem hann og Þóra áttu saman.
Eftir Traðarholt
Árið 1746 var Eyvindur eftirlýstur vegna gruns um þjófnað en eins og áður kom
fram þá var ekki getið um hvað það var sem hann átti að hafa stolið. Eftir að
Eyvindur hvarf frá Traðarholti barst hann vestur á Firði og þykir líklegt að hann
hafí leitað skjóls hjá fyrrum sveitunga sínum úr Hrunamannahreppi, séra Berg-
sveini Hafliðasyni. Bergsveinn var frá Hrepphólum en var nú prestur á Stað í
Súgandafírði.
Líklega lágu leiðir Höllu og Eyvindar fyrst saman í Súgandafirði. Höllu var
ekki lýst sem geðþekkri manneskju eins og Eyvindi. Hún var dökk í andliti,
brúnaþung, með dökkt hár, svipill og ógeðsleg, geðstirð og mikil afbrotakona.
Nokkrum ámm eftir að Eyvindur var hjá Bergsveini var hann kominn á Hom-
strandir, farinn að búa og kvæntur Höllu. Eyvindur vissi að öllum líkindum ekki
sjálfur að hann væri eftirlýstur því hann gekk undir réttu nafni enda hafði hann
enga ástæðu til að búast við því ef hann hafði ekkert gert af sér nema bamað konu.
Seinna þótti honum oft hentugara að nota önnur nöfn. Þegar Eyvindur kom á
Homstrandir settist hann fyrst að hjá Höllu sem vinnumaður. Bærinn sjálfur var í
niðumíðslu en Eyvindur byggði hann upp.
32