Goðasteinn - 01.09.2008, Page 62

Goðasteinn 2008
Sigurbjartur átti alltaf auðvelt með nám á skólaárum sínum. Hann var alltaf
með þeim hæstu ef ekki hæstur. Það þurfti lítið að hjálpa honum því hann gerði
þetta allt sjálfur og gerði það vel eins og allt sem hann tók sér fyrir hendur. Hann
fór að vinna í versluninni hjá Friðriki fósturföður sínum og þar lærði hann
ýmislegt. En það var þó eitt sem hann lærði þar sem átti eftir að koma honum og
Þykkbæingum öllum til góðs. Maður að nafni Magnús Sigurlásson starfaði einnig
í búðinni. Hann hafði lært bókhald í Háskóla Islands áður en hann kom í
Þykkvabæinn sem tengdasonur Friðriks. Hann kenndi Sigurbjarti grunnatriðin í
bókhaldi og eftir það hljóp hann milli bæja til að aðstoða fólk við skattframtölin.
Hann sat aldrei aðgerðalaus. Hann var alltaf að vinna við einhver verkefni.
Ég man eftir því þegar að ég fór með langafa að Sólbakka í Þykkvabæ og sá
hann vera að vesenast með einhver blöð. Ég var svo ungur að ég hafði ekki hug-
mynd um hvers vegna hann var að fletta þessum blaðsíðum fram og til baka. Ég
man hvað alltaf var tekið vel á móti langafa hvert sem hann fór. Hann var alls-
staðar velkominn. Fólk fékk hann ekki aðeins til að hjálpa sér við skattframtölin
heldur var hann oft fenginn til að aðstoða við að leysa ýmis vandamál sem upp
komu á bæjunum, mál sem tengdust vélum, hreppsmálum eða jafnvel heimilis-
erjum sem honum var falið að leysa. Osjaldan var hann fenginn til að aðstoða
skepnur við burð en hann var einkar laginn við slíkt. Gilti þá einu hvort um var að
ræða kindur, kýr eða hross.
Bóndi ungur að aldri
Þegar hann var 22 ára tók hann við búinu í Hávarðarkoti en þá var Hávarðarkot
almennt bú með kúm, kindum og hrossum. Fósturforeldrar hans voni komnir á
efri ár og áttu erfitt með að sjá um búið en bjuggu þrátt fyrir það ennþá hjá þeim.8
KartöUurækt hófst ekki í Þykkvabænum fyrr en um 1950 og var Sigurbjartur
með þeim fyrstu sem settu niður kartöUur. Arið 1953 voru svo Uestallir komnir í
kartöUuræktun í Þykkvabænum en þetta sama ár fengu Þykkbæingar að kynnast
myglu. Um haustið þegar farið var að taka upp var uppskeran mjög mikil og mikil
bjartsýni ríkti. En fljótlega eftir að kartöflurnar voru komnar í geymslu fóru þær
að skemmast. Það var þá mygla sem hafði komist í kartöflurnar. Þetta átti eftir að
koma sér illa fyrir bændur enda margir að taka upp í fýrsta skipti og reyndi þetta
mikið á þolinmæðina.9 Enn þann dag í dag er lyfjum úðað gegn myglu og fleiru
sem getur skaðað kartöflurnar. Sigurbjartur átti fyrstu sjálfvirku niðursetningar-
vélina sem kom í Þykkvabæinn og er það gott dæmi um framsýni hans.
Fljótlega eftir að sjónvaipið kom í Þykkvabæinn vildi svo til að hann horfði á
þáttinn Nýjasta tækni og vísindi. Þar sá hann alveg nýja gerð af vél til að setja
niður kartöflur. Setti hún bæði útsæði og áburð niður í sömu ferð með afköstum
60