Goðasteinn - 01.09.2008, Side 72

Goðasteinn 2008
og íbúarnir um 500. Árið 1997 var íbúafjöldinn orðinn rúmlega 600 og þann 1.
desember s.l. voru íbúar á Hellu 753.
Samgöngur
Það hefur margt breyst á þessum árum. Samgöngur hafa lengi verið okkur
hugleiknar og hafa breyst mikið. Brú var fyrst byggð yfír Ytri-Rangá 1912 og svo
aftur 1963. Vegurinn til Reykjavíkur hefur fyrir löngu síðan verið bundinn slitlagi
og nú er verið að undirbúa tvöföldun vegarins. Vegirnir í sveitunum eru líka í
hraðri uppbyggingu.
Fyrsti vöruflutningabíllinn sem Þorsteinn Björnsson keypti nýjan var Dodge
1929 26,9 hestöfl og fékk hann skráningarnúmerið RÁ 17. Annan eldri bíl átti
hann fyrir. Nú eru flutningabílar um 500 hestöfl og geta borið með tengivagni um
30 tonn. Mér er ti! efs að Þorsteinn hafí nokkru sinni átt 30 tonn af vamingi í
búðinni sinni.
Skólinn
Menntun var mjög af skornum skammti á þessum tíma. Ekkert skólahús var til.
Farandkennarar fóm milli bæja að segja krökkum til. Árið 1933 var byggður skóli
á Strönd fyrir Rangárvallahrepp. Bamakennsla hófst síðan á Hellu 1958 og var
fyrsti skólastjóri Þórður Loftsson. Skóli var síðan byggður á Hellu upp úr 1960.
Tvisvar hefur síðan verið byggt við skólann og sveitarstjórn áformar að leggja 300
milljónir í skólabyggingar á næstu þremur ámm. Einnig er verið að knýja á um
það að byggður verði framhaldsskóli í Rangárvallasýslu og sveitarfélögin í sýsl-
unni hafa komið sér saman um að hann verði á Hellu. Menntamálaráðherra hefur
tekið vel í þessa málaleitan okkar.
Börnin okkar
Leikskóli kom ekki á Hellu fyrr en upp úr 1970. Krakkamir höfðu gjarnan ofan af
hvert fyrir öðru, fyrir þann tíma. Og það var nú með ýmsu móti. Stundum voru
framin einhver prakkarastrik. Og refsingin fyrir prakkarastrik var til dæmis að
vera nuddaðir í kinnamar með skeggrót starfsmannanna í Kaupfélaginu. Sumir
þessara manna voru með eftirminnilegri skeggrót en aðrir. Stundum voru krakkar
settir í stóra pappakassa á lagemum í Kaupfélaginu og látnir skammast sín þar í
einhverja stund.
70