Goðasteinn - 01.09.2008, Side 74

Goðasteinn 2008
En það eru góðir tímar og framtíðin er björt. Þessi 80 ár sem Hella hefur verið
að vaxa og dafna, eru mestu hagvaxtarár Islandssögunnar.
Ég sagði í upphafi máls míns að Island hefði verið eitt fátækasta ríki Evrópu
fyrir 80 árum. Hvar erum við stödd nú? A Islandi er mesta hagsæld í Evrópu að
mati Þróunarstofnunar Sameinuðu þjóðanna. Hver er skýringin á þessu? Það er
auðvitað íyrst og fremst dugnaður og þrautseigja okkar sjálfra sem búum á
Islandi.
Það er hlutverk okkar fólksins sem búum hér núna að vinna áfram að fram-
förum fyrir Hellu og samfélagið okkar. Það er okkar að sjá þau tækifæri sem eru
til staðar hverju sinni og þau eru mörg því hér drýpur smjör af hverju strái. En það
er ekki nóg að sjá tækifærin eða vita af þeim, það þarf líka kjark, áræði og þor til
að koma hugmyndum í framkvæmd.
Við skulum taka undir með Þorsteini Björnssyni að hér er fegurð mikil og Ytri-
Rangá falleg. Auk þess er hún orðin full af silfruðum laxi öll sumur.
Við eigum líka frjósamt land og einn fallegasta fjallahring veraldar með Heklu
í öndvegi.
Hvað er framundan?
Framundan eru stórverk á vegum ríkisins með virkjun neðri hluta Þjórsár og
uppbyggingu hafnarmannvirkja í Bakkafjöru í Landeyjum.
A Gaddstaðaflötum er verið að byggja 2.500 fermetra reiðhöll. Hér verður
landsmót hestamanna í sumar og einnig verður haldin landbúnaðarsýning í tilefni
100 ára afmælis Búnaðarsambands Suðurlands.
Þessum verkum öllum munu mörg tækifæri fylgja. Unga fólkið þarf því engu
að kvíða og gaman verður að sjá hvemig sú kynslóð verður búin að búa í haginn
fýrir okkur öll til framtíðar á 100 ára afmæli Hellu eftir 20 ár.
72