Goðasteinn - 01.09.2008, Qupperneq 183

Goðasteinn 2008
Holtamannabók
Holtamannabók II — Ásahreppur, sem Qallar um ættir ábúenda, sögu byggðar og
eignarhald jarða í sveitarfélaginu kom út í byrjun aðventu. Bókin er skráð af
Ragnari Böðvarssyni og Þorgils Jónassyni en þeir byggðu einnig á frumdrögum af
verkinu sem unnin voru af Valgeiri Sigurðssyni.
Skipulagsmál
Nýtt embætti skipulags og byggingarfulltrúa Rangárþings bs. var stofnað með
aðild allra sveitarfélaganna þriggja í Rangárvallasýslu. Aðsetur embættisins er á
Hvolsvelli þar sem afgeiðsla er opin alla daga vikunnar. Skipulags- og byggingar-
fulltrúi var ráðinn Rúnar Guðmundsson en honum til aðstoðar eru þau Árni Þor-
gilsson og Ingibjörg Gunnarsdóttir.
í Króki hafa verið skipulögð 10 býli og lagðir vegir um svæðið til þess að
tengja væntanlega byggð þar. í Hellatúni I hefur auk íbúarbyggðar verið skipulög
ný sumarhúsabyggð.
Vatnsveita
Nú eru til skoðunar framkvæmdir á vegum Vatnsveitu Rangárþings ytra og
Ásahrepps sem gera ráð fyrir virkjun vatnslindar við Kerauga. Framkvæmdin
tryggir öruggari vatnsmiðlun og gefur auk þess möguleika á sölu á vatni til
Flóahrepps en formlega hefur verið óskað eftir skoðun á þeim möguleika.
Vatnaj ökulsþj óðgarður
I mars var samþykkt á Alþingi fmmvarp sem gerir ráð fýrir stofnun þjóðgarðs á
Vatnajökli. Vesturhluti þess svæðis tekur til austasta hluta Holtamannaafréttar, frá
Vonarskarði og suður fyrir Jökulheima og því stjórnsýslusvæðis Ásahrepps.
Reikna má með að sú umföllun sem svæðið fær auki enn á ferðamannastraum og
geri rekstaraðilum á svæðinu jafnvel fært að framleiða undir merki garðsins eða
að nýta sér þá auknu umíjöllun sem svæðið fær til aukinnar uppbyggingar. Ráðið
verður í stöður landvarða bæði í Hrauneyjum og í Nýjadal strax sumarið 2008.
Hitaveita
Unnið var áfram samkvæmt samningi við Orkuveitu Reykjavíkur að lagningu
hitaveitu um Ásahrepp. Sverun lagnar frá Hagabraut að Sumarliðabæ lauk á árinu
181