Goðasteinn - 01.09.2008, Síða 188

Goðasteinn 2008
Rangárþing eystra
Árið 2007 var viðburðaríkt hér í Rangárþingi eystra. Á fundi sveitarstjórnar 28.
desember 2006 var lögð fram og samþykkt stefnumótun sveitarfélagsins undir
heitinu: „Framtíðarsýn og meginverkefni Rangárþings eystra 2006-2010“ en þar
kemur frarn sú stefna sem fylgt verður á kjörtímabilinu. Skjalið má nálgast á
heimasíðu sveitarfélagsins og hvet ég íbúa sveitarfélagsins til að kynna sér efni
þess og þau meginverkefni sem unnið verður að næstu misseri. Á árinu var tekin í
notkun ný heimasíða sveitarfélagsins. Markmiðið var að gera þægiiegri, aðgengi-
legri og notendavænni heimasíðu. Slóðin á heimasíðuna er www. rangarthing-
eystra.is.
Á árinu fjölgaði íbúum sveitarfélagsins um 47 eða 2,8% sem er nokkuð vel yfír
landsmeðaltali.
Leikskólinn
Leikskólinn Örk er 5 deilda leikskóli en í honum voru á árinu um 90 börn. Eyrún
Ósk Sigurðardóttir hætti sem leikskólastjóri og er henni enn og aftur þakkað fyrir
vel unnin störf. Heiða Björg Scheving tók við stöðu leikskólastjóra í júní en hún
útskrifaðist með B.Ed.-gráðu frá KHÍ 1999 og mannauðsstjórnun frá EHÍ 2003.
Sveitarstjórn Rangárþings eystra leggur áherslu á að halda áfram því góða starfi
sem unnið er á leikskólanum, auka menntun starfsmanna, bæta núverandi húsnæði
og lóð leikskólans, huga að framtíðarstaðsetningu nýs leikskóla og helja bygginu
hans á síðari hluta kjörtímabilsins. Ljóst er að mikill hugur er í stjórnendum og
starfsmönnum leikskólans og ánægjulegt að finna fyrir þeim mikla metnaði sem
þar ríkir til þess að búa börnum okkar sem best veganesti út í lífið. íbúar
sveitarfélagsins eru hvattir til að kynna sér starfsáætlun leikskólans starfsárið
2007-2008 sem er aðgengileg á heimasíðu leikskólans www.leikskolinn. is/orlc/.
BrightStart verkefninu hefur verið haldið áfram en því er ætlað að tengja betur
saman leik- og grunnskóla. Sveitarstjórn leggur áherslu á að öll 5 ára böm komi
inn í leikskólann og taki þátt í fræðslunni. Til að auðvelda aðgengi að leik-
skólanum ákvað sveitarstjórn að bjóða 5 ára börnum úr dreifbýli skólaakstur á
Tónaland frá 1. september 2007- 1. júní 2008. Um er að ræða tilraunaverkefni og
verður árangur þess og framhaldið metið að þeim tíma liðnum.
186