Goðasteinn - 01.09.2008, Qupperneq 218

Goðasteinn 2008
ákvörðun að gefa þeim telpuna. Nokkru síðar skildu Aðalheiður og
Einar en telpan fylgdi Aðalheiði. Síðar giftist hún Magnúsi Árnasyni
múrarameistara í Reykjavík sem gekk Ásdísi í föðurstað. Þessi
ákvörðun Guðlaugar og Sæmundar hefur verulega tekið á en mér
finnst hún lýsa Guðlaugu vel. Hún var einhvem veginn þeirrar gerðar
að vilja gera öllum gott til, það var ekkert nógu gott fyrir aðra, þótt
henni fyndist hið sama of gott fyrir sig. Hún lét sjálfa sig mæta
afgangi þegar til gæðanna kom en stóð í fararbroddi þegar til skyldu
og verka var tekið. Þess má geta að Aðalheiður eignaðist dóttur,
Guðrúnu, með Magnúsi manni sínum, þá 46 ára gömul, þannig að
Ásdís á enn eina systurina.
Annars er sú saga fleyg hér um slóðir og miklu víðar að þegar næst-
yngsta dóttirin fæddist hafi fólk í sveitinni verið að ræða það sín á
milli hvort nú hafi fæðst strákur á Heylæk. Sæmundur bóndi sem var
þónokkur grallari þegar sá gállinn var á honum hóf að tilkynna hverj-
um sem það vildi heyra að nú væri sonur kominn á Heylæk og sam-
fögnuðu sveitungar syninum innilega, þangað til hann sagði það vera
Ferguson og það af fínustu gerð.
Þegar elstu dætumar í Fljótsdal voru komnar á skólaaldur fannst
þeim Guðlaugu og Sæmundi nauðsyn á að flytja sig á hentugri stað,
því erfitt gat reynst að komast að og frá Fljótsdal og um langan veg að
fara í skólann. Þetta var auðvitað á þeim árum sem Fljótið beljaði
nánast óbeislað neðan við Fljótsdalsbæinn. Það varð því að ráði að þau
festu kaup á Heylæk 1 árið 1946 hvar þau bjuggu til ársins 1975 er
þau brugðu búi og fluttu út á Hvolsvöll.
Árið 1985 flutti Guðlaug í fallegar vistarverur á dvalarheimilinu
Kirkjuhvoli á Hvolsvelli þar sem hún bjó til dauðadags. Þar naut hún
hlýju og góðrar umönnunar starfsfólks sem hér og nú skal þakkað.
Hún átti við nokkur veikindi að stríða undanfarin tvö misseri en hún
lést 24. júní 2007. Utför hennar fór fram frá Hlíðarendakirkju 30. júní
2007.
Sr. Ommdur Björnsson
216