Goðasteinn - 01.09.2008, Síða 220

Goðasteinn 2008
hennar, traust sem hún miðlaði til þeirra er birtist í áframhaldandi
traustu sambandi íjölskyldunnar. Þessa nutu sömuleiðis bamabörn
hennar, hún var amma en um leið traust vinkona sem þau áttu náið
samband við.
Árið 1990, 13. júlí, varð Guðlaug ekkja við andlát Sigurjóns Karls.
Árið eftir fluttist hún að Kirkjuhvoli á Hvolsvelli. Þar gat hún haldið
reisn sinni og sinnt um sig sjálfa. Á Kirkjuhvoli var henni vel tekið og
eignaðist hún þar góðar vinkonur, vináttusambönd sem henni var annt
um og reyndust henni vel. Fram undir nírætt prjónaði hún og fann
dugnaði sínum farveg en síðari ár hrakaði heilsu hennar og þegar hún
var komin að níræðu fluttist hún að Hjúkrunar- og dvalarheimilinu
Lundi á Hellu. Guðlaug lést á Lundi 29. apríl 2007, útför hennar var
gerð frá Fossvogskirkju 8. maí.
Sr. Guðbjörg Arnardóttir
Guðmimdur Halldórsson, Haga í Holtum
Guðmundur Halldórsson var fæddur þann 16.
okt. 1931 í Kvíarholti. Foreldrar hans voru
hjónin Halldór Guðbrandsson bóndi þar og
síðar í Haga og Jósabet Katrín Guðmundsdóttir
frá Minni-Garði í Dýrafirði. Hann var fjórði í
röð sex systkina er upp komust en þau eru
Anna, Páll, Eyjólfur, Daníel og Lilja. Hann ólst
upp í Kvíarholti til 10 ára aldurs en þá fluttust
foreldrar hans að Haga.
Guðmundi gafst ekki tækifæri til mennta fremur en svo mörgum
jafnöldrum þó hugur hans stæði til þess. Raunin varð sú að hann tók
við föðurleifð sinni og gerðist bóndi eins og forfeður sínir, því faðir
hans lést þegar Guðmundur var 19 ára og þá tók hann við búskapnum
með móður sinni og bjó með henni þar til hann steig það gæfuspor að
kvænast eiginkonu sinni 19. maí 1956, Guðfmnu Magnúsdóttur frá
Bryðjuholti í Hrunamannahreppi, en hún var fædd þann 27. júlí 1934
218