Goðasteinn - 01.09.2008, Page 221

Goðasteinn 2008
og tóku þau við búskapnum sama ár og þau giftu sig. Þeim varð fimm
barna auðið en þau eru Sigríður, María, Halldór, Katrín Fjóla og
Ingvar.
Við tóku vinnusamir tímar, ár búskapar og barnauppeldis og
Guðmundur tók fullan þátt í þeirri uppbyggingu sem átti sér stað um
og eftir miðja síðustu öld í sveitum landsins og á árunum 1950-1960
byggði hann upp í Haga bæði íbúðarhús, ijós og fjárhús og ræsti fram
og stækkaði tún jarðarinnar. Auk hefðbundinna bústarfa vann hann á
haustin í sláturhúsinu eins og gjarnan tíðkaðist á þeim tímum og síðar
við virkjanaframkvæmdir í Sigöldu og Hrauneyjum og þá var hann
einnig skólabílsstjóri um tíma.
Guðmundur missti Guðfmnu eiginkonu sína langt um aldur fram en
hún andaðist í blóma lífsins frá barnahópnum sínum þann 14. apríl
1972. En Guðmundur tókst á við þá erfiðu tíma því hann var ekki af
þeirri gerðinni að leggja árar í bát. Hann stóð einn að uppeldi barna
sinna og reynist þeim hinn traustasti og besti faðir og studdi þau í öllu
því sem þau vildu taka sér fyrir hendur.
Verkahringur Guðmundar var lengstum bundinn búinu í Haga.
Hann var bóndi og glöggur og áhugasamur búíjárræktarmaður og átti
nytjagóða gripi í fjósi og ijárhúsi og fékk jafnan viðurkenningu fyrir
góða mjólkurframleiðslu. Hann var fljótur að tileinka sér tækninýj-
ungar sem lutu að því að létta undir og hann taldi að gætu orðið til
hagræðingar, bæði í búskapnum og heimilisstörfunum.
Guðmundur hætti búskap árið 1991 en var töluvert áður farinn til
Reykjavíkur og settist að hjá dóttur sinni Maríu og Skæringi tengda-
syni sínum. Hjá þeim átti hann athvarf til dauðadags.
Guðmundur var ekki sestur í helgan stein þótt hann brygði búi.
Hann var fljótlega kominn í starf á mölinni og undir eins búinn að geta
sér orðspor fyrir dugnað og tmfesti eins og hans var von og vísa. Hann
starfaði hjá Áburðarverksmiðju ríkisins til sjötugs og eins átti hann
áfram kindur í Haga á meðan Sigríður dóttir hans bjó þar og þangað lá
leiðin flestar helgar og í öllum hans fríum á meðan þær voru til. Hann
var afar bókhneigður og fróður og átti heilmikið safn bóka. Minni
219