Goðasteinn - 01.09.2008, Qupperneq 227

Goðasteinn 2008
berklum og var Júlía tekin frá henni þegar hún lagðist inn á berklahæli
þar sem 5 rifbein voru höggin burt til þess að sýkta lungað félli saman
og þegar það gerðist var lungað fjarlægt. Hún háði lífsbaráttu sína við
berklana einangruð og innilokuð á þessari sjúkrastofnun í um 3 ár og
bar merki þeirrar baráttu alla ævi.
Þegar heim kom þurfti hún að takast á við veikan eiginmann sem
beitti hana misrétti. Hún umvafði dóttur sína með kærleika og um-
hyggju og síðan fæddust synimir, Stefán 1951 og Pétur 1957, sem hún
verndaði í meira en erfiðu hjónabandi og hlúði að þeim og dóttur
sinni.
1966 var svo komið að ekkert var eftir nema skilnaður og að flytja
heim til íslands og kom hún þá með yngsta son sinn Pétur með sér og
fóru þau til móður hennar Ragnheiðar og Björgvins manns hennar sem
bjuggu þá í Þorlákshöfn. I október það ár réð Helga sig sem ráðskonu
á heimili og síðar í maí árið eftir réð hún sig að Syðstu-Mörk til
Guðjóns Olafssonar bónda með Pétri syni sínum. Þau giftust 11. maí
1968 með vorkomunni og fyrirheitum lífsins.
Helga varð eins og áður að takast á við alveg nýtt umhverfi með
sinni eðlislægu djörfung og verða búkona við hlið manns síns, ganga
til mjalta kvölds og morgna og búa heimili þeirra með hlýju og mikilli
gestrisni. Björgvin sonur þeirra fæddist 1969 og við tóku árin þeirra
ljögurra í Syðstu-Mörk með miklu félagsstarfi Guðjóns, einkum eftir
að hann varð oddviti sveitarinnar en þá kom það í hlut Helgu að taka
svo vel á móti gestum sem húsmóðir heimilisins og standa við hlið
manns síns með svo margvíslegum hætti.
Helga var vinnusöm, eðlisgreind og nákvæm, oft dálítið stjómsöm
og ákveðin vegna þess að hún vildi skipuleggja störfin sem hún sá
framundan óunnin. Hún prjónaði og saumaði út, var vel lesin og hafði
mikið yndi af góðri hljómlist. Hún var lengi í stjóm kvenfélagsins Ey-
glóar í þessari sveit og lagði mörgum góðum málefnum lið. Sér-
staklega var henni annt um að hlúa að þeim sem hún vissi að væru
hjálparþurfi.
Síðustu árin bjó Helga við mikið heilsuleysi vegna fyrri veikinda og
225