Goðasteinn - 01.09.2008, Síða 242

Goðasteinn 2008
áfram er miðlað í traustum og góðum samskiptum þeirra á milli. Strax
í bernsku komu í ljós þau persónueinkenni sem fylgdu Páli alla tíð,
rólyndi og hæverska.
A tvítugsaldri kynnist Páll eftirlifandi eiginkonu sinni, Þómýju
Guðbjörgu Oddsdóttur. Foreldrar hennar voru Oddur Þórðarson og
María Helgadóttir. Páll og Þómý gengu í hjónaband 9. júní 1962, árinu
áður höfðu þau hafið sambúð í Bræðraborg á Hellu en stofnuðu síðar
heimili að Utskálum 3 á Hellu. Þau eiga tvær dætur. Þær eru Oddrún
María, gift Magnúsi Kristjánssyni, þau eiga 3 syni, og Jóna Björg, hún
á 3 börn.
Páll byrjaði ungur að vinna á ýtu m.a. við brúargerð. Um tíma vann
hann á bifvélaverkstæði og keyrði síðar olíubíl. Hann var rólegur og
öruggur bílstjóri og ekki stóð á greiðvikni hans þegar olíubirgðimar
þraut í sveitunum. Þar kom að olíukeyrslan varð honum erfið og hóf
hann þá skólaakstur sem hann sinnti meðan heilsan leyfði. Snemma
fór að örla á heilsubresti Páls og greindist hann síðar með taugahrörn-
unarsjúkdóminn MS. Hann var að mörgu leyti mótaður af þeim sjúk-
dómi og erfiðleikum sem honum fylgdu en öllu tók hann með æðru-
leysi. Páll sinnti störfum sínum alltaf eins og heilsan leyfði og tók tillit
til þess hvar annmarkar hans lágu. Hann var hjálplegur og nutu
systkini hans og vinir góðs af enda laghentur og vinnusamur. Þegar
kom að því að hann hætti störfum var hann heima og naut aðstoðar
Þórnýjar og fjölskyldu sinnar. Eftir að hann hætti vinnu fór hann síðar
til dagvistunar að hjúkrunar- og dvalarheimilinu Lundi. Þar vann hann
handavinnu, auk þeiiTar ánægju að hitta fólk og ræða um menn og
málefni. Páll hafði gaman af allri keyrslu og var áhugasamur um
fjöruna og meðan hann gat fór hann oft í íjöru, sérstaklega til systur
sinnar og mágs í Hallgeirsey.
Arið 2004 fluttist Páll alfarið á Lund er veikindin höfðu gert honum
ókleift að búa lengur heima. A Lundi leið honum vel og hafði hann
orð á því hversu vel væri hugsað um sig. Páll lést á Lundi 20.
september 2007 og var útför hans gerð frá Oddakirkju 29. september.
Sr. Guðbjörg A rnardóttir
240