Goðasteinn - 01.09.2023, Blaðsíða 133

131
Goðasteinn 2023
verkstjórn. Jónas á Rauðafelli
var einn þeirra sem þarna
unnu af kappi. Hann sagði mér
löngu síðar að einu sinni hefðu
menn orðið uppiskroppa með
timbur í uppslátt. En pabbi
hafði þá beðið þá að skreppa
heim að Eyri og slá langböndin
frá fjárhúsgörðunum og koma
með þau. Var það gert og
veggirnir komust upp eins
og til stóð. Brátt var laugin
fullgerð og þótti bæði mikið
og fagurt mannvirki.
Upp úr þessu var síðan
farið að halda skipuleg
sundnámskeið fyrir börn og
unglinga á hverju vori. Einnig
munu Eyfellingar fyrstir sveitarfélaga hafa nýtt sér heimild í lögum um að gera
sund að skyldunámsgrein. Önnur sveitarfélög sem það gerðu um líkt leyti voru
Vestmannaeyjar, Reykjavík og Svarfaðardalur og upp úr því fór sundkennsla að
breiðast út um landið. En það voru ekki aðeins sundnemar sem sóttu í laugina,
heldur safnaðist þangað mikill fjöldi fólks á sumrin og þá einkum á helgum,
bæði heimafólk og aðrir sem lengra voru að komnir. Björn Andrésson var
fyrsti sundkennarinn og gegndi því starfi meðan hann var hér í sveit. Hann
fluttist suður um 1930 og gerðist bóndi í Leynimýri við Reykjavík. Síðar var
hann forstöðumaður Blindrafélagsins og fékkst auk þess við fleiri störf. Eftir
Björn kenndu þarna ýmsir sund. Í þeim hópi voru Óskar Ásbjörnsson, síðar
bóndi á Seljavöllum, Þorsteinn Jónsson frá Seljavöllum og kona hans, Sigríður
Ólafsdóttir frá Eystri-Sólheimum, sem lengi var kennari í utanverðum Mýrdal.
Fleiri munu og hafa fengist við þetta, en síðasti sundkennarinn við laugina
var trúlega Snorri Jónsson, sem lengi var íþróttakennari við Héraðsskólann í
Skógum. Ekki leið á löngu þar til það voru ekki aðeins börn úr heimasveit sem
sóttu á sundnámskeið í Seljavallalaug, því brátt komu þangað einnig sundnemar
undan Vesturfjöllum sem og úr Skaftafellssýslu. Síðasta vorið sem þar var
skipuleg sundkennsla mun hafa verið 1959, því að vorið 1960 var fullbúin
innilaug við Skógaskóla og fluttist þá sundkennslan þangað.
Ungmennafélagið Eyfellingur gerðist brátt athafnasamt og gekkst fyrir
Snorri Jónsson kennari aðstoðar Olgu dóttur sína við
sundkennslu. Stúlkan í kápunni er Margrét Kristín
Lárusdóttir frá Vesturholtum.
Mynd úr safni Þorbergs Ólafssonar.