Golf á Íslandi - 01.06.2017, Blaðsíða 10

Skin og skúrir
– Hvernig er staðan hjá
Ólafíu Þórunni á sterkustu
mótaröð heims?
Ólafía Þórunn Kristinsdóttir, atvinnukylfingur
úr GR, hefur keppt á alls tíu mótum á LPGA-
mótaröðinni á þessu ári. Mótaröðin er sú sterkasta
í veröldinni og Ólafía Þórunn er fyrsti íslenski
kylfingurinn sem hefur tryggt sér keppnisrétt á
stóra sviðinu í Bandaríkjunum.
Það sem af er tímabilinu hefur Ólafía náð bestum árangri á
móti í febrúar í Ástralíu þar sem hún endaði í 30. sæti. Hún
hefur náð í gegnum niðurskurðinn á þremur mótum og á einu
móti komst hún í gegnum fyrri niðurskurðinn eftir 54 holur.
Á sex mótum hefur hún ekki komist í gegnum niðurskurðinn.
Þegar þetta er skrifað hafði Ólafía nýverið dregið sig úr
keppni á úrtökumóti fyrir Opna bandaríska meistaramótið
vegna meiðsla í öxl. Hún gaf einnig frá sér eitt mót á LPGA-
mótaröðinni 15.-18. júní.
Á stigalista LPGA var Ólafía Þórunn í 130. sæti þann 15.
júní sl. Hún þarf að vera á meðal 100 efstu til þess að halda
keppnisrétti sínum á næsta tímabili. Þeir kylfingar sem eru í
sætum 101-125 í lok tímabilsins fá takmarkaðan keppnisrétt
á næsta tímabili en þurfa samt sem áður að fara í gegnum
úrtökumótið í desember.
Árangur Ólafíu á árinu:
8. júní: Manulife LPGA: (73-70) 143 högg (-1)
/ komst ekki í gegnum niðurskurðinn.
2. júní: ShopRite LPGA: (73-74) 147 högg (+5)
/ komst ekki í gegnum niðurskurðinn.
25. maí: LPGA Volvik: (69-71-75-70) 285 högg (-3)
/ 56. sæti (340.000 kr. í verðlaunafé).
18. maí: Kingsmill / JTBC: (73-73) 146 högg (+2)
/ komst ekki í gegnum niðurskurðinn.
27. apríl: Volunteers/ JTBC: (74-67-79) 220 högg
(+7) / (300.000 kr. verðlaunafé).
*Á þessu móti var skorið niður tvívegis og
komst Ólafía ekki í gegnum lokaniðurskurðinn.
12. apríl: LOTTE / HERSHEY (76-75) 151 högg (+7)
/ komst ekki í gegnum niðurskurðinn.
23. mars: KIA Classic: (73-74) 147 högg (+3)
/ komst ekki í gegnum niðurskurðinn.
16. mars: Bank of Hope: (69-72) 141 högg (-3)
/ komst ekki í gegnum niðurskurðinn.
16. febrúar: ISPS Ástralía: (72-74-71-75) 292 högg
/ 30. sæti (930.000 kr. verðlaunafé).
26. janúar: Pure Silk Bahamas: (71-68-77-71) 287
högg (-5) / 69. sæti (286.000 kr. verðlaunafé).
10 GOLF.IS - Golf á Íslandi
Golf á Íslandi