Golf á Íslandi - 01.06.2017, Blaðsíða 66

Hvernig týni ég ekki boltanum?
Horfðu vel á eftir boltanum ef hann fer inn í hátt gras eða torfæru.
Finndu eitthvert kennileiti sem gæti leitt þig í rétta átt að
boltanum. Golfboltar eru litlir og getur verið erfitt að finna þá eftir
slæmt högg.
Hvernig á ég að umgangast golfvöllinn?
Kylfur skilja oft eftir sig kylfuför og það er nauðsynlegt að setja
torfuna aftur á sama stað. Það fer reyndar eftir því hvar í heiminum
maður er staddur en á Íslandi er nauðsynlegt að setja torfið á sinn
stað. Á flötunum er mikilvægt að laga boltaför með flatargafli.
Teigar eru viðkvæmir og þá sérstaklega á par 3 holum. Það er ágæt
regla að taka æfingasveiflur fyrir utan teiginn á par 3 holum.
Hvað geri ég í glompunni?
Ef kylfan snertir sandinn áður en þú slærð telst það sem eitt högg.
Ekki taka æfingasveiflu í glompunni og ekki leggja kylfuna í sandinn
áður en þú slærð. Eftir höggið er gríðarlega mikilvægt að raka förin
eftir fætur og kylfu í glompunni og ganga þannig frá að þú gætir
viljað slá á þessum stað á ný.
Hvar á ég að standa þegar aðrir pútta?
Þar sem þú truflar ekki. Það er að ýmsu að hyggja. Ekki standa beint
fyrir aftan kylfinginn eða í púttlínunni fyrir aftan holuna. Það er
bannað. Það þarf að gæta þess að stíga ekki í púttlínuna hjá öðrum.
Ef sólin skín þá gæti skugginn af þér verið í púttlínunni og þá þarftu
að færa þig. Það er í góðu lagi að undirbúa sitt pútt á meðan aðrir
gera. Gættu þess að standa kyrr þegar aðrir pútta en það flýtir leik
að vera tilbúinn þegar röðin kemur að þér.
Hvenær á ég að merkja boltann á flötinni?
Ef boltinn þinn er í púttlínu hjá öðrum á flötinni þarf að merkja
boltann og taka hann upp. Ef merkið er enn fyrir þarf að færa það til
hliðar og nota púttershausinn til þess að ákveða hversu langt merkið
er fært. Það má færa það eins oft til hliðar og þörf er á. En gættu
þess að færa það til baka á nákvæmlega sama stað áður en þú púttar.
Hvað á ég að gera við flaggið?
Ef boltinn er á flötinni og þú púttar í flaggstöngina þá er það eitt
vítishögg. Það er hins vegar í lagi að slá í stöngina ef boltinn er fyrir
utan flötina. Ef kylfingar eiga langt pútt eftir er venjan að standa
við flaggið og taka það síðan úr þegar boltinn fer af stað. Það er best
að taka sér stöðu við hliðina á holunni og gæta þess að skugginn sé
ekki í púttlínunni.
Þegar þú leggur flaggið niður gættu þess að það sé nógu langt frá og
og engin hætta sé á því að aðrir pútti í flaggið. Ekki leggja það niður
beint fyrir aftan holuna.
Einstaklega fallegur golfvöllur í 30 mínútna
fjarlægð frá miðborginni.
Einn af 100 bestu golfvöllum Norðurlanda
samkvæmt Golf Digest.
Tilvalið að bjóða viðskiptavinum
eða starfsmannahópum í golf.
BÓKAÐU
HÓPINN
Við erum með 8 manna bíl fyrir smærri hópa. Hópurinn getur þá
notið þess að skemmta sér saman í Brautarholti.
Sendu póst á gbr@gbr.is og við sendum þér tilboð fyrir hópinn.
www.gbr.is | gbr@gbr.is | sími: 566 6045
Golfklúbbur Brautarholts Golfklúbbur Brautarholts Golfklubburinn Brautarholti
GOLFSKUTLA
BRAUTARHOLT
GOLFVÖLLUR