Golf á Íslandi - 01.06.2017, Side 62

Heiðar Davíð Bragason, PGA-kennari og þjálfari, er
einn reyndasti keppniskylfingur landsins. Heiðar varð
Íslandsmeistari í golfi árið 2005 á Hólmsvelli í Leiru og
er það eini Íslandsmeistaratitill hans til þessa. Heiðar
Davíð var í glompu á 11. braut á Hólmsvelli í Leiru þegar
Golf á Íslandi náði þessum myndum af kappanum.
Hann leysti þetta gríðarlega vel og við fengum Heiðar
Davíð til þess að segja frá leyndarmálinu á bak við slík
högg.
„Þegar ég lendi í stöðu í glompu þar sem
annar fóturinn er uppi á bakkanum hef ég
aðeins meira bil á milli fótanna og beygi
mig aðeins meira niður en venjulega.
Þetta geri ég til þess að vera öruggur um
að hitta sandinn á undan boltanum.
Þessi fótastaða minnkar einnig hreyfingu
neðri hluta líkamans í högginu. Ég vil
takmarka alla hreyfingu á neðri hlutanum í
glompuhöggum.
Almennt í glompuhöggum vil ég hafa víða
eða breiða fótastöðu. Tilfinningin er sú
að ég sé að setjast aðeins niður og ég hef
þungann meira á vinstri fæti í gegnum alla
hreyfinguna. Boltastöðuna hef ég venjulega
rétt innan við vinstri hæl. Í högginu sjálfu
snýst þetta bara um að snúa bringunni frá
boltanum og skotmarkinu og koma mér
þaðan í lokastöðuna.
Lokastöðuna vil ég hafa þannig að bringan
á mér snýr í átt að skotmarkinu og hendur
eru framan við bringuna. Andlitið á
kylfuhausnum, eða höggflöturinn, á að snúa
í átt að andlitinu á mér. Þetta er grunnt
glompuhögg eins og ég framkvæmi það.
Ef ég vil fá boltann með hærra boltaflugi
eða lægra boltaflugi þá breytist boltastaðan
aðeins, kylfuvalið gæti líka breyst og einnig
hvar hendurnar enda í lokastöðunni.

Kveðja, Heiðar Davíð Bragason,
PGA-þjálfari.
Heiðar Davíð Bragason, PGA-þjálfari, gefur góð ráð:
Hvernig slær maður
svona glompuhögg?
62 GOLF.IS