Golf á Íslandi - 01.06.2017, Page 65

Hver byrjar?
Áður en byrjað er á fyrsta teig er vaninn að
henda upp tíi til þess að ákveða hver slær
fyrsta höggið. Á öðrum teig slær fyrstur
sá kylfingur sem var á fæstum höggum á
fyrstu braut. Ef skorið er jafnt breytist röðin
ekki. Hins vegar er besta reglan að koma
sér saman um það í upphafi að sá sem er
tilbúinn að slá teighöggið slái fyrstur. Það
sparar tíma og flýtir leik.
Hvenær á ég að slá?
Eftir teighöggið á sá sem er lengst frá
holunni að slá fyrstur. Það kemur fyrir að
sami kylfingur slær nokkur högg áður en
röðin kemur að þeim næsta. Hins vegar
er ekkert að því að slá á milli högga hjá
öðrum ef sá kylfingur er tilbúinn og lætur
meðspilara sína vita að hann ætli að slá.
Það flýtir leik og er til fyrirmyndar.
Hvar á ég að standa þegar
aðrir slá?
Til hliðar og aðeins fyrir aftan viðkomandi.
Og að sjálfsögðu það langt frá að engin
hætta sé á því að þú fáir kylfuna í þig. Það
þarf að gæta þess að skugginn af þér trufli
ekki sjónlínuna hjá þeim sem er að slá
og allar óþarfa hreyfingar eða hljóð geta
truflað.
Hvert má ég fara með
golfkerruna?
Í rauninni út um allt nema inn á teiga,
flatir og ofan í glompur. Margir vellir eru
með leiðbeiningar um gönguleiðir fyrir
kylfinga og vernda þar með viðkvæm svæði.
Hafðu í huga hvar næsti teigur er þegar þú
gengur inn á flötina og leggðu kerrunni með
hliðsjón af því. Það flýtir leik. Ef þú ert með
burðarpoka þá gilda sömu reglur en það er í
lagi að taka pokann með inn á teiga.
Hvar á ég að leggja
kerrunni þegar ég pútta?
Við hliðina á flötinni og nálægt
göngustígnum að næsta teig. Þú flýtir leik
með þessum hætti og þarft ekki að ganga
til baka til þess að ná í kerruna eftir að hafa
lokið við holuna.
debet | kredit
Bókhaldskerfi
Afgreiðslukerfi
dk viðskiptahugbúnaður er að öllu leiti
þróaður á Íslandi með íslenskar
aðstæður í huga. Sérfræðingar okkar í
þróun eru sífellt að bæta kerfið í takt við
nýja tíma og tækni s.s. með aðlögun að
spjaldtölvum og snjallsímum.
dk POS er eitt öflugasta afgreiðslukerfið
á markaðinum í dag. Sérsniðnar lausnir
s.s. tenging við GSÍ kort, rástímaprentun
og öflugt veitingahúsakerfi gera dk POS
að augljósum kosti fyrir golfklúbba.
Afgreiðslukerfi, Snjalltækjalausnir,
skýjalausnir og Office 365 í áskrift.
Skoðaðu málið á dk.is
dk hugbúnaður ehf
Smáratorgi 3 | 201 Kópavogur
Hafnarstræti 53 | 600 Akureyri
www.dk.is | dk@dk.is | 510 5800
Ljósmynd: loftmyndir@xyz.as
Áskrift