Golf á Íslandi - 01.06.2017, Side 70

„Ég fór fyrst á golfnámskeið heima á Hornafirði þegar ég var 9 eða 10 ára en ég byrjaði að stunda golfið af krafti
um fermingaraldurinn. Það sem mér finnst skemmtilegast við golfið er að sjá framfarir á hverju sumri, og ná
settum markmiðum. Það er einnig alltaf gaman að spila í góðu veðri í góðum félagsskap,“ segir hinn 25 ára gamli
Óli Kristinn Benediktsson úr Golfklúbbi Hornafjarðar. Óli er búsettur á Höfn í Hornafirði en hann er að ljúka námi í
félags- og fjölmiðlafræði við HÍ.
Óli væri til í að spila með Tiger Woods og Ian Poulter í ráshópi.
Hann er einn fárra kylfinga frá Austurlandi sem taka reglulega þátt
á mótaröðum GSÍ en hann reynir eftir bestu getu að taka þátt.
„Ég hef ekki verið nægilega duglegur við að mæta á
Eimskipsmótaröðina en planið er að mæta á nokkur mót í sumar
og sjá hvernig það gengur. Það er alltaf skemmtilegt að spila við
þá bestu á frábærum völlum víðsvegar um landið. Markmiðið
er að bæta sig enn frekar. Ég hef áhuga á að skella mér í PGA-
kennaranám og verða golfkennari/þjálfari. Í sumar verð ég að vinna
á Silfurnesvelli á Hornafirði.“
Styrkleiki Óla Kristins í golfinu er stutta spilið og högg af 80-
100 metra færi. Hann ætlar að laga upphafshöggin sem hafa ekki
verið hans sterka hlið. „Drævin hafa aldrei verið í
uppáhaldi hjá mér og pútterinn á það til að stríða
mér á ögurstundu. Þetta þarf ég að laga í mínum
leik.“
Óli Kristinn rifjar upp skemmtilega sögu þegar hann var nýbyrjaður
í golfi. „Ég sló boltann ofan í holuna af um 180 metra færi og
reddaði parinu á þeirri holu þegar ég hélt að allt væri farið í
vaskinn. Það var góð tilfinning og eftirminnilegt högg. Það
vandræðalegasta sem hefur gerst á golfvellinum var þegar ég þorði
ekki að öskra „FORE“ þar sem ég var í mútum og röddin var í
algjöru rugli. Ég sló boltann nálægt konu úti á miðjum velli og ég
þorði ekki að kalla „FORE“. Sem betur fer fór þetta vel en þetta var
óþægileg tilfinning.“
Uppáhaldsgolfvöllur Óla Kristins er Southern Dunes í Orlando.
„Sá völlur er ekkert endilega sá lengsti en það er nóg af glompum og
öðrum hættum sem gerir hann mjög krefjandi. Völlurinn er fljótur
að refsa manni fyrir lítil mistök.
Uppáhaldsholurnar hjá mér
eru 2. holan á Silfurnesvelli
á Hornafirði og Bergvíkin
á Hólmsvelli Leiru. Báðar
fallegar golfholur. Einnig finnst
mér alltaf skemmtilegt að spila
7. brautina á Hvaleyrarvelli í
Hafnarfirði.
Hraðaspurningar
Skemmtilegt að keppa
á Eimskipsmótaröðinni
Hornfirðingurinn Óli Kristinn Benediktsson
íhugar að skella sér í PGA-nám í haust
Staðreyndir:
Nafn: Óli Kristján Benediktsson.
Aldur: 25.
Forgjöf: 4,8.
Uppáhaldsmatur: Humar og pítsa.
Uppáhaldskylfa: 56 gráður.
Besta skor í golfi: 72 högg á
Silfurnesvelli.
Besta vefsíðan: YouTube.
Besta blaðið: Golf á Íslandi.
Hvað óttast þú mest í golfinu:
Sjank, það fer alveg með hausinn
á manni.
Dræver: TaylorMade SLDR.
Brautartré: TaylorMade M1.
Blendingur: TaylorMade M1.
Járn: TaylorMade Rocket Blades.
Fleygjárn: Titleist Vokey.
Pútter: Odyssey.
Hanski: TaylorMade.
Skór: Adidas.
Golfpoki: Adidas.
Kerra: Sun Mountain, sem er alveg
á síðustu metrunum.
Saman
finnum við
lausnir svo
þú skarir
fram úr
Í rekstri skiptir miklu máli að hafa
forgangsröðunina í lagi og hugrekki
til að fara nýjar leiðir er byggja á
þekkingu á aðstæðum hverju sinni.
Kynntu þér þjónustuframboð KPMG á
vefsíðu félagsins eða hafðu samband í síma
545 6000 og við verðum þér innan handar.
kpmg.is
70 GOLF.IS - Golf á Íslandi
Hraðaspurningar