Golf á Íslandi - 01.06.2017, Side 80

Mikil spenna var í karlaflokknum fyrir lokahringinn
á Símamótinu á Eimskipsmótaröðinni á Hamarsvelli
fyrstu helgina í júní sl. Mótið var jafnframt fjórða mótið
á Eimskipsmótaröðinni 2016-2017.
Vikar Jónasson úr GK tryggði sér sinn
fyrsta sigur á Eimskipsmótaröðinni með
fugli á lokaholunni. Þetta er jafnframt
fyrsti sigur hins tvítuga örvhenta kylfings á
Eimskipsmótaröðinni og í raun fyrsti sigur
hans á stóru mótaröðum GSÍ frá upphafi.
Vikar og Hákon Örn Magnússon úr GR
börðust um sigurinn á lokahringnum en
Hákon var með tveggja högga forskot fyrir
lokahringinn og hafði verið í efsta sæti
fyrstu tvo keppnisdagana.
Barátta þeirra var mikil og þeir voru báðir
á -5 samtals þegar þeir komu á 18. holuna
á lokahringnum.
Vikar lenti í glompu við 18. flötina í
öðru högginu en holan er par 5. Hann
sló glæsilegt högg úr glompunni og setti
síðan niður um 2 metra pútt fyrir sigrinum
en hann lék lokahringinn á 70 höggum
eða -1. Hákon lék lokahringinn á +1,
það dugði ekki til sigurs að þessu sinni en
Hákon er 19 ára gamall.
Kristján Þór Einarsson úr GM átti
frábæran lokahring og blandaði sér í
baráttuna en hann deildi þriðja sætinu með
Fannari Inga Steingrímssyni úr GHG.
„Æfði púttin eins og skepna“
„Það er eiginlega bara best að hugsa sem
minnst fyrir lokahring á slíku móti þegar
maður er í baráttunni um sigurinn. Það
var gott að hafa Birgi Björn Magnússon á
pokanum hjá mér á lokahringnum. Það var
gott að hafa einhvern til þess að ræða við og
létta aðeins stemninguna.“
„Ég hef æft mikið eða bara eins og skepna
undanfarin ár og þá sérstaklega yfir
vetrartímann. Það eru margir klukkutímar
á viku sem fara í æfingar og aðaláherslan
hefur verið á púttin, ég hef aldrei æft þau
eins mikið. Í vetur fékk ég tækifæri til þess
að æfa í Búlgaríu í sex vikur hjá IceGolf
Travel og Gunnlaugi Elsusyni. Ég er
gríðarlega þakklátur fyrir það.“
Hinn tvítugi örvhenti
kylfingur fagnaði
sínum fyrsta sigri á
Eimskipsmótaröðinni
Vikar Jónasson fagnaði sínum
fyrsta stóra sigri á ferlinum
vel og innilega á 18. flötinni á
Hamarsvelli. Mynd/seth@golf.is
Hákon Örn Magnússon úr
GR var með tveggja högga
forskot fyrir lokahringinn á
Símamótinu á Hamarsvelli.
#FYRSTUKAUP
KOMDU
TIL OKKAR
OG GERÐU
PLAN
80 GOLF.IS - Golf á Íslandi
Eimskipsmótaröðin