Føroya kunngerðasavn A og B - 28.12.1984, Síða 5

21
Skrásetingarbløð og skattarokningar.
§ 16. Líkningarráðið sendir øllum skattgjaldarum eitt skrásetingarblað við upp-
lýsingum um grundarlagið undir fyribilsskattaskráseting teirra.
2. stk. Skattgjaldarin kann gera vart við seg, um inntøku- og útreiðsluviðurskifti
hansara í komandi ári verða munandi broytt. Frásagnir um broyting mugu verða
líkningarvaldinum í hendi innan 15. februar 1984, um tær nýggju upplýsingarnar skulu
koma við í fyribilsskattaskránna frá 1. apríl 1984.
3. stk. Líkningarvaldinum er í hesum sambandi heimilað at krevja hóskandi skjal-
prógv fyri tær fráboðaðu broytingarnar, eins og eisini verður kravt, at sjálvuppgáva og
møguligur roknskapur fyri 1983 er innlatin kommunala líkningarvaldinum.
§17. Teir skattgjaldarar, hvørs inntøka í høvuðsheitinum er B-inntøka, fáa í mars
1984 eina fyribils skattarokning fyri tíðarskeiðið frá 1. apríl til 31. december 1984,
uppgjørd smb. ætlaðar inntøkur og útreiðslur í fyribilsskattaskráseting teirra.
§18. Líkningarráðið ger nærri reglur um, hvussu fyribilsskattur av inntøkuni í landi
verður eftirhildin hjá teimum persónum, sum eru undir donsku sjómansskatta-
skipanini.
Oyðibløð til fyribilsskattaskrásetingina.
§ 19. Líkningarráðið ger oyðibløð at nýta hjá teimum skattgjaldarum, sum ikki eru
fyribilsskrásettir. Persónar, sum við flyting til Føroya koma undir skattskyldu, fáa frá
líkningarvaldinum sendandi oyðibløð til útfyllingar, og skulu hesi verða aftursend
innan 14 dagar.
2. stk. Somuleiðis verða oyðibløð løgd fram í kommunum, posthúsum og peninga-
stovnum v.m. innan 15. februar 1984.
3. stk. Allir persónar, sum hava ella koma at fáa skattskylduga inntøku, og sum ikki
frammanundan eru fyribilsskattaskrásettir, hava skyldu at lata inn umrødda oyðiblað.
Heimild hjá líkningarvaldinum at áseta fyribilsinntøkur.
§ 20. Verður umrødda frágreiðing um væntaðu inntøkuviðurskifti skattgjaldarans
ikki send líkningarmyndugleikunum, er líkningarvaldinum heimilað at meta um
inntøku skattgjaldarans, sbr. § 68 í løgtingslóg um landsskatt og kommunuskatt
(samtíðarskattur).
2. stk. Líkningarvaldinum er heimilað at krevja hóskandi skjalprógv fyri uppgivnar
inntøkur og útreiðslur í samband við fyribilsskattaskrásetingina ella broyting av henni.
Somuleiðis er líkningarmyndugleikunum heimilað at meta um fyriliggjandi upp-
lýsingar um inntøkuviðurskifti skattgjaldarans kunnu leggjast til grund fyri fyribils-
skattaskrásetingina, sbr. § 68 í løgtingslóg um landsskatt og kommunuskatt (sam-
tíðarskattur).
Innkrevjing av skattaeftirstøðum.
§ 21. Skattskyldugir persónar kunnu verða kravdir eftir skattaeftirstøðum gjøgnum