Føroya kunngerðasavn A og B - 03.06.1997, Blaðsíða 12

300
Kapittul IV.
Uppsetan, upptøka og vemd av kervi
Uppsetan, upptøka o.l. av kervi
§ 9. Hvør tann, ið eigur ella ræður yvir fastari ogn,
má tola, at almenna fjarskiftiskervið verður lagt á, í,
undir, yvir ella ígjøgnum ognina. Eisini má hann
tola, at hann, sum í kervisveitarans tænastu fæst við
at leggja, viðlíkahalda, flyta, umvæla ella upptaka
kervið, hevur atgongd til ognina, um so er, at tað er
neyðugt at útinna arbeiðið.
Stk. 2. Kervisveitarin skal í samráð við viðkomandi
eigara ella ræðishavara áseta, hvar kervið skal leggj
ast, ella hvussu annað arbeiði á ognini eftir stk. 1
skal leggjast til rættis. Arbeiðið má ikki verða eigara
ella ræðishavara til ampa, uttan so at hetta er alneyð-
ugt. Um semja ikki fæst, verður fjarskiftiseftirlitið at
taka støðu í málinum.
Stk. 3. Hevur arbeiðið eftir hesi grein ampa við sær,
skal hann bøtast. Stendst skaði, verður tað av skað-
anum elvda tap at endurgjalda.
Vemd av kervi
§ 10. Arbeiði og onnur tiltøk, sum kunnu skaða ella
á annan hátt órógva fjarskiftiskervið, mugu ikki set-
ast í verk, uttan at viðkomandi frammanundan hevur
útvegað sær upplýsingar um kervið og lagt arbeiðið
til rættis saman við kervisveitaranum.
Stk. 2. Hevur arbeiðið ella tiltakið eftir stk. 1 elvt
skaða ella órógv á fjarskiftiskervið, liggur tað á við-
komandi at avmarka skaðan ella órógvið og uttan
drál at boða kervisveitaranum frá.
Stk. 3. Hann, sum hevur ábyrgdina av skaða ella ó-
rógv, skal endurgjalda tap ið stóðst av skaðanum
ella órógvanini. Er skaðin ella órógvin elvd av grov-
um óansni, verður hann, ið ábyrgdina hevur, sektað-
ur við bót.
Ognartøka
§ 11. Um so er, at tað er alneyðugt fyri at tryggja eitt
gott og tíðarhóskandi alment fjarskiftiskervi, og
semja um keyp annars ikki fæst, kann landsstýrið
ognartaka fremmanda ogn, við tí fyri eyga, at lata
tað ognartiknað til kervisveitaran til ognar ella
brúks. Ognartøkan skal bert fevna um tað øki, ið er
alneyðugt fyri at náa endamálinum í pkt. 1.
Stk. 2. Annars fer ognartøkan fram eftir reglunum í
L.nr.69 af 7. maj. 1881 om forpligtelse til jords
afgivelse til offentlige veje, havne og landingssteder
samt til offentlige skoler pá Færøeme.
Kapittul V.
Fjarskiftiseftirlitið
§ 12. Fjarskiftiseftirlitið er stovnur, sum hevur eftir-
lit við, at krøvini, sum sett eru í hesi lóg ella við
heimild í henni, verða hildin, og at kervis- og tæn-
astuveitarar halda skyldur sínar.
Stk. 2. Eftirlitið fevnir um tey øki, sum eftir § 7 ger-
ast fræls, og tey øki, sum konsessión verður veitt til
eftir § 8.
Stk. 3. Landsstýrismaðurin setir nærri reglur fyri
virki stovnsins, herundir gjøld fyri eftirlit og tænast-
ur, sum stovnurin veitir.
Stk. 4. Landsstýrismaðurin kann, í samráð við fjar-
skiftiseftirlitið, áseta nærri reglur fyri hvar kervisen-
din er.
Mátingar, upplýsingar v.m.
§ 13. Fjarskiftiseftirlitið kann gera stakroyndir og
mátingar og kann seta upp mátitól og aðra útgerð,
sum tørvur er á. Eftirlit kann, um neyðugt, verða
framt, uttan at boðað er frá frammanundan.
Stk. 2. Fjarskiftiseftirlitið hevur heimild til at útvega
sær allar upplýsingar, sum tørvur er á, til tess at út-
inna eftirlitið, herundir roknaskapartilfar v.m.
Stk. 3. Fjarskiftiseftirlitið hevur ótamaða atgongd til
fjarskiftiskervi, fjarskiftistænastu ella annan fjar-
skiftisútbúnað.
Stk. 4. Fjarskiftisbúnaður, sum ikki er góðkendur til
nýtslu í Danmark, kann ikki uttan loyvi fjarskiftis-
eftirlitsins, innflytast, seljast ella nýtast í Føroyum.
Bøting av breki v.m.
§ 14. Fjarskiftiseftirlitið kann geva boð um bøting
av breki á fjarskiftiskervi, -tænastu ella -útgerð, og
at viðurskifti annars, fáast í rættlag. Tann, ið fær slík
boð, hevur skyldu til at akta tey innan freistin, sum
eftirlitið setir, er mnnin.
Stk. 2. Verða tey boð, sum nevnd em í 1. stk., ikki
fylgd, kann eftirlitið steingja fjarskiftiskervi, -tæn-
astu og -útgerð. Eftirlitið kann, um neyðugt, gera av
at taka niður íjarskiftiskervi og -útgerð.
Stk. 3. Fjarskiftiseftirlitið kann útvega sær hjálp fra
løgregluni, um tað er neyðugt, til tess at útinna eft-
irlitið sambært §§ 12 og 13, og tá talan er um at fre-
mja tey tiltøk, sum nevnd em í hesi grein.
Dagbøtur
§ 15. Fyri at tryggja, at avgerðir, tiknar sambært hesi
lóg, verða fylgdar, kann fjarskiftiseftirlitið ella
landsstýrismaðurin gera av, at tann, sum avgerðin
viðvíkir, skal rinda dagbøtur so leingi viðkomandi
ikki aktar avgerðina.
Kaptittul VI.
Kæra, Kærunevnd v.m.
Kcera.
§ 16. Kærast kann til fjarskiftiseftirlitið um virksem-