Føroya kunngerðasavn A og B - 26.06.1997, Blaðsíða 3

347
Nr. 110
13. juni
Løgtingslóg
um
broyting í løgtingslóg um stuðul til menning av fiskivinnu á landi
Samsvarandi samtykt Føroya løgtings staðfestir og kunnger løgmaður hesa løgtingslóg:
81.
í løgtingslóg nr. 84 frá 28. mai 1996 um stuðul til
menning av fiskivinnu á landi verður gjørd henda
broyting:
Eftir § 4 verður sum nytt kapittul 2a sett:
Kapittul 2a
Stuðul til menning
§ 4 a. Landsstýrismanninum í fiskivinnumálum
verður heimilað av játtan á fíggjarløgtingslógini at
veita fiskavirkjum stuðul til tiltøk, ið eru neyðug
fyri, at hesi fiskavirki kunnu lúka krøv viðvíkjandi
menning í samband við løggilding og innaneftirlit,
ið eru og verða ásett av Heilsufrøðiligu Starvsstov-
uni.
Stk. 2. Upp til 2/3 av skjalprógvaðum útreiðslum
kunnu árliga latast í stuðuli til hvørt virki, til krøv, ið
fevna um ella gera tað neyðugt við tiltøkum til
menning av innaneftirlitsskipanum. Stuðul kann lat-
ast til:
a) tiltøk til menning av góðskuleiðarum o.ø. starvs-
fólkum, herundir luttøka á ekstemum skeiðum
o.a.
b) útreiðslur til innanhýsis skeið, upplæring, o.l., tó
ikki til lønir ella aðra samsýning til egin starvs-
fólk í tíðini fyri skeiðluttøku, upplæring o.l.
c) keyp av ráðgeving í samband við innaneftirlit og
løggilding.
Stk. 3. Treytin fyri at fáa stuðul til tiltøk smb. stk. 1-
2 er, at virkir em umfatað av kunngerðini um innan-
eftirlit á føroyskum fiskavirkjum.
Stuðul til serlig tiltøk og verkætlanir.
§ 4 b. Landsstýrismanninum í fiskivinnumálum
verður heimilað av játtan á fíggjarløgtingslógini at
veita stuðul til serlig tiltøk og verkætlanir, sum
verða fyriskipaðar fyri størri bólkar ella fleiri brúk-
arar, sum liður í samskipaðum ætlanum, ið hava til
endamáls at stuðla fiskavirkjum at gerast betur før
fyri at lúka krøv í samband við løggilding og innan-
eftirlit, ið em og verða ásett av Heilsufrøðiligu
Starvsstovuni.
Stk. 2. Um stuðul er latin ávísum verkætlanum ella
tiltøkum smb. stk. 1, fáa luttakarar/brúkarar ikki
stuðul smb. § 4 a til somu tiltøk.
Felagsreglur.
§ 4 c. Stuðul sambært hesi lóg verður veittur eftir
umsókn.
Stk. 2. Umsóknir um stuðul smb. §§ 4 a og 4 b skulu
verða landsstýrismanninum í fiskivinnumálum í
hendi í seinasta lagi tann 1. august í tí árinum, ið
stuðulin verður søktur fyri.
Stk. 3. Virkir, sum ikki era kunnað um endaligu
krøvini í samband við løggilding og innaneftirlit av
Heilsufrøðiligu Starvsstovuni í seinasta lagi tann 1.
juli 1997, kunnu fáa frávik frá tíðarfreistini smb. stk.
2. Umsókn um frávik frá tíðarffeistini skal verða
landsstýrismanninum í hendi í seinasta lagi tann 1.
august 1997.
Stk 4. Treytin fyri stuðuli smb. §§ 4 a og 4 b er:
a) at løgd verður fram útgreind frágreiðing um
verkætlanina, tíðarætlan og kostnaðarætlan.
b) at upplýsingar um, hvussu stuðulin er nýttur,
verða latnar landsstýrismanninum í fiskivinnu-
málum, eftir at tiltakið, broytingar og ábøtur ella
verkætlanin er liðug.
§ 4 d. Landsstýrismaðurin í fiskivinnumálum kann í
kunngerð áseta nærri reglur og treytir fyri veitan av
stuðuli sambært hesi lóg, herundir at áseta eitt býti
av játtanini millum stuðul eftir §§ 4a og 4b.”
§2.
Henda lóg fær gildi dagin eftir, at hon er kunngjørd.
Tórshavn, 13.juni 1997
Edmund Joensen (sign.)
løgmaður