Helgarpósturinn - 12.04.1984, Blaðsíða 15

Trausti
Jónsson
i
Helgarpósts-
viðtali
LEIKSKÁLD
— Þú hefiir skrifað leikrit, sem var sýnt í Borg-
arnesi við ágœtar undirtektir?
Já. Ég veit ekki hvort við eigum að kalla það
ieikrit. Þetta var svona farsi. Afturúrstefnuverk,
klisjuverk. Það getur hver sem er sett svoleiðis
saman.
- Hvað hét það?
„Sveinbjörg Hallsdóttir."
- Um hvað varþað?
„Þetta er náttúrlega mjög flókinn efnisþráður
sem byggist upp á ruglingi og vitleysu og ekki
þegar grannt er skoðað alveg rökheldur. Eg hef
gaman af góðum försum...“
- Finnst þér gaman að skrifa farsa?
„Ég á gott með að búa til flókinn söguþráð. En
hef tvo alvarlega veikleika, það er semsé tækni-
lega hliðin ... ég hef ekki gott auga fyrir inn-
komum, hinn; ég skrifa svo knappt að það vant-
ar allar nauðsynlegar málalengingar, einhver
símskeytastíll. Ég sá aldrei þetta leikrit mitt,
enda kannski einsgott...“
- Það fékk ágœta dóma.
Ja, það kom mér á óvart hvað það var vel
sótt, fólk virtist hafa meira gaman af þessu held-
ur en ég hélt. En ég er allsekki viss um að ég
kæri mig um að það verði sýnt aftur."
- Ertu skáldmœltur?
„Ég er alveg laus við að vera skáldmæltur.
Maður leggur ekkert af sér í þetta sem ég skrifa."
- Ætlarðu að skrifa annað leikrit?
„Ég á annað leikrit. Það hefði kannski verið
sýnt í vetur hefði heilsan leyft.“
- Um hvað er það?
„í fáum orðum er það um fólk sem heldur að
menn séu aðrir en þeir eru. Sem er svo sem
algengt í daglega lifinu."
- Ertu eins fyndinn og fólk heldur?
„Það er misskilningur. Ég er ekkert fyndinn.
Ef ég værj að reyna að vera fyndinn þá gengi
það ekki. Ég veit ekki til þess að mínir kunningj-
ar telji mig fyndinn. í mestafalli skrítinn."
SÉRSINNA
Hann snarar plötu á fóninn. ,Ég hef mjög
gaman cif skrítinni tónlist. Þetta er píanókonsert
til þess að binda enda á alla píanókonserta.
’Píanóleikarinn spilar Grieg, hinir eru með
Tchaikovský."
Það fer ekki á milli mála að maðurinn er
músíkalskur, plötusafnið er stórt og dýrmætt.
„Ég er orðinn nánast óhugnanlega næmur á
tónlist, að því leyti að hún getur komið mér
- algerlega úr jafnvægi. Ég verð jafnvel að ganga
svo langt að slökkva."
- Verða geðhrifin svona mikil?
Já hrifin geta orðið svo mikil."
Það er sagt að maður fái botn í manneskju ef
maður sér bækumar sem hún les, ég fæ engan
botn í manninn þó ég glápi á bókaskápana, mér
dettur helst í hug að hann sé ofviti. Best að
spyr ja hann um það á eftir.
- Þú ert að lœða þér í að skrifa, heldurðu að
þú eigir eftir aðgera meira afþví?
„Ég veit það ekki. Það er hugsanlegt... þó ég
segi sjálfur frá þá held ég að ég sé nokkuð opinn
fyrir því sem er í raun og veru frumlegt, sjálfur
er ég laus við það en gæti kannski orðið öðrum
að liði með að finna út það skrítna. Ég held að
hæfileikar mínir felist meira í að horfa á aðra
heldur en láta aðra horfa á mig. En ég öfunda þá
sem geta tjáð sig á þann máta, einsog góðir
tónlistarmenn, skáld og myndlistarmenn. Það
sem ég dáist mest að hjá þeim er að hafa þessa
öguðu villimennsku og veita áhorfendum um
leið þá vissu að þeir hafi vald yfir öllu - þeir
leyfa sér svo mikið og hafa fullkomið vald á því.“
- Hefurðu sömu áhugamál og flest fólk?
,Æ, það má segja að ég hafi fátt að segja um
það sem almenningur hefur áhuga á. Fólk hefur
ekkert gaman af til dæmis að heyra um afbrigði-
leg dönsk tónskáld, eða hryllingssögur, skrítna
tónlist.. .égereinhversérþarfaeinstaklingur."
- Ertu sérsinna?
,Já, ég held það sé alveg ágætt að segja það.
Ég hef eiginlega haft meira gaman af því með
árunum að halda kjafti og hlusta."
- Nú ertu ungur enn, er hœtta á að þú lokist
inní þig með árunum?
„Það má vel vera að ég vakni upp við það einn
góðan veðurdag."