Helgarpósturinn - 10.12.1987, Blaðsíða 13

EFTIR ÖNNU KRISTINE MAGNÚSDÓTTUR MYNDIR JIM SMART
JÖLABÓKASALAN
AÐ FARA AF STAÐ
Bóksalar vona að med lengri greidslufresti á greiöslukortaúttekt verði
salan jafnari. „A þann hátt getum við veitt betri þjónustu,1' segja þeir.
GUÐMUNDUR HREIÐARSSON
SIGRÍÐUR ÁRNADÓTTIR
HRÖNN JOHNSON
Það virtist ekki alveg liggja
Ijóst fyrír hvort jólabókasalan
væri byrjuð eða ekki þegar HP
heimsótti bóksala á mánudaginn
var. Þá var fyrsti dagurinn sem
boðið var upp á að greiðslunótur
væru dagsettar fram í tímann
þannig að viðskiptavinir greiða
ekki vöruúttektina fyrr en í
febrúar. I mörgum verslana
virtist þessi hugmynd falla í
góðan jarðveg en þegar Bóka-
búð Braga bauð þessa þjónustu
í fyrra var hótað að kæra
verslunina. Hugmyndin hefur
eigi að síður þótt góð því um
helgina var auglýst að kredit-
kortanótur væri hægt að dag-
setja 18. desember. Þetta er svar
bóksala við þeirri gífurlegu
söluöldu sem skellur á versl-
unum síðustu dagana fyrir jól og
strax á mánudaginn varð starfs-
fólk nokkurra bókaverslana vart
við að viðskiptavinir vildu gjarna
nýta sér þessa nýju þjónustu.
I nokkrum verslananna fannst
fólki við vera heldur snemma á
ferðinni, en eigi að síður bar
öllum saman um að um síðustu
helgi hefði verið mikið að gera
og mikið selst af bókum. Annars
er vaninn ekki sá að laugardags-
sala fari í fullan gang fyrr en
þann laugardag sem opið er til
klukkan sex, að sögn þeirra sem
unnið hafa árum saman í bóka-
verslunum. Þannig má búast við
góðri sölu á laugardaginn kemur,
enda þá farið að líða nær jólum
og fólk farið að hugsa alvaríega
um að drífa jólainnkaupin af.
GUÐMUNDUR HREIÐARSSON,
innkaupamaður hjá Hagkaup,
telur að jólabókasalan sé fyrr núna
en verið hefur, ef undan er skilinn
desembermánuður í fyrra, en þá
hafi verið einhver besta bókasala
í mörg ár. „Mér virðist jólabóka-
salan í ár stefna í að verða jafn-
vel meiri en í fyrra," sagði hann.
„Það selst yfirleitt mest af ís-
lenskum bókum, endurminn-
ingabókum og viðtalsbókum. I
fyrra seldist bók Þuríðar Páls-
dóttur, „Líf mitt og gleði", mjög
vel og nú virðist bók Höllu
Linker ætla að seljast á svipaðan
hátt. Bók Gorbachovs hefur selst
sérstaklega vel, og svo er spurn-
ing hvað verður með bók Ingu
Laxness, sem er nýkomin út. Þá
hefur verið góð sala á bók
Björns Guðbrandssonar barna-
laeknis, „Minningar barnalæknis",
sem og á bókinni um Ástu
grasalækni. Á laugardaginn var
góð bókasala hér, enda eru
bækur tiltölulega hentugar jóla-
gjafir. Nei, ég hef ekki orðið var
við að fólki finnist bækur dýrar.
Þær hafa hækkað um 20—30%
síðan í fyrra en verð þeirra er í
rauninni ekki ósvipað og það var
miðað við verðlag í fyrra. Mér
virðist vera jöfn hreyfing hjá út-
gefendum og bókartitlar virðast
hnitmiðaðri en oft áður. Bækur
eru ekki dýrar jólagjafir að mínu
mati." Við ræddum ennfremur
við nokkrar afgreiðslustúlkur á
kössunum í Hagkaup, enda eru
það þær sem viðskiptavinir snúa
sér til með greiðslu. Þær kváðust
ekki verða varar við að fólk
greiddi bækur mikið með krítar-
kortum: „Það er frekar ef fólk er
með aðrar vörur jafnframt að
greitt er með krítarkorti, en þeir
sem koma eingöngu til að kaupa
bækur greiða oftast með
peningum."
SIGRÍÐUR ÁRNADÓTTIR í
Pennanum, Hallarmúla, sagðist
ekki telja hægt að taka mark á
bókasölunni, þar sem svo stutt
væri liðið á mánuðinn. „Eins og
er seljast íslenskar bækur vel,"
sagði Sigríður, en bætti við að
bókasalan væri síður en svo
komin á fullt skrið. „Það eru
bæði íslenskar skáldsögur og
viðtalsbækur sem seljast best, til
dæmis bók Höllu Linker og bók
Stefáns Jónssonar," sagði hún.
„Já það er meira um að bækur
séu teknar út á kreditkort og
sjálfsagt fer það enn meira af
stað núna eftir að samþykkt var
að dagsetja nóturnar fram í
tímann. Ætli salan verði ekki
svipuð núna og hún var í fyrra,
en þá var mjög mikil bókasala
fyrir jólin."
HRÖNN JOHNSON í Bóka-
húsinu kvað litla hreyfingu vera
komna á jólabækurnar í ár.
„Salan í fyrra fór líka heldur seint
af stað, ekki fyrr en í kringum
15.—8. desember. Með því að
bjóða fólki upp á greiðslufrest
fram í febrúar ætti salan að byrja
eitthvað fyrr núna," sagði Hrönn.
Hún kvað mestu söluna fram að
þessu vera á bókum Höllu Linker
og Gorbachovs, en sagði fólk
ekki greiða bækur með kritar-
kortum nema upphæðin væri
því hærri. „Já, við verðum vör
við að fólki finnist bækur dýrar,"
sagði Hrönn, „en það kaupir þær
samt sem áður, enda bækur
alltaf vinsælar til jólagjafa."
TEITUR GÚSTAFSSON hjá
bókaversluninni Griffli í Síöu-
múla sagði bókasöluna lítið vera
farna af stað. „Gjafasalan er lítið
byrjuð en bókaáhugamenn eru
byrjaðir að versla," sagði hann.
„Það er vonlaust að ætla að
dæma um hvaða bækur muni
seljast best fyrir þessi jól. Enn
eru margar áhugaverðar bækur
ekki komnar út, til dæmis fugla-
bók, sem von er á. Fólk virðist
ennfremur nýta sér kynningar-
bæklinginn sem bókaútgefendur
í samvinnu við bóksala stendur
fyrir. Það velja sér margir bækur
af þeim lista og vita því hvað
þeir ætla að kaupa þegar í versl-
unina er komið. Það hastar ekki
jafnmikið að kaupa bækur og
aðrar gjafir, fólk virðist fyrst leita
að öðrum jólagjöfum en bókum
og er því yfirleitt á seinna rólinu
með að kaupa bækurnar. Ég
reikna ekki með að jólabókasalan
fari í fullan gang fyrr en núna
undir helgina. Þá verður opið til
klukkan sex á laugardaginn,
skólafólk komið til vinnu í versl-
unum svo auðvelt verður að
sinna viðskiptavinunum."
HELGARPÓSTURINN B-13